Dutoronomi 5:15 - Ạḍinya Iigbia

¹⁵ Ịitughian ghan mọ nyina iḍighi ni rẹbene ẹpe ade phọ Ijipt kụ Ọmoogh-we Ẹnaan phọ anyina ẹsighe ḍilhom ạḍighaagh phọ ọdi rꞌigbogh ịikpo ịsighenom inyina ạḍuanam. Kụ iḍighi kụ Ọmoogh-we Ẹnaan phọ anyina ạlogh bọ ologh ịḅeni inyina mọ iiko ghan ḍio ophooghian phọ.

Dutoronomi 5:15 Iomraidhean Croise

Emiighom 15:13

Kụ Ọmoogh-we phọ ạḅeni Ebram mọ, “Legheri ịphen phọ mọ ẹemara ẹemara ạna koḍighi ni ruuruen ẹpe ẹnon eelhe dị ítu ẹlo ạbidi. Bịdi koḍighi rẹbene ẹpe phọ kụ kọmiine ni bịdi iboom esi inya okuron ạsia.

Emiighom 19:16

ẠLot aabinya ni kụ Ọmoogh-we phọ ạnma nyọdi ighirigiir; kụ awe phọ ọpham rạghaagh ạLot rꞌạnir phọ ọdi rꞌịyal phọ ạnmanyaan phọ ọdi omitenom ẹmha phọ.

Ạsuor 116:16

Mị otelhedom ạna, Ọmoogh-we. Mị rakumu nyịna, ịdipho onhiin phọ ạmi akumu ghan bọ. Nạ mụphel ịmi ạsighe esi aḍuugh.

Ạsuor 136:12

Rꞌịikpo ịgbagara ạraghaagh ọdi; ẹphomoghian phọ ọdi edi ghan bịn kꞌagee-pọ.

Ẹḍua 13:14

Ḍio dị ọony ạna apuru nyịna mọ, ‘Ẹmhu ịphen phọ pọ ika?’ ḅẹni nyọdi mọ, ‘Esi ạḍighaagh iphelegbe phọ ọdi kụ ẹdi Ọmoogh-we phọ ụsighe bọ iyira amitiom ẹpe Ijipt, ẹpe ạdol ạrebene.

Ẹḍua 13:16

Eḍighinom mọ ẹphen kẹtol ghan dịadi ịyaar lọ ọkpoom ḍịghaagh mꞌelhor ayira, dị kịghiom ghan iyira ologhi mọ rꞌạḍiikpara ạḍighaagh kụ ẹdi Ọmoogh-we phọ ụsighe bọ iyira amitiom ẹpe Ijipt.’”

Ẹḍua 13:3

AMozis ạḅeni we phọ Ịzirel mọ, “Ịitughian ghan ḍio phọ arodon. Arodon kụ ẹdi nyina ẹḍua bọ ẹpe Ijipt emite, esi phọ nyina eḍighi bọ rẹbene; ạḍiikpara ạḍighaagh ọdi kụ ẹdi Ọmoogh-we phọ ịsighe bọ inyina amitiom. Íle ghan ạbred lọ ọlogh yist.

Ẹḍua 13:9

Ịphen phọ eḍighi dịadi ịyaar lọ ọkagh ḍịghaagh mꞌelhor anyina, dị kịghiom ghan inyina ologhi ọgbaam ghan rꞌọtuughaam ghan Ologh Ọmoogh-we phọ, ịdi eḍighi bọ rꞌạḍiikpara ạḍighaagh kụ ẹdi Ọmoogh-we phọ ịsighe bọ inyina ạḍuanam ẹpe Ijipt.

Ẹḍua 20:11

Ịsiphe odiiny aḍio phọ kụ ẹdi mị Ọmoogh-we phọ ạlhem bọ kẹ phọ rꞌade phọ, rꞌọphiiny phọ, rꞌoomo ạraraar lọ edimom, kụ aphooghian ḍịphe emuneniom bọ oḍual aḍio phọ. Ịduon kụ ẹdi mị Ọmoogh-we phọ ạseph bọ ḍio ophooghian phọ aseere ḍio iigbia.

Ẹḍua 6:6

Loor ịduon phọ ḅẹni we phọ Ịzirel mọ, ‘Mị kụ Ọmoogh-we phọ. Mị kịsighe ni inyina esi ịminimiin phọ Ijipt rịmiine bọ inyina. Mị kịsighe ni inyina esi ạdol ạrebene phọ. Mị kapoophe ni ḍịghaagh iphelegbe ạmi ịtagharan inyina rꞌịgbagara ịiruen.

Azaya 63:9

esi oomo ịminimiin phọ ạbidi. Kọ́okpaany kꞌạke, kụ Ọmoogh-we phọ rꞌaloor kụ ạphel bịdi. Esi ẹphomoghian rꞌọnma ighirigiir ọdi kụ ẹdi ọdi ạtagharan bịdi. Ọdi ạmaar ghan ni aphogh bịdi mem dị meten,

Dạniel 9:15

“Ọmoogh-we Ẹnaan phọ ayoor, nạ uḍeenaan ịikpo phọ ạna esi ọsighe awe ạna omitiom ẹpe Ijipt, kụ ịikpo phọ ạna rọotughian ghan ni kꞌarodon. Yoor mọpioghom; yoor moḍighi ịdi ị́nighe.

Dutoronomi 15:15

Kụ ẹetughian ghan mọ nyina iḍighi ni rẹbene ẹpe de phọ Ijipt. Ọmoogh-we Ẹnaan phọ anyina ịtagharan inyina kụ iḍighi kụ mị ạtu bọ ạlogh ologh phọ ọphon rịngo inyina rodon.

Dutoronomi 16:12

Kụ ẹetughian ghan mọ nyina iḍighi ni rẹbene ẹpe Ijipt, kụ eeko ghan iilogh phọ ịphen, kụ ẹdaph ghan eḍighinom.

Dutoronomi 26:8

Kụ Ọmoogh-we phọ ụsighe iyoor amitiom ạsighe ạḍuanam ẹpe Ijipt rꞌạḍiikpara ạḍighaagh, asele ḍilhom ạḍighaagh phọ ọdi, aḍighi iiḍighi okpereghaan rꞌareḍeenaan rꞌịiḍaany.

Dutoronomi 5:6

‘Mị kụ Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt sịphe nyina eḍighi ghan bọ rẹbene phọ.

Dutoronomi 9:12

“Kụ Ọmoogh-we phọ ụḅeni ịmi mọ, ‘Ḅetenu aagborion asoor ạḍua sịen, ịdi eḍighi bọ awe phọ ạna, bụphe nạ ạsighe bọ ạḍuanam ẹpe Ijipt, mọopuan siloor. Bịdi mọgbatanaan ọbile reten phọ ịpe mị ạlogh bọ ologh ạngo bịdi. Bịdi mọḅol igbudu.’

Tạitos 2:14

Ọdi ạsighe loor ọdi aḍighinom ịyaar aghuḍum ọtagharanam ayira esi oomo ịkaraph, rꞌowophom ayira ọḅaalami, mọ oḍighi bụo ọno bịn, ọmoogh oophugh oḍighinom ghan iiḅi iiḍighi.