Dutoronomi 4:30 - Ạḍinya Iigbia

³⁰ Mem lọ ịiḅaghami eru rịteeny inyina, kụ oomo ịphen phọ eru isoroghuom inyina mem eekuna aḍio phọ, eru mạar dị nyina ekiton esoman Ọmoogh-we phọ Ẹnaan phọ anyina kụ ẹnaghanan ẹḍogh phọ ọdi,

Dutoronomi 4:30 Iomraidhean Croise

Emiighom 49:1

ẠJekob ạmagh nmụny phọ ọdi kụ ạḅeni bịdi mọ, “Iikpomoghan ẹnaghan, mị kịḅeni inyina ịdi kimitenaan inyina mem dị retu.

Nehemaya 1:9

Kụ eḍighi ịyaar dị nyina eeghiraan iphogh ịmi kụ emiigh oḍighi ịlo mị ịḅeni inyina oḍighi, pọ mị kịsighe ni inyina aḅulemi sịphe mị mạsaḅar bọ ọoḅereghi ghan ạmi. Ghạlamo nyina ịwalala kụ eleeny oomo ạrughulukul aḅirini phọ, pọ mị kiḅulemi ni inyina.’

Ạsuor 107:13

Kụ sịphe ịiḅaghami phọ kụ bịdi ọmagh Ọmoogh-we phọ kụ ọdi ạphel bịdi ạsighe esi ạḍikaraph ạdol phọ ạbidi.

Ạsuor 107:6

Kụ sịphe ịiḅaghami phọ kụ bịdi ọmagh Ọmoogh-we phọ kụ ọdi ạphel bịdi ạsighe esi ạḍikaraph ạdol phọ ạbidi.

Ạsuor 18:6

Igbo ịiḅaghami phọ ạmi mị ạmagh Ọmoogh-we phọ; Mị ạlom Ẹnaan phọ ạmi ọlhoghonaan ạḍighaagh; Sịphe otu iigbia phọ ọdi, ọdi ạnaghan ẹḍogh ạmi; Ọdi ạnaghan emoghi ịlom ọlhoghonaan ạḍighaagh phọ ạmi.

Ạsuor 59:16

Kụ ọlo mị kạmoorom ni ịlo ịnyaam mọ ạna; ḍịroor ḍịroor mị kạmoor akoom ịlo ẹphomoghian phọ ạna rémuneen ghan bọ. Nạ maḍighi ni eekpereghian ạmi, uba dị mị aḍigh mem ịiḅaghami.

Ẹḍua 18:8

AMozis ạghaaph ạḅeni ọyogo phọ ọdi oomo ịpe Ọmoogh-we phọ ạtuan bọ ẹmhu awe Ịzirel aḍighi ọdaam eelhe phọ Ijipt rꞌawe phọ ọdi. Ọdi ạḅeniom kẹn nyọdi ịminimiin phọ awe phọ ọmiinom bọ ẹpe eten phọ, rꞌịpe Ọmoogh-we phọ ạphel bọ bịdi.

Azaya 1:19

Eḍighi mạar dị nyina kịnaghanan ni ịmi, nyina kele ni igey ạraraar ade phọ.

Jerimaya 23:20

kụ kásophe tụtu ọdi aḍighi oomo phọ ịpe ọdi magbiighi bọ oḍighi phọ. Siḍughul-otu dị retu awe phọ ọdi kọnaghan ni dị iikia kẹ́tol.”

Jerimaya 4:1

Ọmoogh-we phọ ạḅem mọ, “Weye Ịzirel, eḍighi ịyaar dị nyina rẹwa ni okiton, pọ ikiton eru esi ạmi. Eḍighi ịyaar dị nyina emeeraam kụ eroḅologhi ịkaaghineen aruru phọ mị rạ́wa ghan bọ ọmiin phọ bịn kụ ẹrolan rꞌạmi,

Jerimaya 4:2

pọ keḍighi ni sụo ịngo inyina dị nyina kekunya ghan rꞌaḍien ạmi. Pọ kụ amem dị oomo areelhe phọ kụlom ịmi ọseph ạbidi, ḅịle kẹn bịdi kuboom ni ịmi.”

Jerimaya 7:23

Kụ ọlo mị ụto ni ạḅeni bịdi mọ ụnaghanan ghan ịmi, pịdi mị aḍighi Ẹnaan ạbidi ḅịle kẹn bịdi oḍighi weye ạmi. Ḅịle kẹn mị ụḅeni ni bịdi mọ bịdi ọtuugh ọrol pịdi ạraraar ẹnighenaan bịdi.

Ịkunuma 3:40

Itu ọoḅeghion reten phọ ayira kụ oḅula esi Ọmoogh-we phọ.

Dạniel 10:14

Mị maru oḍighi ịdi nạ kạnaghan ịdi kemitenaan weye ạna mem dị retu. Ịphen phọ uḍien ịlo amem dị edi ghisigh.”

Hosia 3:5

Kụ amem ketu ni dị awe phọ Ịzirel kọḅile okiton kụ opogh Ọmoogh-we Ẹnaan phọ ạbidi rꞌọnyo ẹemara ẹemara aDevid ọdaam mọ ạbidi. Pọ kụ amem dị bịdi kọlogh eghuan Ọmoogh-we phọ kụ ọboor ịma aruunmo ọdi.

Zẹkaraya 6:15

Awe dị orugh rikpisi dị ẹkel kotu ni kụ ọloghonaan ḍịghaagh ọḅile ọlogh Otu Ịiḅereghi Ọmoogh-we phọ. Kụ mem dị mọlhogh ọmadan, nyina kelegheri ni mọ Ọmoogh-we Oomo Ịikpo kụ urom ịmi oru ọteeny anyina. Oomo phọ ịphen phọ kemite ni eḍighi ịyaar lọ nyina ẹkaraghi ẹnaghanan ịtooghi Ọmoogh-we Ẹnaan phọ anyina.

Igbiighi 24:20

Uḍien kụ ẹdi ạBelam ạmiin Ạmalekait, kụ ạmiin ịmiin phọ ịphen ạghaaph amitiom mọ, “Ạmalek kụ ẹḅel ẹmha esi ạramha phọ, Kụ ruukuna phọ kopiemi ni nyọdi.”

Iiḍighi 26:20

Mị ụphur ri ạrol Dạmaskos rꞌaJeruselem, kụ arelhe yogh oomo ạramha phọ aJudia rꞌịpe aruuruen phọ, ọghaaph ghan mọ bịdi okiton esi ịkaraph phọ ạbidi osoman Ẹnaan, ọḅile oḍighi ghan ịlo emeeraam mọ bịdi mokiton ni.

Iiḍighi 3:19

Esi ịphen phọ, ikiton esi ịkaraph phọ anyina esoman Ẹnaan, ọbo Ọmoogh-we phọ agbuurogh ịkaraph phọ anyina,

Dutoronomi 30:10

eru mạar dị nyina kẹnaghanan ni ẹḍogh phọ Ọmoogh-we Ẹnaan phọ anyina, kụ eeko ghan iilogh phọ ọdi rꞌịtooghi phọ ọdi ịphen ọge bọ sịen ạḍinya iilogh phọ, kụ nyina ekiton esoman Ọmoogh-we Ẹnaan phọ anyina rꞌoomo iloghi phọ anyina rꞌaruwaloor phọ anyina.

Dutoronomi 30:2

Mem ḍi nyịna ekiton eḅula esi Ọmoogh-we Ẹnaan phọ anyina, ẹnaghanan ghan ẹḍogh phọ ọdi, kụ ẹdaph ghan oomo phọ iilogh phọ mị ạlogh bọ ịngo inyina ḍio phọ arodon.

Dutoronomi 31:17

kụ mị ạkagham bịdi ologhi ḍio phọ ạḍiphe, kụ mị akel bịdi, kụ mị ạbooghi risigh ạmi esi ạbidi, kụ ọminogh bịdi. Kụ ọdo kịrokiro ịminimiin rꞌịkaraph esoroghuom bịdi, kụ bịdi ọḅem ghan ḍio phọ ạḍiphe mọ ịkaraph phọ ịphen ịtu ika kụ risoroghuom bọ iyira, ịdi eḍighi bọ Ọmoogh-we phọ ólhoonaan mun rꞌayira.

Dutoronomi 31:21

Kụ mem dị ọdo kịrokiro ịminimiin phọ rꞌịiḅaghami phọ kesoroghuom bịdi, ạḍuor phọ ạḍien kegbororian ni risigh ạbidi, kụ ẹgba ghan ịpe eru bọ ịne, kụ ẹtol sịphe ịnhu ạnmuny phọ ạbidi dị kóbula. Mị alegheri ni oomo ịpe bịdi rọotughian bọ rꞌigbiom mọ ạbidi rodon, tụtu mị ạsighe bịdi asiemi ẹpe ade phọ mị aghunya bọ ọngo phọ.”

Dutoronomi 31:29

Mị alegheri ni mọ mị romugh bịn nyina kẹpioghom ni ẹpuenaan siloor anyina, ekiton ẹgbatanaan eten phọ ẹphen mị ạlogh bọ ologh ịngo inyina. Nyina kẹpioghom ni ghisigh Ọmoogh-we phọ, kụ ẹkagh ologhi ọdi loor esi ịpe ạraghaagh phọ anyina reḍighi bọ, kụ ịminimiin isoroghuom inyina, suḍughul-otu phọ ịpe retu bọ.”

Bụo aHibru 1:2

kụ sịen ariiḍio ekureriom mọ, ọdi arom Mọony phọ ọdi kụ ạghaaph bọ ụḅeni iyira. Ẹnaan ịsighe ḍịghaagh ọdi kụ ẹlhemom bọ aḅirini phọ, ẹḅile ẹsaḅar nyọdi mọ ạmoogh oomo ạraraar ruukuna phọ.

Bụo aHibru 5:9

Ọdi rọkar bọ roseleman bịn aḍighi zin ạpeleeny kꞌagee-pọ phọ oomo ạbulo ọnaghanan nyọdi kọmoogh bọ.