Dutoronomi 5:14 - Ạḍinya Iigbia

¹⁴ kụ ḍịphe emuneniom bọ oḍual phọ, aḍio ophooghian dị museenaan ịmi Ọmoogh-we Ẹnaan phọ ạna. Ḍio phọ ạḍiphe oye oḍighi kúḍighi, mꞌạna, ọony ạna, ọnyani ạna, ọony-otu ạna, ọnyani-otu ạna, ạnam ạna, ẹnam adool ạna, ịnam ạna, ghạlamo aruuruen lọ odi eelhe ạna. Ạrebene ạna ophooghian ni ịdipho ạna.

Dutoronomi 5:14 Iomraidhean Croise

Emiighom 2:2

Omuneniom oḍual aḍio phọ kụ ẹdi Ẹnaan ekureri iiḍighi phọ ọdi.

Nehemaya 13:15

Mem mọ ọpo phọ, mị ụmiin ni we aJuda dị rọpiloghom ghan iimuma avain ḍio ophooghian phọ. Bụnon awe ụgban ghan ịbiakpa, miim, iimuma avain, fịg rꞌịnon ạraraar ạnyu ịnam adool ạbidi kụ ọsighe ghan ọghi Jeruselem; mị ạphur bịdi rụru mọ kúbool ịyaar ḍio ophooghian.

Nehemaya 13:16

Opol awe dị oḍighi bụo ẹmha aTaya, urugh ni Jeruselem. Bịdi ụsighe ni ina rꞌọdo kịrokiro ạraraar ọsighe oru sịphe ẹmha phọ aalha awe phọ ayoor ḍio ophooghian phọ.

Nehemaya 13:21

Mị ụḅaam ni bịdi iboom mọ, “Ẹekpia ílho dị nyina kẹtol ghan erugh kụ ekori mọ ạḍiroor ẹḅaal. Nyina ẹḅile eḍighi ịduon, mị kạsighe ịikpo kụ ịmiiniom inyina.” Emiigh kꞌamem mọ ọpo phọ, bịdi útu ghan mun ḍio ophooghian.

Nehemaya 5:5

Yoor abuniin awe ni rꞌạbueri phọ awe aJu phọ. Ạnmuny ayoor ụ́nighe aani ịdipho ạbuphe ạbidi? Kụ yoor motene nmụny ayoor rẹbene. Opol ạnmanyaan ayoor, maal ịdipho ạrebene. Ịyaar oḍighinom ayoor ílho mun loor esi dị iizo phọ rꞌaroghoony avain ayoor mạanyi iyoor.”

Ẹḍua 23:12

“Ikumuan ghan odiiny aḍio wiki phọ, kụ ọlo kékumuan omuneniom oḍual aḍio phọ, pịdi ạrebene phọ ạna ḅịle aruuruen lọ rokumunaan nyịna ḅịle ghạlamo ịnam mọ ạna epooghian.

Lịvitikos 23:3

Odiiny aḍio kụ ịdi nyina kekumuan ghan oomo arukumuan phọ anyina. Ḍịphe emuneniom bọ oḍual aḍughul-otu phọ aḍio ophooghian. Ḍio phọ ạḍiphe, ịmoogh ookpomoghan iigbia, kékumuan ghan rꞌẹnum arukumuan sịphe oomo asimarugh phọ anyina.

Elegh ạMak 2:27

Kụ ọdi ạḅeni bịdi mọ, “Ụ́tuan ḍio ophooghian kụ ọlhem bọ oye, ụtuan oye kụ ọngo bọ ḍio ophooghian.

Elegh aLuk 23:56

Kụ rọmiin kụ oḅula yogh iloghi aruutu ookolobian rolho eeḅi eḍu rꞌọota omuur aḍizu phọ. Kụ ẹteeny bọ ḍio ophooghian phọ, bịdi uphooghian ni ịdipho iilogh phọ ẹḅem bọ.

Dutoronomi 5:13

Odiiny aḍio kụ ịdi nạ kakumuan oomo arukumuan phọ ạna;

Bụo aHibru 4:4

Eniin esi sịphe Ạḍinya Iigbia phọ ọkaaph ịphen ịlo aḍio phọ ạḍiphe emuneniom bọ oḍual phọ mọ, “Ẹnaan iphooghian esi oomo iiḍighi phọ ọdi, ḍio phọ ạḍiphe emuneniom bọ oḍual phọ.”