Dutoronomi 5:5 - Ạḍinya Iigbia

⁵ Kụ mị ụmeera igbo Ọmoogh-we phọ rꞌanyina mem mọ ạmuphe phọ, ọḅeni ghan anyina ịpe Ọmoogh-we phọ rạkaaph bọ, ịdi eḍighi bọ nyina ighiilaan ni nịan phọ, nyina ị́siiny aani ẹpe ạnyu eegum mọ. “Ọdi ạḅem mọ,

Dutoronomi 5:5 Iomraidhean Croise

Emiighom 18:22

Kụ ịyal phọ awe phọ onyeene osoman ẹpe Sọdom, kụ Ọmoogh-we phọ ạrol rꞌEbraham.

2 Ạbudaam 18:4

Ọdi aphiemi riisi ooseeny aruru phọ, aḅomoghi ịkaaghineen ạrumugh phọ rꞌigbudu um-ạke Asera, aḅomoghi ẹkaraph-ịyaar phọ ọkaam bọ enaba phọ ịpherepe, nyẹpe aMozis ạka bọ, nyẹpe oghol ghan bọ mọ aNehustan. Awe phọ Ịzirel ụsuughi ghan ịnsens oghueniom tụtu ẹteeny bọ ḍio phọ ạḍiphe phọ.

Ạsuor 106:23

Mem dị Ẹnaan ẹḅem mọ ọno kapiemi we ọno, aMozis otelhedom mọ ọdi ạsaḅar bọ ómeera mọ Ẹnaan ephiemi we phọ kụ asophoghom ophin ologhi phọ ọdi.

Ẹḍua 19:16

Ḍịroor aḍio phọ ạḍiphe emuneniom bọ ịraar aḍughul-otu phọ bịn ọomaany ạraphan; aḍio phọ ẹḅaaghi ẹmepheghian bịn ọkikiph ọotu aakpereghiom ạnyu eegum mọ, kụ ẹḍogh ọkuodu dị ẹghi ạnyu iboom ẹḅa, kụ oomo awe phọ odi bọ sịphe arugbogo phọ ophiigha rꞌaḍiigu.

Ẹḍua 19:21

Ọmoogh-we phọ ạḅeni Mozis mọ, “Soor ude ạphur we phọ rụru mọ bịdi kútenom utu uḅiligha ẹphen mị odi bọ, bịdi oru oḅiligha, ịbadi awe komuughu ni.

Ẹḍua 19:25

AMozis asoor ạghi ạteeny we phọ kụ ạghaaph ịpe Ọmoogh-we phọ mạḅem bọ ạḅeni bịdi.

Jerimaya 30:21

Oḍiemiom ạbidi kạḍua sịphe ogbo phọ ạbidi kụ amite, oniin ọnyo ạbidi aḍighi ọolha-ẹmha ạbidi. Mem lọ mị ạmagh, ọdi katu esi ạmi — ạnhian kụ kaḍuraan atuman dị ụ́magh? Bịdi koḍighi weye ạmi kụ mị kaḍighi Ẹnaan ạbidi. Mị Ọmoogh-we phọ kụ mạḅem.”

Igbiighi 16:48

Ịphen kụ isophe ẹepoph phọ kụ ọdi ạmeera ogbo ạbudi odi rꞌạbudi momuughu.

Bụo aGaletia 3:19

Ụtuan ika kụ ọloghoḍi bọ Ologh phọ? Ụḅaram Ologh phọ, ọbo awe olegheri ịyaar dị ọpioman aru, kụ ụwa mọ ẹrol li tụtu ẹteeny mem mọ ọnyo ẹemara phọ Ebraham, ọpo aḍighi bọ ẹmhu oguan phọ, katu bọ. Ạruukpaany phọ Ẹnaan kụ ụḅogh bọ Ologh phọ ọlogh ḍịghaagh oye dị ạmeera enye ọsighe oruom awe.

Dutoronomi 5:27

Kịa aḍuraan Ọmoogh-we Ẹnaan phọ ayoor ạnaghan oomo phọ ịpe ọdi kạkaaph bọ, kụ aru ạghaaph ụḅeni iyoor oomo ịpe Ọmoogh-we phọ Ẹnaan phọ ayoor ạghaaph bọ ạḅeni nyịna, yoor koler rụru ọdaphan.’

Bụo aHibru 9:24

AKraist ọ́ghi oḍigh Ẹphan dị awe kụ oḍighi ọghighemi ẹkaraghi egey phọ. Ọdi agheel ghụn kꞌạke, ẹpe ọdi ạtuan bọ ọgbaanaan ayira kụ ạmeera bọ egbodo phọ Ẹnaan.