Dutoronomi 5:16 - Ạḍinya Iigbia

¹⁶ “‘Lọgh eegu ọde ạna rꞌonhiin ạna, ịdipho Ọmoogh-we phọ Ẹnaan phọ ạna mạto bọ ạngo nyịna, ọbo ariiḍio ạna ẹdoony, ẹnighenom nyịna, sịen aḅirini phọ Ọmoogh-we Ẹnaan phọ ạna rạngo bọ nyịna.

Dutoronomi 5:16 Iomraidhean Croise

Ẹḍua 20:12

“Lọgh eegu ọde ạna rꞌonhiin ạna, ịdipho Ọmoogh-we Ẹnaan phọ ạna mạto bọ ạngo nyịna, ọbo ariiḍio ạna ẹdoony, ẹnighenom nyịna, sịen aḅirini phọ Ọmoogh-we phọ Ẹnaan phọ ạna rạngo bọ nyịna.

Asidogh 3:1

Mọony ạmi, kábula ịlo mị ạtughemi nyịna. Oomo amem tụutughian oḍighi ịlo mị ạḅeni nyịna oḍighi.

Izikiel 22:7

Rꞌoniin sịphe ẹmha phọ óghueni ọde rꞌonhiin ọdi. Nyina eegbegheḍiom ruuruen kụ ẹmiine rukpukele ạnmariir rꞌạbunyigo ạnmuny.

Lịvitikos 19:3

Tọrobo ọnyo anyina aghueni ghan onhiin ọdi rꞌọde ọdi; aako ghan ḍio ophooghian phọ. Mị kụ Ọmoogh-we Ẹnaan phọ anyina.

Matiu 19:19

ọde rꞌonhiin lọgh eegu kụ ạphomoghian ọnon oye ịdipho aloor phọ ạna.”

Elegh ạMak 10:19

Nạ alegheri ni iilogh mọ: ‘Enu kạ́ko, ẹmha kále, imi kámi, ịkaraph ạsiagba kạ́gbaanaan oye, káagbegheḍiom oye, ọde rꞌonhiin lọgh eegu.’”

Elegh ạMak 7:10

AMozis ạḅem mọ, ‘Ọde rꞌonhiin lọgh eegu,’ kụ, ‘Oye lọ alomaan ọde mꞌonhiin, oghiigh ghan ni!’

Elegh aLuk 18:20

Nạ alegheri ni iilogh phọ mọ, ‘Ẹmha kále, enu kạ́ko, imi kámi, ịkaraph ạsiagba kạ́gbaanaan oye, ọde rꞌonhiin lọgh eegu.’”

Dutoronomi 11:9

ọbo nyina ẹrol ẹpe ade phọ ẹkpo, ḍịphe Ọmoogh-we phọ aghunya bọ ạngo bụrude phọ anyina, de ẹetool rꞌọninom.

Dutoronomi 27:16

“‘Itulughian ẹrolonaan oye lọ ọde ọdi rꞌonhiin ọdi rákueni ghan.’ “Kụ oomo awe phọ omeeraam ghan kụ ọḅem ghan mọ, ‘Ẹrol li ịdipho.’

Dutoronomi 4:40

Kụ iḍighi, iiko ghan ịtooghi phọ ọdi rꞌiilogh phọ ọdi, ịpe mị ạlogh bọ ịngo inyina rodon, ọbo ịnighenom inyina rꞌạnmuny phọ anyina kọtol bọ dọl phọ anyina, ọbo asuḍughul-otu anyina ẹdoony sịen aḅirini phọ Ọmoogh-we Ẹnaan phọ anyina iseere bọ inyina kꞌagee-pọ.”

Dutoronomi 5:29

Mụghumo ọphon kụ aru ologhi dị bịdi kọmoogh oomo amem, oghueni ạmi rꞌooko ghan oomo iilogh phọ ạmi, pọ kẹnighenaan ni bịdi rꞌạnmuny ạbidi kꞌagee-pọ.

Dutoronomi 5:33

Ịdaph ghan oomo areten phọ ịpe Ọmoogh-we Ẹnaan phọ anyina mạto bọ ịngo inyina kụ erelhe ghan, ọbo ịnighenom inyina, ẹrol ebia sịphe ade phọ nyina rẹki bọ oḍigh phọ.

Dutoronomi 6:2

ọbo nyina ekori eghueni Ọmoogh-we Ẹnaan phọ anyina, eeko ghan ịtooghi phọ ọdi, rꞌiilogh phọ ọdi, ịphen mị ạlogh bọ rịḅeni inyina, nyina rꞌạnmuny anyina rꞌạnmuny ạnmuny anyina, oomo asuḍughul-otu aghuḍum mọ anyina, ọbo asuḍughul-otu phọ anyina ẹdoony.

Bụo ạKolosi 3:20

Nmụny, ịnaghanan ghan bụrude rꞌaburunhiin phọ anyina esi oomo ạraraar; ịphen kụ ịḅeeraan Ọmoogh-we phọ.