Dutoronomi 5:26 - Ạḍinya Iigbia

²⁶ Ạnhian oye kụ mạnaghan aani ghan ẹḍogh Ẹnaan phọ sịphe ologhi ạnian phọ rạkaaph ghan ịduon ayira kụ ạrol?

Dutoronomi 5:26 Iomraidhean Croise

Emiighom 32:31

Ọdi rotenom Pẹnuel bịn ogogo amite, kụ ọdi amiigh okpeku loor ịtaany phọ ọdi.

Emiighom 6:12

Ẹnaan ekiton ephogh kụ ẹmiin mọ aḅirini phọ mạphu. Oomo areten awe sịen aḅirini phọ mẹphu.

Ạsuor 42:2

Ẹephua ạna rẹpu ghan uwaloor ạmi, nạ kụ Ẹnaan phọ ẹpe rémugh ghan bọ. Ạpur amem kụ ẹdi mị katu bọ aganana egbodo ạna?

Ạsuor 42:3

Ootaany rꞌaḍughul mị amoghi kụ izin bịn kụ eḍien ạmi; oomo amem ạbumulogh-ḍien ạmi upuru ghan ịmi, “Ẹnaan phọ ạna edi ẹghen?”

Ạsuor 84:2

Rịphu ni ịmi ọrol ịsiphe. Mị ạmoogh ni ẹephua ọrol ịsiphe Otu Ọmoogh-we phọ. Rꞌoomo aloor ạmi mị ạmoor sụor iboh ạngo Ẹnaan phọ ẹpe edi ghan bọ bịn.

Ẹḍua 20:22

Ọmoogh-we phọ ạḅeni Mozis mọ, “Kạaph ịphen phọ ạḅeni we phọ Ịzirel mọ, ‘Nyina mẹmiin ni mọ mị odi ẹphen ạnyu ạke phọ, kụ nyina rꞌạmi rọkaaph ghan bọ.

Azaya 40:6

Oye atu rạlooghi mọ, “Igbeelom dom!” Mị apuru mọ, “Eeghe adom kụ ẹdi mị kagbeelom bọ?” “Gbeelom mọ oomo awe ọkigh rọogho; Aghuḍum ạbidi óbia opu kụo ạsifalaway ologhi eḍum.

Jerimaya 10:10

Kụ ọlo nạ Ọmoogh-we phọ kụ ọkar Ẹnaan, nạ kụ Ẹnaan phọ ẹpe edi ghan bọ bịn, ḅịle kẹn rꞌọdaam kꞌagee-pọ. Mem lọ nạ ạghagh ologhi, aḅirini phọ rapiigha ghan ni; areelhe phọ kótue ọmerenyan ọghagh ologhi phọ ạna.

Dạniel 6:26

Mị ạto mọ sịen oomo arere phọ ạmi tọrobo oye aghiilaan ạḅile ạlogh eghuan Ẹnaan phọ ạDaniel. “Ọdi kụ Ẹnaan dị edi ghan bịn ḅịle ọdi kạda kꞌagee-pọ. Ọmar phọ ọdi kótue opiemi ḅịle ịikpo phọ ọdi kékureri.

Matiu 26:63

Kụ ạJizos aḅoorian kpạy kpạy. Kụ uwo ẹmhu oyil ạrikia phọ ạḅeni nyọdi mọ, “Mị akol ḍien Ẹnaan phọ edi ghan bọ, ụḅeni iyoor mụghumo nạ kụ aMesaya Ọony phọ Ẹnaan.”

Iiḍighi 14:15

“We phọ! Iḍighi ika kụ nyina reḍighi bọ rạraar phọ ịphen phọ? Yoor awe ni. Yoor ọmoogh ni ḍiniin aḍizu ịdipho anyina. Yoor ọsighe ooḅi ọghaaph iruomonaan inyina, ọbo nyina ẹwile oopho ạraraar phọ ịphen ekiton esoman Ẹnaan phọ edi ghan bọ, ẹpe ẹlhem bọ kẹ rꞌade rꞌọphiiny phọ rꞌịlo esi rꞌesi.

Bụo aRom 3:20

Ẹnaan rẹ́tuan ghan ooko ghan Ologh phọ kụ kẹsighenom mọ ọphon oye aruukuan ni. Ologh phọ ghụn rạkiom ghan oye ologhi mọ ọdi maḍighi ịkaraph.

2 Bụo ạKorint 6:16

Otu ịiḅereghi phọ Ẹnaan rꞌạnmuny aghuḍuul ạbuo aruru phọ kọpomoghian bọ ika? Yira phọ kụ otu ịiḅereghi Ẹnaan phọ edi ghan bọ ni. Ịdipho Ẹnaan rꞌaloor ọdi kụ ẹḅem bọ mọ, “Mị kaḍighi bịdi marugh phọ ạmi, ạḅile atugh sịphe ogbo phọ ạbidi. Mị kaḍighi Ẹnaan ạbidi, bịdi oḍighi weye ạmi.”

Dutoronomi 4:33

Awe ịnon areelhe odi ni ḍụghum dị mọnaghan ghan ẹḍogh phọ Ẹnaan dị ẹrol ologhi ạnian kụ rẹḅa, ịdipho nyina ẹnaghan bọ kụ edi bọ?

Dutoronomi 5:27

Kịa aḍuraan Ọmoogh-we Ẹnaan phọ ayoor ạnaghan oomo phọ ịpe ọdi kạkaaph bọ, kụ aru ạghaaph ụḅeni iyoor oomo ịpe Ọmoogh-we phọ Ẹnaan phọ ayoor ạghaaph bọ ạḅeni nyịna, yoor koler rụru ọdaphan.’

1 Bụo ạTesalonika 1:9

ịdi eḍighi bọ bịdi rꞌaloor kụ rọgba ịlo amem mọ yoor ịrolan bọ inyina, ịdi nyina mẹwile ruru, kụ ekiton esoman reḍighi oḍighi kẹngo ọkaraghi Ẹnaan phọ edi ghan bọ kꞌagee-pọ,

Josua 3:10

Ịsien kụ esi dị nyina kẹsighe kụ elegheri mọ Ẹnaan phọ rémugh ghan bọ edianaan ni rꞌanyina kụ ọdi kạ́bile ophorogh ạbuo aKenanait phọ rꞌạHitait phọ rꞌaHivait phọ rꞌạPerezait phọ rꞌaGirgasait phọ rꞌẠmorait phọ rꞌaJebusait phọ.

Bụo Ịiruen 13:22

Kụ aManoa ạḅeni ạnir phọ ọdi mọ, “Ílho mun mọ yira komugh, ịdi eḍighi bọ yira mọmiin Ẹnaan.”

1 Sạmuel 17:26

ADevid apuru ni we phọ ạbuphe otuman bọ nyọdi mọ, “Kọngo eeghia oye lọ aghiigh oye ọlo aFilistia phọ ọphon phọ kụ aḍighi ịdi Ịzirel okpetenaan ituunyan phọ ịphen? Ạnhian ọnyo ịdeni ọlo aFilistia phọ ọphon phọ kụ atu bọ raafolomi weye ẹgham kꞌẸnaan phọ rémugh ghan bọ?”