Dutoronomi 4:39 - Ạḍinya Iigbia

³⁹ Kụ iḍighi, ilegheri rodon, kụ ẹetughian ghan sịphe iloghi phọ anyina mọ Ọmoogh-we phọ, ọdi kụ Ẹnaan phọ edi bọ ẹpe kꞌạke rꞌịsien aḅirini phọ. Omuton nyọdi, ẹnon ílho.

Dutoronomi 4:39 Iomraidhean Croise

2 Sạmuel 7:22

Pọ eeghe ọdo ịdi nạ ạbugh, Ogbogh Ọmoogh-we phọ. Oye dị ạghigh nyịna ólho; yoor molhegheri ni mọ nạ bịn kụ Ẹnaan.

1 Krọnikuls 17:20

Oye dị ạghigh nyịna ólho; yoor molhegheri ni mọ nạ bịn kụ Ẹnaan.

1 Krọnikuls 28:9

Kụ Sọlomon ọdi ạḅeni, “Mọony ạmi, mị rạḅeni nyịna mọ legheri Ẹnaan ọde phọ ạna kụ ạrolan nyọdi rꞌophooph ologhi dị rạ́bal ịyal yạl. Ọmoogh-we phọ alegheri ni oomo ịitughian ayira rꞌạruuphua. Eḍighi mạar dị nạ ạghi esi ọdi, ọdi kạsighe ni nyịna, kụ ọlo nạ ạgumom ọman nyọdi, pọ ọdi kaghel li nyịna bịn akanam.

1 Krọnikuls 29:11

Nạ ạbugh ni kụ ạmoogh ịikpo, eegu, ẹnighe rꞌigbogh. Oomo ạraraar kꞌạke kꞌade ịlo ạna, kụ nạ ọdaam, ogbogh ọdi ạda oomo ạraraar.

2 Krọnikuls 20:6

kụ ạaḅereghi ạghiom ạnyu mọ, “Ọmoogh-we Ẹnaan ạburude ạburude phọ ayoor, nạ ạda kꞌạke kụ rapogh oomo areelhe aḅirini phọ. Nạ ạmoogh ịikpo kụ aḍighi ogbogh, kụ oye kámeera egbodo ạna.

Ạsuor 100:3

Ilegheri mọ Ọmoogh-we phọ kụ Ẹnaan phọ ni. Ọdi kụ ụlhem bọ iyira. Yira awe ọdi, aḍita iyool-ịga dị ọdi rạngo ghan ịḅal.

Ạsuor 115:3

Ẹnaan ayoor edi kꞌạke; ọdi raḍighi ghan ịlo ẹḅeeraan nyọdi.

Ạsuor 135:6

Ọdi raḍighi ghan tọrobo ịlo ẹḅeeraan nyọdi ẹpe kꞌạke phọ rꞌịsien ade phọ, sịphe ạriphiiny phọ rꞌude ạriphiiny phọ.

Ẹḍua 8:10

Kụ ọdi ạḅem mọ, “Iḍue.” AMozis ameera mọ, “Ẹrol li ịdipho nạ ạḅem bọ, ọbo nạ alegheri mọ ẹnon ẹnaan dị epu Ọmoogh-we phọ Ẹnaan phọ ayoor ílho.

Azaya 1:3

Ạsinam elegheri ni nyọpo ạmoogh bọ bịdi, kụ ịnam adool elegheri ni ekpisi dị uwotu ạbidi rạngo ghan bịdi eḍien. Kụ ịpe awe phọ ạmi Ịzirel útue ulegheri. Bịdi ụ́naghanan rꞌẹnum.”

Azaya 43:10

“Weye Ịzirel, nyina kụ ạbugbaanaan ạmi; mị ịsaḅar ri inyina oḍighi abutelhedom ạmi, ẹrol dị nyina ilegheri ịmi ẹḅile imeeraam ịmi kụ elegheri mọ mị bịn kụ Ẹnaan phọ. Emuton ịmi ẹnon ẹnaan ílho, kẹ̋rol ghan kụ kẹ́tol li.

Azaya 44:8

Kẹ́moogh oghiilaan, we ạmi! Nyina elegheri mọ kꞌageedi kụ ẹteeny nyịidipho mị mạmiin ni uḍien oomo ịpe kemite bọ kụ nyina ạbugbaanaan ạmi. Ẹnon ẹmugh edi ni ḍụghum? Ẹnon ẹmugh dị ẹmoogh ịnyaam dị mị kọ̋naghan edi ni ḍụghum?”

Azaya 5:12

Esi ạrayaal anyina, nyina ẹmoogh rẹne, rꞌịyekele ạrakama, rꞌaruuḍue — rꞌamiim. Kụ nyina ị́naghanan ịpe Ọmoogh-we phọ raḍighi bọ,

Dạniel 4:35

Ọdi apogh weye ade phọ ọ́manami bịdi mạar; ạruukpaany kꞌạke ḅịle rꞌawe ịsien ade phọ odi eeḍian ọdi. Oye ólho dị kakikima ogbi ọdi ḅịle kapuru ḍipuru iiḍighi ọdi.

Hosia 7:2

Amem ílho ọotughian mọ mị kạatughian ni oomo ịkaraph phọ ịphen; kụ ịkaraph ạbidi ekoom bịdi, kụ mị kạbile dị mị kạ́miin.”

1 Bụo ạKorint 8:4

Ọḅile nụun ophogh malhe ịsaraghi phọ! Yira olegheri ni mọ ạnmuny aghuḍuul phọ ị́moogh ḍiphooghu. Yira olegheri ni mọ edi bọ eniin phọ Ẹnaan bịn.

1 Bụo ạKorint 8:6

yira ọmoogh bọ eniin Ẹnaan bịn, Ọde phọ ạlhemogh bọ oomo ạraraar phọ, ọpo roḍighi bọ oḍighi phọ kọngo; ḅịle kẹn yira ọmoogh bọ oniin Ọmoogh-we ạJizos Kraist, ọpo ọtuan bọ kụ ọlem oomo ạraraar phọ, ọpo aḍighi bọ ịyaar phọ yira odi bọ.

Dutoronomi 32:12

Ọmoogh-we phọ bịn kụ aḍiemiom we ọdi, dị eeruen ẹmugh ḍịghaagh ị́logh.

Dutoronomi 32:29

Bịdi ọwile ọmiin ịpe eḍighi bọ kụ bịdi omeel bọ; bịdi ụ́naghan ịpe emite bọ.

Dutoronomi 4:35

Iḍeenaan bọ inyina ịphen phọ, ọbo nyina ẹsighe elegheriom mọ Ọmoogh-we phọ, ọdi bịn kụ Ẹnaan. Omuton nyọdi ẹnon ílho.

Dutoronomi 6:4

“Ịnaghan, nyina awe Ịzirel, Ọmoogh-we Ẹnaan phọ anyina, oniin Ọmoogh-we.

Dutoronomi 7:9

Kụ ilegheri mọ Ọmoogh-we Ẹnaan phọ anyina, ọdi kụ Ẹnaan oḍuom ologhi dị raako ghan ịyo phọ rꞌọnma ighirigiir esi ạbuphe ọphomoghian bọ nyọdi, kụ rooko ghan bọ iilogh phọ ọdi, esi oniin ọonir oghiil.

Josua 2:11

Kụ mem dị yoor ọnaghan bọ ịphen phọ bịn iloghi ayoor ẹkonono yogh, oye lọ ạmoogh oḅiom ọ́rol, loor ẹmhu anyina, loor esi dị Ọmoogh-we Ẹnaan phọ anyina, ọdi kụ Ẹnaan phọ edi bọ ẹpe kꞌạke rꞌịsien aḅirini phọ.

1 Sạmuel 2:2

“Oye ólho dị kọtomaam Ọmoogh-we phọ esi ạdol iigbia; oye dị kọtomaam nyọdi ólho, oye dị raako ghan weye ịdipho Ẹnaan phọ ayira ólho.