Dutoronomi 4:5 - Ạḍinya Iigbia

⁵ “Mị mịtughemi inyina iilogh phọ rꞌịiruen phọ ịpe Ọmoogh-we Ẹnaan phọ anyina ạlogh bọ ụḅeni ịmi mọ ịduon kụ ịdi nyina keḍighi ghan ẹpe ade phọ nyina rẹki bọ ọmoogh phọ.

Dutoronomi 4:5 Iomraidhean Croise

Ạsuor 71:17

Nạ mụtughemi ni ịmi kꞌẹghoroghor, kụ ẹteeny kꞌarodon mị rạkaaph ni ịlo ịiḍaany phọ ạna.

Ẹḍua 18:20

Tụghemi bịdi ịtooghi phọ rꞌiilogh phọ Ẹnaan, kụ ạgba aagbunion ạḅeni bịdi ịlo bịdi kọtol rꞌịlo ẹkpe oḍighi.

Jerimaya 11:6

Kụ Ọmoogh-we phọ agbi ọḅeni ạmi mọ, “Kịa ẹpe igbogh ạramha phọ aJuda rꞌẹpe aroḅodo phọ aJeruselem. Gbeelom dom mọ ạmi ẹpe phọ ạḅile ạḅeni weye phọ mọ ọnaghan iilogh ịyo phọ ọḅile ọdaphan.

Izikiel 20:11

Mị ạngo bịdi ịtooghi ạmi kụ ạtughemi bịdi iilogh phọ ạmi, ịpe ketuom bọ ghuḍum esi ạtorobo ọlo aako bịdi.

Lịvitikos 19:19

“Kooko ghan iilogh phọ ạmi. Úmeera ghan ẹnam otu phọ ạna ẹdaar ẹnon ọdo ẹnam. Úḅeph ghan ịyal ạkiro ọdo ịizupha sịphe oniin phọ ozo phọ ạna; ḅịle kẹn ụ́kpologhian ghan ạsuoma ạko kịrokiro.

Lịvitikos 26:46

Ịphen phọ iilogh rꞌịtooghi dị Ọmoogh-we phọ ạloghonaan we phọ Ịzirel ạngo Mozis ẹpe Eegum aSainai.

Lịvitikos 27:34

Ịphen phọ iilogh dị Ọmoogh-we phọ ạlogh ạngo Mozis ịlo awe phọ Ịzirel sịphe Eegum aSainai.

Lịvitikos 7:38

Ịphen phọ kụ iilogh dị Ọmoogh-we phọ adoghoḍi ạḅeni Mozis sịphe Eegum aSainai, ḍio phọ ạḍiphe ọdi ạto bọ ạḅeni we phọ Ịzirel sịphe ẹdala mọ ịphen kụ ạrikia dị bịdi koḍighi ghan ọngo nyọdi.

Matiu 28:20

ẹtughemi bịdi ooko oomo ạraraar phọ mị ạto bọ ịḅeni inyina. Kụ ilegheri mọ mị odianaan ni rꞌanyina, ḍio etum ḍio tụtu ẹteeny eekuna aḅirini phọ.”

Iiḍighi 20:27

Mị ụ́booghi ogbononomi oomo arigbiom mọ Ẹnaan ọḅeni anyina.

1 Bụo ạKorint 11:28

Esi ịphen phọ, oye ye ạphur ghan ạaḅeghion loor phọ ọdi aphogh kụ agbi olhe ạbred phọ rꞌọphugholom ọphaal phọ!

1 Bụo ạKorint 15:3

Ịpe mị ạar bọ kụ ịdi mị ạḅogh bọ ịngo inyina kụ eḍighi ni ephigh iboom: mọ aKraist aghol ịkaraph phọ ayira kụ amugh bọ, ịdipho ọge bọ sịphe Ạḍinya Iigbia phọ;

Dutoronomi 11:32

Egona ghan siloor anyina, eḍighi ghan oomo ịtooghi phọ rꞌịiruen phọ ọdi ịpe mị rịḅeni bọ inyina rodon.

Dutoronomi 4:1

Kụ aMozis ạḅeni we phọ Ịzirel mọ, “Nyịidipho iler rụru ẹnaghanan oomo iilogh phọ rꞌịiruen phọ ịpe mị ịtughemi bọ inyina, ịpe nyina keḍighi ghan bọ ọbo nyina ẹrol ẹghelom de phọ ạḍiphe Ọmoogh-we Ẹnaan ạburude phọ anyina rịngo bọ inyina.

Dutoronomi 4:2

Kẹ́loghom rꞌịyaar sịphe ịpe mị ạto bọ rịḅeni inyina, kụ kémuton rꞌịyaar. Iiko ghan iilogh phọ ịpe Ọmoogh-we Ẹnaan phọ anyina ạlogh bọ, ịdipho mị ạlogh bọ ịḅeni inyina.

Dutoronomi 4:4

kụ nyina phọ ạbuphe eḍighom bọ Ọmoogh-we Ẹnaan phọ anyina edi ni kꞌarodon.

Dutoronomi 4:40

Kụ iḍighi, iiko ghan ịtooghi phọ ọdi rꞌiilogh phọ ọdi, ịpe mị ạlogh bọ ịngo inyina rodon, ọbo ịnighenom inyina rꞌạnmuny phọ anyina kọtol bọ dọl phọ anyina, ọbo asuḍughul-otu anyina ẹdoony sịen aḅirini phọ Ọmoogh-we Ẹnaan phọ anyina iseere bọ inyina kꞌagee-pọ.”

Dutoronomi 5:1

AMozis ạmagh oomo phọ Ịzirel aakpomoghi, kụ ạḅeni bịdi mọ, “Weye Ịzirel, ịnaghan ịtooghi phọ rꞌịiruen phọ ịpe mị ạghaaph bọ rịḅeni inyina rodon, ọbo nyina ẹmaar eeko, ẹtuugh ẹdaph eḍighi.

Dutoronomi 6:1

“Ịphen kụ iilogh phọ, ịtooghi phọ rꞌịiruen phọ ịpe Ọmoogh-we Ẹnaan phọ anyina ạlogh bọ ụngo ịmi mọ mị ịtughemi inyina, ẹdaph ghan kụ eḍighi ghan ẹpe ade phọ nyina reḍigh bọ ọrol,

Dutoronomi 7:11

Ịmaar egona siloor anyina, ẹtuugh ghan ịpe iilogh phọ ẹḅem bọ kụ eḍighi ghan, ịtooghi phọ rꞌịiruen phọ ịpe mị ạlogh bọ ịḅeni inyina rodon.

Dutoronomi 8:11

“Igona siloor anyina, íbula ghan Ọmoogh-we Ẹnaan phọ anyina. Iiko ghan iilogh phọ ọdi, rꞌịiruen phọ ọdi, rꞌịtooghi phọ ọdi, ịphen mị ạlogh bọ rịngo inyina rodon.

Bụo aHibru 3:5

AMozis aḍighi ọony-otu dị aseere ni ologhi ọdi oḍighi phọ sịphe eghunotu awe phọ kꞌẸnaan, ạḅile ạghaaph ghan ạḅeni bịdi ịlo ạraraar dị Ẹnaan kẹkaaph mem dị retu ghisigh.