Dutoronomi 5:12 - Ạḍinya Iigbia

¹² “‘Mạar aako ḍio ophooghian phọ kụ aseere dọl iigbia, ịdipho Ọmoogh-we Ẹnaan phọ ạna mạto bọ ạḅeni nyịna.

Dutoronomi 5:12 Iomraidhean Croise

Nehemaya 13:15

Mem mọ ọpo phọ, mị ụmiin ni we aJuda dị rọpiloghom ghan iimuma avain ḍio ophooghian phọ. Bụnon awe ụgban ghan ịbiakpa, miim, iimuma avain, fịg rꞌịnon ạraraar ạnyu ịnam adool ạbidi kụ ọsighe ghan ọghi Jeruselem; mị ạphur bịdi rụru mọ kúbool ịyaar ḍio ophooghian.

Ẹḍua 16:23

AMozis ạḅeni bịdi mọ, “Ịduon kụ ịdi Ọmoogh-we phọ ạḅem bọ. Iḍue aḍio ophooghian, aḍio iigbia Ọmoogh-we phọ. Ịgbaghaḍi ẹlo nyina kẹgbaghaḍi, epoolomi ẹlo nyina kepoolomi; kụ oomo ịpe kesugha bọ iseerian ẹḅaal iḍue.”

Ẹḍua 16:30

Kụ iḍighi kụ awe úḍighi ịyaar ḍio phọ ạḍiphe oḍual aḍughul-otu phọ.

Ẹḍua 31:13

mọ ạḅeni weye phọ Ịzirel mọ, “Iiko ghan ḍio ophooghian phọ ạmi, loor esi dị ẹpe kụ elegh igbo anyina rꞌạmi kꞌagee-pọ oḍeenaan ghan mọ mị Ọmoogh-we phọ miḍighi inyina weye ạmi.

Ẹḍua 31:15

Nyina ẹmoogh odiiny aḍio okumuan, kụ ọlo omuneniom oḍual aḍio phọ pọ aḍio ophooghian dị mọḅogh ụngo ịmi. Oye lọ akumuan ḍio phọ ạḍiphe kokiigh ghan ni.

Azaya 56:6

Kụ Ọmoogh-we phọ rạḅeni ghan ruuruen phọ ạbuphe phọ okiton bọ oḍighi buniin awe ọdi, bụdi ọphomoghian nyọdi kụ oḍighinaan nyọdi iiḍighi, bụdi ooko ḍio ophooghian phọ kụ ọphamanam ịyo phọ ọdi rꞌoomo ologhi ạbidi mọ,

Azaya 58:13

Ọmoogh-we phọ rạḅem ghan mọ, “Eḍighi ịyaar dị nạ ạpham ḍio ophooghian mọ aḍio oghueni kụ nạ rạ́gba ghan ḍịo ạna ḍio phọ ạḍiphe; eḍighi ịyaar dị nạ ạmanami ịyaar ḍio iigbia phọ ạmi kụ ạlogh eegu kụ nạ erelhe ọ́ghi, oḍighi óḍighi, ḅịle eepua ikpo ọnhu ọ́ḅa,

Jerimaya 17:22

mụghumo orool ịyaar omitiom sịphe aruutu phọ ạbidi ḍio ophooghian phọ. Bịdi kụ́ḅogh ịyaar úḍighi ḍio ophooghian phọ; bịdi ooko ghan ịdipho aḍio iigbia, ịdipho mị ạto bọ ạngo bụrude ạburude phọ ạbidi.

Elegh ạMak 2:27

Kụ ọdi ạḅeni bịdi mọ, “Ụ́tuan ḍio ophooghian kụ ọlhem bọ oye, ụtuan oye kụ ọngo bọ ḍio ophooghian.

Dutoronomi 5:13

Odiiny aḍio kụ ịdi nạ kakumuan oomo arukumuan phọ ạna;