Dutoronomi 5:25 - Ạḍinya Iigbia

²⁵ Nyịidipho esi ika kụ ẹdi yoor kokiilaan bọ ḍuugh? Ạḍiikia phọ ạnian phọ ạḍiphe kilhe iyoor. Eḍighi mạar dị yoor ọḅile kẹn ọnaghan ẹḍogh Ọmoogh-we Ẹnaan phọ ayoor, yoor komugh ni.

Dutoronomi 5:25 Iomraidhean Croise

Emiighom 3:10

Oye phọ ạphagharanaan mọ, “Mị ụnaghan ẹḍogh ạna sịen oghoony phọ, kụ aruugu usiph ịmi ịdi eḍighi bọ mị ụrol ẹdaḅa, kụ mị ạaghian bọ.”

Ẹḍua 20:18

Mem dị bịdi ọnaghan bọ ọraphan aḍio phọ rꞌọkuodu phọ kụ ọmiin bọ mụghi phọ aakpereghiom bọ eegum mọ, rꞌọmepheghian phọ, oomo awe phọ uphiigha ni rꞌaḍiigu kụ ọmeregha kꞌekpisi dị ẹkel.

Ẹḍua 20:19

Kụ bịdi ọḅeni Mozis mọ, “Nạ kụ kạaph ghan ụḅeni iyoor, yoor kọnaghanan ni nyịna. Eḍighi mạar dị Ẹnaan kụ ịḅaanaan iyoor, yoor komuughu ni.”

Bụo aGaletia 3:10

Bụphe oghuraam bọ ooko ghan Ologh phọ odi dọl itulughian, ịdi eḍighi bọ ạḍinya iigbia phọ rẹḅem ghan mọ, “Tọrobo oye lọ ráako ghan oomo phọ ịpe ọge bọ sịphe ạḍinya Ologh phọ, odi dọl itulughian.”

Dutoronomi 18:16

“Ḍio phọ ạḍiphe nyina eekpomoghan bọ ẹpe Eegum aSainai, nyina ẹeḅereghi bọ Ọmoogh-we Ẹnaan phọ anyina ẹḅem ghan mọ, ‘Seseeny, yoor kụ́naghan mun ẹḍogh phọ ạna, yoor kụ́miin mun ḍiboom mọ ạnian phọ ạḍien ọbo yoor komugh ghan bọ.’

Dutoronomi 18:17

Ọmoogh-we phọ mạnaghan ịpe nyina ẹlhom bọ, kụ ụḅeni ịmi mọ, ‘Ịpe bịdi ọghaaph bọ, igey ịdi eru ịne.

Dutoronomi 33:2

Ọdi ạḅem: “Ọmoogh-we phọ ạḍua ẹpe Eegum aSainai kụ aru ụteeny iyira; eegu ọdi imite ịdipho erumuḍio ạḍiroor ẹmuom Idom, kụ ẹḍua Eegum ạParan esoorom we phọ ọdi. Ạsimuunir ạruukpaany ọrolan ni rꞌọdi, kụ ạnian dị reemor ẹrol ḍịghaagh elhiom ọdi.

Dutoronomi 5:24

kụ ọḅem mọ, ‘Ọmoogh-we Ẹnaan phọ ayoor muḍeenaan iyoor eegu phọ ọdi rꞌigbogh phọ ọdi. Yoor ụnaghan ni ẹḍogh phọ ọdi sịphe ologhi ạnian phọ. Rodon yoor mọmiin mọ oye katue ni ạtol, ghạlamo Ẹnaan ịḅaanaan ni nyọdi.

Bụo aHibru 12:19

rꞌạḍiaḅa ọkuodu rꞌẹḍogh. Ẹḍogh phọ awe phọ ọnaghan bọ iḍighi ni ruugu dị bịdi ụ́wa mun ọḅile ọnaghan,

Bụo aHibru 12:29

ịdi eḍighi bọ Ẹnaan phọ ayira ạnian ẹpueghi.