Dutoronomi 4:32 - Ạḍinya Iigbia

³² “Ịitughian eḅula ọman mem dị eten kụ ogbi ọmar anyina, emiigh kꞌaḍio phọ Ẹnaan ẹlhem bọ oye sịen aḅirini phọ. Iḅiligha oomo ade phọ, emiigh kꞌeekuna ẹphen ạke phọ ẹghi esiemi ẹpheri phọ eekuna phọ. Ịyaar dị ẹbugh ịduon memite ghan ni kꞌekulha?

Dutoronomi 4:32 Iomraidhean Croise

Emiighom 1:27

Kụ Ẹnaan ẹlhem weye ẹghighima loor phọ ọdi. Ịdipho Ẹnaan edi bọ kụ ịdi ẹtuugh bọ ẹlhem oye. Ẹnaan ịlhem bịdi elephiri rꞌẹya.

2 Sạmuel 7:23

Ẹnon eelhe sịen ade phọ dị ẹghigh Ịzirel ílho, bụen nạ ạtagharan bọ dọl ạrebene phọ kụ ạsighe aḍighi weye ạna. Igbogh rꞌịikia ạraraar phọ nạ aḍighinaan bọ bịdi memitiom ḍien phọ ạna eleenye aḅirini phọ. Nạ uphorogh ni ịnon areelhe rꞌạrumugh phọ ạbidi ạsighiogh mem mọ awe phọ ạna rotu bọ, awe phọ nạ ạtagharan bọ ẹpe Ijipt, mọ oḍighi bụo ạna.

Job 8:8

Pogh ẹphurukpu amem olegheri-ịyaar ageedi phọ; mạar aphogh igey phọ ịpe ạburude phọ ayira ọtuugha bọ.

Ạsuor 44:1

Ẹnaan, yoor mọsighe ni reḅeri ayoor ạnaghanam — ạburude phọ ayoor mọghaaph ni ụḅeni iyoor — ịlo igbogh ạraraar phọ nạ aḍighi yogh bọ ḍiodiidi phọ mem mọ ạbidi,

Ẹḍua 34:10

Ọmoogh-we phọ ạḅeni Mozis mọ, “Nyịidipho mị maghiran ịyo rꞌoomo awe phọ Ịzirel. Risigh ạbidi mị kaḍighi ịiḍaany, ịdi kőḍighi ghan sịen aḅirini phọ, kẹn ke̋mite ghan ẹnon eelhe. Oomo awe kọmiin ni ọdo igbogh ạraraar dị mị Ọmoogh-we phọ katue aḍighi loor esi dị mị kaḍighinaan nyịna ịyaar aḍiigu.

Azaya 45:12

Mị kụ ọpo ạlhem bọ de phọ kụ ạlhem oye mọ ạghelom; Mị ụsighe ịikpo ạmi kụ ạlhemom bọ sịke phọ; mị rạpamaghan ghan erumuḍio phọ, ụnwanyu phọ rꞌạraanaan phọ.

Joel 1:2

Iler rụru, nyina ikumoor awe, tọrobo oye lọ ọdi Juda ạnaghan! Ịyaar lọ ẹghigh ịphen memite ghan ni mem anyina ḅịle mꞌamem ạburude anyina ḍụghum?

Ẹmos 3:2

“Sịphe ogbo oomo areelhe phọ edi bọ sịen aḅirini phọ, nyina kụ awe dị mị malhegheri kụ ạḅile raako. Ịpe kụ iḍighi kụ ịkaraph phọ anyina elegheri bọ eḍigh ruugu, kụ ịdipho kụ ẹdi mị kạtuan bọ ịkaraph phọ anyina kụ ịlhiom inyina.”

Matiu 24:31

Kopula ni ọkuodu phọ Ẹnaan, kụ ọdi atom mọ ạruukpaany phọ ọdi ọghi inya ạsiagaany aḅirini phọ ookpomoghi ạbuphe dị mạsaḅar bọ.”

Elegh ạMak 13:27

Kụ ọdi atom rụukpaany phọ ọdi ọghi inya ạsiagaany aḅirini phọ, emiigh sịen ade phọ esiemi kꞌạke, ookpomoghi ạbuphe Ẹnaan mẹsaḅar bọ.”

Dutoronomi 28:64

“Ọmoogh-we phọ kịwalami ni inyina aleenye oomo arikpisi, emiigh kꞌeekuna aḅirini phọ ẹphen ẹghi esiemi nyẹeri phọ eekuna phọ; kụ nyina ẹtol ẹpe phọ kụ ẹeḅereghi ghan ịnon ạrumugh ireeny rꞌạrana, dị nyina rꞌạburude phọ anyina úlegheri.

Dutoronomi 30:4

Ghạlamo rꞌạbuphe ophorogh bọ ọwalami ọsighe ọghi eekuna aḅirini phọ, pọ Ọmoogh-we Ẹnaan phọ anyina kạki ni ẹpe phọ aakpomoghi bịdi ạsighe aḅulemi.

Dutoronomi 32:7

“Ịitughian ghan siḍughul-otu ịpe aḍiodiidi phọ, ẹetughian ghan sịa phọ meten bọ. Ipuru bụrude anyina ịḅeni inyina ịpe emite bọ; epuru ikumoor awe phọ anyina, bịdi kịḅeni ni inyina.

Dutoronomi 33:29

Ịzirel, ọḅaal ologhi ọlo ạna ni. Ạnhian kụ ạghigh nyịna? Nyina awe dị Ọmoogh-we phọ ạphel. Ọdi kụ ọsuaram mọ ạloghonaan bọ nyịna ḍịghaagh; ọdi kụ elhool ẹgham iphelegbe phọ ạna. Ạbumulogh-ḍien phọ ạna kotumom rꞌịlom ọsar ọwilenaan kụ nạ ạze bịdi.”

Dutoronomi 4:7

“Ẹnon eelhe ílho, ịlo ẹbugh ẹbugh, dị ẹmoogh ịyaar dị rọoḅereghi dị etuman bịdi, ịdipho Ọmoogh-we Ẹnaan phọ ayira. Ọdi rụnaghanan ghan iyira tọrobo amem lọ yira ọmagh nyọdi.