Dutoronomi 4:34 - Ạḍinya Iigbia

³⁴ Ẹkaaneen ịyaar mẹghi ghan ni ẹsighe we ẹnon eelhe kụ eḍighi bụo ọdi, ịdipho Ọmoogh-we Ẹnaan phọ anyina iḍighi bọ inyina ẹpe Ijipt? Risigh anyina kụ ọdi aḍeenaan ịikpo rꞌịnyaam; ọdi amitiom rẹezegh rꞌẹgham, aḍighi ịiḍaany rꞌimananaan, rꞌiiḍighi aḍiigu.

Dutoronomi 4:34 Iomraidhean Croise

Ạsuor 136:12

Rꞌịikpo ịgbagara ạraghaagh ọdi; ẹphomoghian phọ ọdi edi ghan bịn kꞌagee-pọ.

Ạsuor 24:8

Ạnhian kụ ọdaam arughuenian phọ? Ọmoogh-we phọ ọpo ạmoogh bọ ịikpo; Ọmoogh-we phọ kụ ophelegbe ạraagham.

Ạsuor 78:12

Ạburude ạburude ạbidi ọrol ropogh ghan kụ Ẹnaan eḍighi ghan ịiḍaany sịphe ẹyaghaghaany eelhe phọ aZoan ẹpe ade phọ Ijipt.

Ẹḍua 1:9

Kụ ọdi ạḅeni we phọ ọdi mọ, “Awe Ịzirel phọ ạbuen moḍiza iboom ọkpar upu iyira.

Ẹḍua 10:21

Ọmoogh-we phọ ạḅeni Mozis mọ, “Poophe ḍịghaagh ạna ạghiom ạnyu, kụ ọkiph-kịph ufiri kaḍigh aakpereghiom oomo ade phọ Ijipt.”

Ẹḍua 10:7

Kụ awe iiḍighi ọdaam eelhe phọ opuru nyọdi mọ, “Oye phọ ọphon phọ kụ ụngo ghan iyira ịiḅaghami kꞌạpur amem? Meera alephiri Ịzirel phọ ogheel ẹrol dị bịdi ọki okumu Ọmoogh-we phọ, Ẹnaan phọ ạbidi. Nạ kőlhegheri nịiniin mọ Ijipt maphe?”

Ẹḍua 13:3

AMozis ạḅeni we phọ Ịzirel mọ, “Ịitughian ghan ḍio phọ arodon. Arodon kụ ẹdi nyina ẹḍua bọ ẹpe Ijipt emite, esi phọ nyina eḍighi bọ rẹbene; ạḍiikpara ạḍighaagh ọdi kụ ẹdi Ọmoogh-we phọ ịsighe bọ inyina amitiom. Íle ghan ạbred lọ ọlogh yist.

Ẹḍua 14:30

Ḍio phọ ạḍiphe kụ ẹdi Ọmoogh-we phọ ạphel we Ịzirel ạsighe ḍịghaagh awe ẹgham mọ Ijipt. Kụ awe phọ Ịzirel ọmiin bịdi dị momuughu sịphe ọgbal ọphiiny phọ.

Ẹḍua 15:11

“Ạnhian kụ ạḅile ạghigh nyịna, Ọmoogh-we, sịphe oomo ạrumugh phọ? Ạnhian kụ ạghigh nyịna, rꞌeegu, rꞌiigbia, rꞌoḍighi yogh ịiḍaany?

Ẹḍua 19:4

Nyina ịmiin ni ịpe mị aḍighi bọ we phọ Ijipt, mị ịpham inyina ịdipho uga rạpam ghan bọ mọony ọdi ạnyu araphaaph phọ ọdi kụ mị ịsighe inyina aghuraam loor ạmi.

Ẹḍua 3:10

Tue, nyịidipho, mị karom nyịna mọ kịa ạteeny ọdaam eelhe phọ Ijipt ẹrol dị nạ aḍiemiom nmụny phọ ạmi, we phọ Ịzirel, ạsighe sịphe Ijipt.”

Ẹḍua 6:6

Loor ịduon phọ ḅẹni we phọ Ịzirel mọ, ‘Mị kụ Ọmoogh-we phọ. Mị kịsighe ni inyina esi ịminimiin phọ Ijipt rịmiine bọ inyina. Mị kịsighe ni inyina esi ạdol ạrebene phọ. Mị kapoophe ni ḍịghaagh iphelegbe ạmi ịtagharan inyina rꞌịgbagara ịiruen.

Ẹḍua 7:3

Mị kạngo ni ọdaam eelhe phọ ọḅaar ẹmhu, kụ ghạlamo mị umiteghom ni ịminighan areḍeenaan rꞌịiḍaany phọ ạmi sịphe ade phọ Ijipt,

Azaya 51:9

Ḅetenu, Ọmoogh-we, ạlhogh ḍịghaagh! Sịghe ịikpo phọ ạna ụphelom iyoor; Ḍighinom ịikpo ịdipho amem ageedi phọ. Nạ kụ uugbo bọ rukulha Rehab nonom ọphiiny phọ.

Jerimaya 21:5

Mị kạsighe ni oomo ịikpo phọ ạmi, rꞌophin ologhi phọ ạmi, rꞌạghelhe phọ ạmi, ḅịle kẹn rꞌọghagh ologhi phọ ạmi kụ abian ẹgham mọ rꞌạna.

Jerimaya 32:21

Loor esi ịiḍaany rꞌiiḍighi aḍiigu dị ẹngo oghiilaan bụmulogh-ḍien ayoor, nạ ụsighe ịikpo ạna rꞌịnyaam ạna kụ ạsighe weye ạna Ịzirel ạḍuanam ẹpe Ijipt.

Igbiighi 20:16

Kụ yoor omoghiom Ọmoogh-we phọ, kụ ọdi ạnaghan emoghi phọ ayoor, kụ arom ọokpaany ọdi dị aru ụsighe iyoor amitiom ạḍuanam ẹpe Ijipt. Nyịidipho yoor odi Kades, ẹmha dị ẹkuan ọku rꞌeelhe phọ ạna.

Dutoronomi 1:30

Ọmoogh-we Ẹnaan phọ anyina iḍiemiom bọ inyina kieenaan ni inyina, ạḅile aḍighi risigh anyina oomo ịpe ọdi aḍighi bọ ẹpe Ijipt.

Dutoronomi 10:21

eetumaam ghan nyọdi. Ọdi kụ Ẹnaan anyina, nyẹpe iḍighi bọ inyina iboom mọ ịphen eḍigh bọ ruugu ịpe nyina ẹsighe riḍien anyina ẹmiinom.

Dutoronomi 11:2

Ilegheri rodon mị ạkaaph rạ́ḅeni nmụny anyina bụphe úlegheri aani bọ ḅịle kẹn ụ́miin aani mem mọ Ọmoogh-we phọ Ẹnaan phọ anyina ịphur bọ inyina rụru. Mị ạkaaph rịḅeni ghan inyina. Nyina kụ ạbudi mọmiin igbogh phọ ọdi rꞌạḍighaagh iphelegbe phọ ọdi, mem mọ ọdi azin bọ ḍịghaagh iphelegbe phọ ọdi;

Dutoronomi 26:8

Kụ Ọmoogh-we phọ ụsighe iyoor amitiom ạsighe ạḍuanam ẹpe Ijipt rꞌạḍiikpara ạḍighaagh, asele ḍilhom ạḍighaagh phọ ọdi, aḍighi iiḍighi okpereghaan rꞌareḍeenaan rꞌịiḍaany.

Dutoronomi 29:3

oboom mọ ọdegh-ophogh phọ ọpo nyina ẹmiin bọ ni rꞌareḍeenaan phọ rꞌiboom mọ ịiḍaany phọ.

Dutoronomi 33:29

Ịzirel, ọḅaal ologhi ọlo ạna ni. Ạnhian kụ ạghigh nyịna? Nyina awe dị Ọmoogh-we phọ ạphel. Ọdi kụ ọsuaram mọ ạloghonaan bọ nyịna ḍịghaagh; ọdi kụ elhool ẹgham iphelegbe phọ ạna. Ạbumulogh-ḍien phọ ạna kotumom rꞌịlom ọsar ọwilenaan kụ nạ ạze bịdi.”

Dutoronomi 34:12

Ọnon oyil ólho dị ạsighe ḍịghaagh iphelegbe ọdi kụ aḍighinom ịdo ạraraar aruugu phọ ịpe aMozis aḍighi bọ esomanan Ịzirel.

Dutoronomi 5:15

Ịitughian ghan mọ nyina iḍighi ni rẹbene ẹpe ade phọ Ijipt kụ Ọmoogh-we Ẹnaan phọ anyina ẹsighe ḍilhom ạḍighaagh phọ ọdi rꞌigbogh ịikpo ịsighenom inyina ạḍuanam. Kụ iḍighi kụ Ọmoogh-we Ẹnaan phọ anyina ạlogh bọ ologh ịḅeni inyina mọ iiko ghan ḍio ophooghian phọ.

Dutoronomi 6:21

kụ ẹphagharanaan ghan ẹghaaph ẹḅeni nmụny phọ anyina mọ, ‘Yoor uḍighi rẹbene ọdaam eelhe phọ Ijipt, kụ Ọmoogh-we phọ ạsighe ḍilhom ạḍighaagh kụ ụsighenom iyoor ạḍuanam ẹpe Ijipt,

Dutoronomi 7:19

oboom mọ ọdegh ophogh phọ ọpo ariḍien phọ anyina ẹmiin bọ, rꞌareḍeenaan phọ, rꞌịiḍaany phọ, rꞌạḍighaagh iphelegbe phọ ọdi azin bọ, ḍịphe Ọmoogh-we Ẹnaan phọ anyina ạsighe bọ kụ ịsighenom inyina ạḍuanam. Ịdipho kụ ịdi Ọmoogh-we Ẹnaan phọ anyina kaḍighi oomo awe phọ ạbuphe nyina rekiilaan bọ.

Dutoronomi 9:29

Kụ bịdi phọ awe ạna dị ạsaḅar ạmoogh, bụphe nạ ạsighe bọ igbogh ịikpo phọ ạna rꞌạḍighaagh iphelegbe phọ ạna nạ azin bọ aḍighi ịdi bịdi ọḍua.’

Josua 24:7

Mem dị ạburude phọ anyina omoghiom Ọmoogh-we phọ, kụ Ọmoogh-we phọ ạsighe ufiri isophoghom inyina rꞌawe phọ Ijipt, kụ aḍighi ịdi ọphiiny phọ aḍigh amuza ạminoghom we phọ Ijipt. Kụ nyina ịmiin ni ịpe mị aḍighi bọ we phọ Ijipt. “‘Kụ nyina ẹrol sịphe ẹdala phọ ẹminighan amem.

1 Pita 5:6

Isooromi ni loor anyina sịphe ḍịghaagh iphelegbe phọ Ẹnaan, pịdi ạḍighaagh anyina kụ eḅetenu mem mọ Ẹnaan egu bọ.