Dutoronomi 4:36 - Ạḍinya Iigbia

³⁶ Ạrol ẹpe ạnyu ạke kụ aḍighi ịdi nyina ẹnaghan ẹḍogh phọ ọdi; ịphur inyina rụru ịdi rọtol ghan, kụ iḍeenaan inyina ḍiboom mọ ạnian phọ sịen aḅirini phọ, kụ nyina ẹnaghan ẹḍogh phọ ọdi sịphe ologhi ạnian phọ.

Dutoronomi 4:36 Iomraidhean Croise

Nehemaya 9:13

Ẹpe Eegum aSainai nạ ạḍua kꞌạke asoor ude; Nạ ụḅaanaan we ạna kụ ạngo bịdi igey iilogh rꞌịma ịtughemi.

Ẹḍua 19:18

Kụ oomo phọ Eegum aSainai ạmughi, ạmughi bịn, ịdi eḍighi bọ Ọmoogh-we phọ masoor rꞌạnian sịphe ạnyu ẹeḅaraph phọ; kụ ạmughi phọ ạkigh dịadi ọnuza kụ rale.

Ẹḍua 19:19

Kụ ẹḅaam ọkuodu phọ ẹghi ghan ạnyu ạnyu. AMozis ạḅa kụ Ẹnaan ạaran rꞌọomaany.

Ẹḍua 19:9

Kụ Ọmoogh-we phọ ạḅeni Mozis mọ, “Mị kaḍigh ologhi ọkikiph ọotu kụ atu ạteeny nyịna, ọbo awe phọ ọnaghan mem lọ mị rꞌạna rẹkaaph, ẹrol dị bịdi omeeraam nyịna emiigh nyịidipho kụ ẹghiom ghisigh.” AMozis aḅulemi ịpe awe phọ ọghaaph bọ ạḅeni Ọmoogh-we phọ.

Ẹḍua 24:16

Aḍigbogh ạḍimu Ọmoogh-we phọ esoorom eegum mọ. Esi awe phọ Ịzirel ạḍiḅaal phọ ịghigh nịan dị reemor ạnyu eegum mọ. Ọotu phọ aakpereghiom eegum mọ odiiny aḍughul-otu kụ omuneniom oḍual aḍio phọ kụ Ọmoogh-we phọ ạmagh Mozis sịphe ọotu phọ.

Dutoronomi 4:12

Ọmoogh-we phọ ạrol sịphe ologhi ạnian phọ, kụ ạghaaph ịḅeni inyina. Nyina ịnaghan ni ẹḍogh phọ ọdi, kụ nyọdi ị́miin. Ẹḍogh phọ bịn kụ ẹdi nyina ẹnaghan ghan.

Dutoronomi 4:15

“Ḍio phọ ạḍiphe Ọmoogh-we phọ ạghaaph bọ ologhi ạnian phọ ịḅeni inyina ẹpe Eegum aSainai, nyina ị́miin rꞌịyaar. Kụ iḍighi, ịmaar ẹphama siloor anyina,

Dutoronomi 4:33

Awe ịnon areelhe odi ni ḍụghum dị mọnaghan ghan ẹḍogh phọ Ẹnaan dị ẹrol ologhi ạnian kụ rẹḅa, ịdipho nyina ẹnaghan bọ kụ edi bọ?

Dutoronomi 8:5

Ilegheri sịphe iloghi phọ anyina mọ, ịdipho oye ratomoghiom ghan bọ nmụny ọdi kụ ịdi Ọmoogh-we Ẹnaan phọ anyina riromoghiom ghan inyina.

Bụo aHibru 12:18

Nyina ítu aani ọdo phọ erumom mọ aweye phọ Ịzirel oru bọ. Bịdi uru ọteeny ịyaar dị kọḅogh ni ḍịghaagh, Eegum aSainai rꞌaḍiboom anem ạnian dị reemor, rꞌọkikiki ufiri, rꞌoghim,

Bụo aHibru 12:25

Igona ni loor, íkel ghan ọnaghanan ọpo rạkaaph ghan bọ. Bụphe ọḅitonaan bọ nyọpo ạrol bọ sịen ade phọ ạghaaph dom mọ Ẹnaan, ụ́ḍua wororoph. Ika nụun kụ ẹdi yira kokpetenaan bọ ghẹlhe, eḍighi ịyaar lọ yira ọḅitonaan nyọpo odi bọ kꞌạke kụ rạkaaph?