Dutoronomi 6:10 - Ạḍinya Iigbia

¹⁰ “Mem dị Ọmoogh-we Ẹnaan phọ anyina ịsighe inyina asiemi ẹpe ade phọ dị aghunya bọ ạngo bụrude phọ anyina Ebraham, Ạizik rꞌạJekob, ọngo anyina rạmha phọ ẹbugh bọ kụ ẹnighe, rạmha phọ nyina kụ ị́logh bọ,

Dutoronomi 6:10 Iomraidhean Croise

Emiighom 15:18

Ḍio phọ ạḍiphe phọ Ọmoogh-we phọ aghiran ịyo rꞌEbram, kụ ạḅeni nyọdi mọ, “Mị aguanaan ọngo ẹemara ẹemara ạna de phọ ạḍien, emiigh ẹpe Ọphiiny aNail phọ kụ esiemi ẹpe oboom Ọphiiny phọ aYufratis

Emiighom 26:3

Tugh ni sịen ade phọ ạḍien. Mị kạrolonaan ni nyịna kụ ạseph nyịna. Mị kạngo nyịna rꞌọto ạna oomo ade phọ ạḍien. Mị kamuneni ni ịyo phọ mị rꞌEbraham ọde phọ ạna rꞌạmi oghiran bọ.

Emiighom 28:13

Kụ pạ phọ Ọmoogh-we phọ ạmeera ni ọogaany ạmi kụ ạḅem mọ, “Mị Ọmoogh-we phọ ni, Ẹnaan phọ Ebraham rꞌẠizik. De phọ ạḍien nạ ạmina bọ mị mạngo nyịna rꞌạnmuny ạna.

Nehemaya 9:25

Awe phọ ạna eeghian ni ọsighiogh rạmha dị ophiighiom rꞌịikpo, de ẹnuum, ruutu dị aruphua emuza rꞌariini ạmuum ọphughol dị oguphogh, ireeny ọliv, ireeny iimuma, rꞌiizo avain. Bịdi ule ni tọrobo ịyaar lọ bịdi ọwa, kụ ọbughogh; bịdi ụghelom ni oomo ịma ạraraar phọ nạ ạngo bọ bịdi.

Ạsuor 105:44

Ọdi ạngo bịdi rere awe ịnon areelhe kụ aḍighi ịdi bịdi ọsighiogh iizo ạbidi,

Ạsuor 78:55

Ọdi aphorogh bụphe orugh bọ esi phọ mem dị awe phọ ọdi rotu; ọdi adiemi de phọ rughunughun phọ Ịzirel kụ ạngo simarugh phọ ạbidi we phọ ọdi.

Dutoronomi 1:8

Ipogh. Mị miseenaan inyina oomo ade phọ ạḍiphe edi bọ risigh anyina; ịki ẹmoogh de phọ ạḍiphe Ọmoogh-we phọ aghunya bọ ạngo bụrude phọ anyina, Ebraham, Ạizik rꞌạJekob, rꞌạnmuny phọ ạbidi.’”

Dutoronomi 19:1

“Mem dị Ọmoogh-we Ẹnaan phọ anyina kamutonaan kụ apiemi bọ reelhe phọ ịpe ade phọ ạḍiphe Ọmoogh-we Ẹnaan phọ anyina ịngo bọ inyina kụ nyina kẹboorom bọ bịdi kụ etugh sịphe ạramha phọ rꞌaruutu phọ ạbidi,

Dutoronomi 31:20

Mem dị mị ạsighe bịdi asiemi ẹpe ade ẹetool rꞌọninom, ḍịphe mị aghunya bọ ạngo bụrude phọ ạbidi, bịdi role rẹpher rọbughogh bịn bịdi okiton osoman ịnon ạrumugh kụ ooseeny ghan ụḅitonaan ịmi ọphue ịyo phọ ạmi.

Dutoronomi 6:18

Iḍighi ghan ịpe eru bọ igey, rꞌịlo ẹnighe risigh Ọmoogh-we phọ, ọbo ịnighenom inyina, ọbo nyina ẹghi ẹsighe ẹmoogh ịma phọ ade phọ, ḍịphe Ọmoogh-we phọ aghunya bọ ạngo bụrude phọ anyina.

Dutoronomi 6:23

Kụ ọdi ụsighe iyoor ạḍuanam ẹpe phọ. Ọdi ụsighe iyoor asiemi ẹphen phọ ạngo de phọ, ḍịphe ọdi aghunya bọ ạngo bụrude phọ ayoor.

Dutoronomi 8:12

Mem dị nyina melhe rịpher inyina, medoghoḍi igeny aruutu etughogh;

Dutoronomi 9:1

“Ịnaghan Ịzirel, rodon nyina kẹḅeeny Jọdan epun, ọghi ọmoogh areelhe dị ẹbugh ipu inyina, iboom ạramha dị ẹbugh kụ okoonyogh okitonom kụ epoph kꞌẹpe ạnyu.

Josua 24:13

Kụ mị ịngo inyina de dị nyina ị́miinom, rꞌạramha dị nyina kụ ị́loghoḍi kụ nyina etughogh, kụ nyina rele ghan ibusi rꞌiimuma oreeny-ọliv dị nyina kụ ị́zuphogh.’