Dutoronomi 6:1 - Ạḍinya Iigbia

¹ “Ịphen kụ iilogh phọ, ịtooghi phọ rꞌịiruen phọ ịpe Ọmoogh-we Ẹnaan phọ anyina ạlogh bọ ụngo ịmi mọ mị ịtughemi inyina, ẹdaph ghan kụ eḍighi ghan ẹpe ade phọ nyina reḍigh bọ ọrol,

Dutoronomi 6:1 Iomraidhean Croise

Ẹḍua 21:1

“Ịphen kụ iilogh dị nạ kạloghoḍinaan we Ịzirel:

Ẹḍua 23:13

“Ịnaghanan oomo ịpe mị Ọmoogh-we phọ mịḅeni bọ inyina. Kẹ́eḅereghi ịnon ạrumugh; kékol ghan roghol siḍien ạbidi.

Izikiel 20:19

Mị kụ Ọmoogh-we Ẹnaan phọ anyina. Iiko iilogh phọ ạmi rꞌịtooghi phọ ạmi.

Izikiel 37:24

Ọdaam dị kạkigh Devid otelhedom mọ ạmi kụ kaḍighi ọdaam ạbidi. Bịdi kọmoogh mụḅoph rꞌoniin oye dị ạda kụ ọnaghanan iilogh phọ ạmi agey.

Lịvitikos 27:34

Ịphen phọ iilogh dị Ọmoogh-we phọ ạlogh ạngo Mozis ịlo awe phọ Ịzirel sịphe Eegum aSainai.

Igbiighi 36:13

Ịphen phọ kụ ịtooghi rꞌeḍighinom ịyaar dị Ọmoogh-we phọ ạtooghi ạngo Mozis ịlo awe phọ Ịzirel, ẹpe ạḍiyaghaghaany ade phọ ạMoab ẹḅeenyom Ọphiiny ạJodan dị ọḍua Jeriko rotu.

Dutoronomi 12:1

“Ịphen kụ ịtooghi phọ rꞌịiruen phọ ịpe nyina kẹpamanam bọ kụ ẹdaph ghan eḍighi ẹpe ade phọ Ọmoogh-we Ẹnaan ạburude phọ anyina ịngo bọ inyina mọ ịmoogh, oomo asuḍughul-otu aghuḍum mọ anyina ịpe nyina kẹtol bọ sịen aḅirini phọ.

Dutoronomi 3:18

“Eniin amem mọ mị ụḅeni ni bịdi ịtooghi phọ ịphen: ‘Ọmoogh-we phọ Ẹnaan phọ anyina mịngo inyina de phọ ạḍien ạga emitenom ạJodan mọ ịtol. Nyịidipho ịnyaaghian ịlo ẹgham ẹḅeeny ephun ḍịeri phọ ạḍighaagh phọ kụ ekori ghan ịpheri phọ arughunughun phọ Ịzirel ọloghonaan ạḍighaagh bịdi kọrol de phọ ạbidi.

Dutoronomi 33:3

Ọmoogh-we phọ ạpomoghian ni we phọ ọdi, kụ rạmaar kạpham bụphe oḍighi bọ bụo ọdi. Kụ yoor okpuḍian sịphe aruwol phọ ạna, kụ ọdaphan ịtooghi phọ ạna,

Dutoronomi 4:1

Kụ aMozis ạḅeni we phọ Ịzirel mọ, “Nyịidipho iler rụru ẹnaghanan oomo iilogh phọ rꞌịiruen phọ ịpe mị ịtughemi bọ inyina, ịpe nyina keḍighi ghan bọ ọbo nyina ẹrol ẹghelom de phọ ạḍiphe Ọmoogh-we Ẹnaan ạburude phọ anyina rịngo bọ inyina.

Dutoronomi 4:14

Kụ Ọmoogh-we phọ ạto ụḅeni ịmi mọ mị ịtughemi inyina iilogh phọ rꞌịiruen phọ, ịdi nyina kẹsighe kụ ẹtolom ẹpe ade phọ nyina reḍigh bọ ọrol.

Dutoronomi 4:45

Iḍighi mem mọ bịdi mọḍua bọ ẹpe Ijipt kụ mosi ạga emitenom ạJodan ẹpe ekpululu bọ ọtol ropogh Bẹt Pior, kụ ọdi ạngo bọ bịdi iilogh phọ ịphen. Ịsien phọ iḍighi ghan eelhe phọ aSihon ọdaam mọ Ạmorait ọpo arugh bọ ẹpe Hesbon. AMozis rꞌawe Ịzirel ụkpar bọ opu nyọdi mem dị bịdi mọḍua ẹpe Ijipt.

Dutoronomi 4:5

“Mị mịtughemi inyina iilogh phọ rꞌịiruen phọ ịpe Ọmoogh-we Ẹnaan phọ anyina ạlogh bọ ụḅeni ịmi mọ ịduon kụ ịdi nyina keḍighi ghan ẹpe ade phọ nyina rẹki bọ ọmoogh phọ.

Dutoronomi 5:31

Kụ nạ, mẹera sịen utuman ịmi. Mị kạḅeni ni nyịna oomo iilogh phọ ạmi rꞌịtooghi phọ ạmi rꞌịiruen phọ ịpe nạ kạtughemi bọ bịdi, ẹrol dị bịdi ọdaphan ghan ẹpe ade phọ mị rạngo bọ bịdi ọmoogh phọ.’

Dutoronomi 5:33

Ịdaph ghan oomo areten phọ ịpe Ọmoogh-we Ẹnaan phọ anyina mạto bọ ịngo inyina kụ erelhe ghan, ọbo ịnighenom inyina, ẹrol ebia sịphe ade phọ nyina rẹki bọ oḍigh phọ.

Dutoronomi 6:2

ọbo nyina ekori eghueni Ọmoogh-we Ẹnaan phọ anyina, eeko ghan ịtooghi phọ ọdi, rꞌiilogh phọ ọdi, ịphen mị ạlogh bọ rịḅeni inyina, nyina rꞌạnmuny anyina rꞌạnmuny ạnmuny anyina, oomo asuḍughul-otu aghuḍum mọ anyina, ọbo asuḍughul-otu phọ anyina ẹdoony.