Dutoronomi 5:6 - Ạḍinya Iigbia

⁶ ‘Mị kụ Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt sịphe nyina eḍighi ghan bọ rẹbene phọ.

Dutoronomi 5:6 Iomraidhean Croise

Ạsuor 81:11

“Kụ ọlo awe phọ ạmi ịmi ụ́naghanan; bụo Ịzirel ịmi ụ́naghanan.

Ẹḍua 13:14

Ḍio dị ọony ạna apuru nyịna mọ, ‘Ẹmhu ịphen phọ pọ ika?’ ḅẹni nyọdi mọ, ‘Esi ạḍighaagh iphelegbe phọ ọdi kụ ẹdi Ọmoogh-we phọ ụsighe bọ iyira amitiom ẹpe Ijipt, ẹpe ạdol ạrebene.

Ẹḍua 13:3

AMozis ạḅeni we phọ Ịzirel mọ, “Ịitughian ghan ḍio phọ arodon. Arodon kụ ẹdi nyina ẹḍua bọ ẹpe Ijipt emite, esi phọ nyina eḍighi bọ rẹbene; ạḍiikpara ạḍighaagh ọdi kụ ẹdi Ọmoogh-we phọ ịsighe bọ inyina amitiom. Íle ghan ạbred lọ ọlogh yist.

Ẹḍua 20:1

Ẹnaan ẹghaaph oomo ịphen kụ ẹḅem mọ,

Jerimaya 11:4

Ịphen kụ ịyo phọ mị aghiran bọ rꞌạburude ạburude phọ ạbidi mem mọ mị ạsighe bọ bịdi amitiom ẹpe Ijipt, de phọ ạḍiphe ẹghigh bọ egu ạnian esi ạbidi. Mị ụḅeni bịdi mọ ụnaghanan ịmi ọḅile oḍighi tọrotoro ịyaar lọ mị mạto. Mị ụḅeni ni bịdi mọ eḍighi ịyaar lọ bịdi ọnaghanan, bịdi koḍighi ni weye ạmi ḅịle kẹn mị kaḍighi Ẹnaan ạbidi.

Maika 6:4

Mị ịsighe inyina amitiom sịphe Ijipt; mị ịtagharan inyina dọl ạrebene; mị arom Mozis, Eeron rꞌạMiriam mọ iḍiemiom inyina.

Dutoronomi 4:4

kụ nyina phọ ạbuphe eḍighom bọ Ọmoogh-we Ẹnaan phọ anyina edi ni kꞌarodon.

Dutoronomi 6:4

“Ịnaghan, nyina awe Ịzirel, Ọmoogh-we Ẹnaan phọ anyina, oniin Ọmoogh-we.

Dutoronomi 7:8

Ịdi eḍighi bọ Ọmoogh-we phọ ịphomoghian inyina kụ ạtu bọ raako ghan ịyo phọ ịpe ạburude phọ anyina rꞌọdi oghiran bọ, kụ Ọmoogh-we phọ ạtu bọ ạsighe ḍịghaagh iphelegbe phọ ọdi ịsighenom inyina ạḍuanam, ịtagharan inyina ạsighe esi ạdol ạrebene phọ ḍịghaagh ọdaam eelhe phọ Ijipt.

Dutoronomi 8:14

igona siloor anyina, ọbo nyina kebaga ghan bọ ẹkiom ạnyu. Íbula ghan Ọmoogh-we Ẹnaan phọ anyina, ọpo ịsighe bọ inyina ạḍuanam ẹpe ade phọ Ijipt dọl ạrebene phọ,