Dutoronomi 4:9 - Ạḍinya Iigbia

⁹ Igona siloor anyina, ẹphama uwaloor anyina, ọbo nyina kebula ghan bọ rạraar phọ ịpe nyina ẹmiin bọ, ọbo kẹḍua ghan bọ iloghi anyina oomo asuḍughul-otu aghuḍum mọ anyina; ẹtughemi ịphen phọ nmụny phọ anyina rꞌạnmuny ạnmuny phọ anyina.

Dutoronomi 4:9 Iomraidhean Croise

Emiighom 18:19

Mị mạsaḅar nyọdi. Ọdi kụ kạpur ri rụru ạnmuny ọdi rꞌọto kꞌọdi mọ bịdi ọdaph reten Ọmoogh-we phọ ọḅile ookuan oḍighi yogh ghan ịpe ẹnighe bọ, ọbo mị aḍighi Ebraham ịpe mị aguanaan bọ.”

Ạsuor 119:11

Mị aseere ologh phọ ạna ologhi ạmi ọbo mị kaḍighi ghan bọ ịkaraph esi ạna.

Ạsuor 71:18

Kụ ghạlamo mị mạkpo ni asi sụol, kụ́ḅitonaan ịmi, Ẹnaan. Tọlan rꞌạmi mem lọ mị agbeelom ịikpo rꞌigbogh phọ ạna ạḅeni bụo oghiil dị ratu.

Ẹḍua 10:2

Ẹrol dị nạ akori ạkaaph ịdi mị ạgilaam we Ijipt mem dị mị aḍighi ịiḍaany phọ ịphen ogbo ạbidi ạḅeni nmụny ạna rꞌạnmuny ạnmuny. Oomo anyina kelegheriom mọ mị kụ Ọmoogh-we phọ.”

Ẹḍua 23:13

“Ịnaghanan oomo ịpe mị Ọmoogh-we phọ mịḅeni bọ inyina. Kẹ́eḅereghi ịnon ạrumugh; kékol ghan roghol siḍien ạbidi.

Asidogh 1:8

Mọony ạmi, ler rụru ạnaghan ịlo ọde ạna rꞌonhiin ạna ọḅeni nyịna.

Asidogh 23:26

Mạar ạnaghan, mọony phọ, kụ ạtuugha dọl phọ ạmi kụ ạdaph!

Asidogh 3:21

Pạmanam ologhi ạna rꞌọḅaranu ariḍien ạna, mọony ạmi. Kámeera ekpetenaan nyịna.

Asidogh 7:1

Mọony ạmi, tụutughian ịpe mị ạḅem bọ kụ kábula ịlo mị ạḅeni nyịna oḍighi.

Azaya 38:19

Bụphe odi bọ kụ rooseeny nyịna ịduon mị raaseeny bọ nyịna. Ạburude rọḅeni ghan nmụny ạbidi ịdi nạ aḍighi oye aghuḍuul.

Azaya 42:20

We Ịzirel, nyina mẹmiin ni iboom, kụ ẹkigh eeghe esi anyina?” Nyina ẹmoogh ni reḅeri ọnaghanam kụ nyina ẹkaraghi ẹnaghan eeghe?

Jerimaya 17:21

Ḅẹni bịdi mọ eḍighi ịyaar lọ bịdi ọphomoghian ni sighuḍum ạbidi, pọ bịdi kútool ghan dool ḍio ophooghian phọ, bịdi kútool ghan ịyaar úḍighom rụnhu-aḍibuo phọ aJeruselem,

Elegh aLuk 8:18

“Imiigha loor ịlo nyina rẹnaghan, ịdi eḍighi bọ nyọpo ạmoogh bọ Ẹnaan kẹloghonaan ni ọḅar, kụ ọpo ụ́moogh bọ ghạlamo ịyal-ikpo phọ ịpe ọdi ragbi bọ mọ ịlo ọno phọ Ẹnaan kẹbonyi ni.”

Bụo ạEfesos 6:4

Bụrude rꞌaburunhiin, kéḍighi ghan ịlo kepin iloghi ạnmuny phọ anyina. Iikonomom bịdi oroma Ọmoogh-we phọ, ímeera ghan bịdi ọḅaar ẹmhu.

Dutoronomi 11:19

Kụ ẹsighe ghan ịphen phọ ẹtughemi nmụny anyina, ẹghaaph ghan ịphen phọ mem lọ nyina ẹrol ude sịphe aruutu phọ anyina, rꞌamem lọ nyina retelhe eten, rꞌamem lọ nyina ẹmina, rꞌamem lọ nyina eḅetenu.

Dutoronomi 12:1

“Ịphen kụ ịtooghi phọ rꞌịiruen phọ ịpe nyina kẹpamanam bọ kụ ẹdaph ghan eḍighi ẹpe ade phọ Ọmoogh-we Ẹnaan ạburude phọ anyina ịngo bọ inyina mọ ịmoogh, oomo asuḍughul-otu aghuḍum mọ anyina ịpe nyina kẹtol bọ sịen aḅirini phọ.

Dutoronomi 16:3

Ị́ḅaram ghan ạbred lọ awila kụ ele, ile ghan ạbred lọ úbilha oḍual aḍughul-otu, ạbred ịminimiin, ịdi eḍighi bọ nyina ịḍua ẹpe ade phọ Ijipt rꞌephirighan. Kụ iḍighi, ịitughian ghan ḍio phọ nyina ẹḍua bọ ẹpe ade phọ Ijipt oomo asuḍughul-otu aghuḍum mọ anyina.

Dutoronomi 17:19

Ạḍinya phọ ẹrolan ghan rꞌọdi, dị akori ghan ạal ghan oomo asuḍughul-otu aghuḍum mọ ọdi, ạtuugha oghueni Ọmoogh-we Ẹnaan phọ ọdi, aako ghan oomo iilogh rꞌịtooghi phọ ịphen, kụ ạtuugh ghan aḍighinom.

Dutoronomi 29:29

“Ạraraar phọ ịpe edi bọ esi ịbooghian phọ, ịlo Ọmoogh-we Ẹnaan phọ ayira; kụ ịpe momitiom bọ ogananami, ịlo ayira rꞌạnmuny ayira kꞌagee-pọ, mọ yira oḍighi ghan oomo ịpe iilogh phọ ẹḅem bọ.

Dutoronomi 31:19

“Kụ iḍighi, gẹ ḍụor phọ ạḍien nyịidipho, ạsighe ạtughemi we phọ Ịzirel, ạsighe ạlogh ịnhu ạbidi. Ạḍuor phọ ạḍien eḍighi oye dị kạgba ghan ịpe eru bọ ịne sịphe ogbo awe phọ Ịzirel.

Dutoronomi 32:46

kụ ạḅeni oomo awe phọ Ịzirel mọ, “Ịsighe oomo phọ ịphen mị mạghaaph bọ sịen ogbo phọ anyina rodon ẹlhogh iloghi anyina, ẹḅile ẹḅeni nmụny phọ anyina, ọbo bịdi ọkuami ooko ghan oomo ịpe Ẹnaan ẹtughemi bọ.

Dutoronomi 4:10

Ịitughenam ḍio phọ ạḍiphe nyina ẹmeera bọ egbodo Ọmoogh-we Ẹnaan phọ anyina ẹpe Eegum aSainai, mem mọ Ọmoogh-we phọ ụḅeni bọ ịmi mọ, ‘Uukpomoghinaan ịmi oomo awe phọ egina esi. Mị kaḍighi ịdi bịdi kọnaghan ịpe mị kạkaaph bọ, ọbo bịdi ọtuugha ịlo oghueni ạmi oomo asuḍughul-otu phọ ịpe bịdi kọtol bọ sịen aḅirini phọ, kụ ọtughemi nmụny ạbidi.’

Dutoronomi 4:15

“Ḍio phọ ạḍiphe Ọmoogh-we phọ ạghaaph bọ ologhi ạnian phọ ịḅeni inyina ẹpe Eegum aSainai, nyina ị́miin rꞌịyaar. Kụ iḍighi, ịmaar ẹphama siloor anyina,

Dutoronomi 4:23

Igona siloor anyina ọbo nyina kebula ghan bọ ịyo phọ Ọmoogh-we Ẹnaan phọ anyina, ịpe ọdi rꞌanyina eghiran bọ,

Dutoronomi 6:12

ịmaar egona siloor anyina ọbo nyina kebula ghan bọ Ọmoogh-we Ẹnaan phọ anyina ọpo ịsighe bọ inyina ạḍuanam ẹpe ade phọ Ijipt dọl ạrebene phọ.

Dutoronomi 6:2

ọbo nyina ekori eghueni Ọmoogh-we Ẹnaan phọ anyina, eeko ghan ịtooghi phọ ọdi, rꞌiilogh phọ ọdi, ịphen mị ạlogh bọ rịḅeni inyina, nyina rꞌạnmuny anyina rꞌạnmuny ạnmuny anyina, oomo asuḍughul-otu aghuḍum mọ anyina, ọbo asuḍughul-otu phọ anyina ẹdoony.

Dutoronomi 6:20

“Ḍio-pọ, kụ ạnmuny anyina ipuru inyina mọ, ‘Eeghe kụ ẹmhu ịtooghi phọ, rꞌiilogh phọ, rꞌịiruen phọ, Ọmoogh-we Ẹnaan phọ ayira ạngo bọ?’

Dutoronomi 6:7

Kụ emiigha loor ẹsighe ẹtughemi nmụny phọ anyina, kụ ẹghaaph ghan ịphen phọ mem lọ nạ ạrol ude sịphe kꞌạna, rꞌamem lọ nạ ratelhe eten, rꞌamem lọ nạ ạmina, rꞌamem lọ nạ aḅetenu.

Dutoronomi 8:11

“Igona siloor anyina, íbula ghan Ọmoogh-we Ẹnaan phọ anyina. Iiko ghan iilogh phọ ọdi, rꞌịiruen phọ ọdi, rꞌịtooghi phọ ọdi, ịphen mị ạlogh bọ rịngo inyina rodon.

Dutoronomi 8:14

igona siloor anyina, ọbo nyina kebaga ghan bọ ẹkiom ạnyu. Íbula ghan Ọmoogh-we Ẹnaan phọ anyina, ọpo ịsighe bọ inyina ạḍuanam ẹpe ade phọ Ijipt dọl ạrebene phọ,

Bụo aHibru 2:1

Ịdipho kụ ịdi ẹkpe bọ ni dị yira kọkuami ọpam igey phọ yira mọnaghan bọ ọkananaam, ọbo yira kọkororo ghan bọ omeel.

Bụo aHibru 2:3

kụ ẹghiom ologhi ịdi ạghelhe phọ kạtol, eḍighi ịyaar lọ yira ọḅitonaan oboom mọ ạpeleeny phọ ọphon? Ọmoogh-we phọ rꞌaloor ọdi kụ ạphur ri agbeelom pẹleeny phọ ọphon phọ, kụ bụphe ọnaghan aani bọ uḍeenaan ni iyira ọkpaariom mọ agey phọ ni.

Jems 2:22

Nạ kőlhoghoma mọ omeeraam mọ rꞌeḍighinom ịyaar phọ ọdi kụ ịḅophan? Iiḍighi phọ ọdi kụ imuneniom omeeraam mọ ọdi.

Josua 1:18

Tọrobo oye lọ ạmoogh ịgbagharan esi iilogh phọ ạna kụ ịlo nạ ạghaaph ụ́naghanan, ịlo nạ ạto ạḅeni nyọdi úmeeraam; pọ oghiigh nyọdi ịnon ílho. Kpạrami loor ạna, ạmoogh oḅiom.”

Josua 23:11

Kụ iḍighi, ịmaar ẹphama siloor anyina, ẹphomoghian Ọmoogh-we Ẹnaan phọ anyina.

Josua 4:21

Kụ ọdi ạghaaph ạḅeni we phọ Ịzirel mọ, “Mem lọ ạnmuny anyina opuru bụrude phọ ạbidi, ḍio-pọ, mọ, ‘Ẹmhu asighiigh phọ ịphen phọ rẹḅem ghan mọ eeghe?’

Ogonanami Phọ 3:3

Ịmaar ghan ẹpham ẹkparami ịpe ịtughemi bọ inyina ẹdaph kụ ekiton esi ịkaraph phọ anyina. Mọ nyina ị́suma, mị katu ịdipho ọḅa, kụ nyina kélegheri kẹn rꞌamem mọ mị katu bọ.

Bụo Ịiruen 3:7

Kụ awe phọ Ịzirel oḍighi ịkaraph risigh Ọmoogh-we phọ; oghel Ọmoogh-we Ẹnaan phọ ạbidi, kụ ooseeny ghan Baal rꞌAsera.

Bụo Ịiruen 8:34

Kụ awe phọ Ịzirel ụ́utughian mun Ọmoogh-we Ẹnaan phọ ạbidi ọpo ạphel bọ bịdi ạsighe rạghaagh oomo ạbumulogh-ḍien phọ okoom bọ bịdi.