Dutoronomi 4:29 - Ạḍinya Iigbia

²⁹ Ẹpe phọ kụ ẹdi nyina kẹwa Ọmoogh-we Ẹnaan phọ anyina, kụ eḍighi dị nyina ẹwaam nyọdi rꞌoomo ologhi phọ anyina, rꞌoomo uwaloor phọ anyina, nyina kẹmiin ni nyọdi.

Dutoronomi 4:29 Iomraidhean Croise

2 Ạbudaam 10:31

AJehu ọ́maghami ịyaar ịlo ọdaph iilogh Ọmoogh-we Ẹnaan phọ Ịzirel rꞌoomo ologhi ọdi. Ọdi ọ́gbatanaan ọ́wile ịkaraph phọ ịpe aJeroboam aḍighi yogh bọ, tụtu eḍighi bọ ịdi Ịzirel oḍighi yogh ịkaraph.

2 Ạbudaam 23:3

Kụ ọdaam mọ ạmeera atuman ẹko kụ aghir ịyo risigh Ọmoogh-we phọ ọdaph ọdi rꞌooko ghan iilogh phọ ọdi rꞌịtooghi phọ ọdi, ọsighe oomo ologhi phọ ọdi rꞌuwaloor ọdi kụ oḍighinom ghan ikpo ọnhu ịyo phọ ọge bọ sịen ạḍinya iilogh phọ ạḍien. Kụ oomo awe phọ ọmeregha sịphe ịyo phọ.

2 Krọnikuls 15:12

Bịdi ughiran ịyo dị bịdi omeeraam mọ bịdi kooseeny ghan Ọmoogh-we Ẹnaan ạburude ạburude ạbidi rꞌoomo ologhi rꞌoomo ịikpo ạbidi.

2 Krọnikuls 15:15

Oomo awe phọ aJuda ụmoogh ọḅaal ologhi loor esi dị bịdi moghiran ịyo phọ ịphen rꞌoomo ologhi ạbidi. Bịdi ụmoogh ḍịḅeeraan ooseeny ghan Ọmoogh-we phọ, kụ ọdi ạsighe bịdi kụ ạngo ẹepho akoom.

2 Krọnikuls 15:2

Kụ ọdi ạghi ọteeny Ọdaam Ạsa. Ọdi ạmagh amitiom mọ, “Ụnaghanan ịmi, Ọdaam Ạsa rꞌoomo anyina awe aJuda rꞌạBenjamin. Ọmoogh-we phọ odianaan rꞌanyina lọ nyina edianaan rꞌọdi. Eḍighi ịyaar lọ nyina ẹwa nyọdi, ọdi kaḍighi ni dị nyina kẹmiin nyọdi, kụ nyina ephogh ḍịnon ạḍighaagh, ọdi kịḅitonaan ni inyina.

2 Krọnikuls 15:4

Kụ mem dị ịiḅaghami eru, bịdi ukiton ni osoman Ọmoogh-we Ẹnaan phọ Ịzirel. Bịdi ọwa nyọdi kụ ọmiin nyọdi.

2 Krọnikuls 31:21

Igey ịteeny nyọdi, ịdi eḍighi bọ tọrobo ịyaar lọ ọdi aḍighinaan Otu Ịiḅereghi phọ ḅịle rꞌọdaphan Ologh phọ, ọdi aḍighinom ghan uwaloor ọḅogh-aloor-ọngo Ẹnaan ọdi rꞌoomo ologhi ọdi.

Nehemaya 1:9

Kụ eḍighi ịyaar dị nyina eeghiraan iphogh ịmi kụ emiigh oḍighi ịlo mị ịḅeni inyina oḍighi, pọ mị kịsighe ni inyina aḅulemi sịphe mị mạsaḅar bọ ọoḅereghi ghan ạmi. Ghạlamo nyina ịwalala kụ eleeny oomo ạrughulukul aḅirini phọ, pọ mị kiḅulemi ni inyina.’

Nehemaya 9:27

kụ nạ ạngo ọgel mọ ạbumulogh-ḍien ọkpar opu bịdi kụ ọda. Mem ịiḅaghami bịdi ụmagh ni nyịna ọloghonaan ạḍighaagh, kụ nạ ạḍua ni kꞌạke ạnaghanan bịdi. Esi oboom ọnma ighirigiir phọ ạna, nạ uruom ni bịdi buḍiemiom dị ọtagharan bịdi esi ạbumulogh-ḍien ạbidi.

Ạsuor 119:10

Rꞌoomo ologhi ạmi kụ ẹdi mị ạnyaam okumu ạna. Kámeera dị mị kạgbagharan iilogh phọ ạna.

Ạsuor 119:145

Mị ạsighe oomo ologhi ạmi kụ rạmagham bọ nyịna; ụnaghanan ịmi, Ọmoogh-we, bịn mị kạdaph ni ịtooghi phọ ạna.

Ạsuor 119:2

Ọḅaal ologhi odianaan bụphe ọdaph bọ ịtooghi phọ ọdi, bụphe ọnaghanan bọ nyọdi rꞌoomo ologhi ạbidi.

Ạsuor 119:58

Mị ạlom nyịna rꞌoomo ologhi ạmi ọnma ighirigiir esi ạmi, ịdipho nạ maguanaan bọ.

Jerimaya 3:10

Kụ mem dị oomo ịphen phọ meten, aJuda umarani phọ Ịzirel ologhi róḍuom ghan bọ akue bịn mọ ọno marigheel ḍịghaagh ạmi; ọdi órighelom rꞌeekuna ologhi ọdi. Mị Ọmoogh-we phọ kụ ụḅem.”

Jerimaya 51:50

Ọmoogh-we phọ ạḅeni we phọ ọdi dị odi Bạbilonia mọ, “Nyina mekpetenaan ḍuugh. Nyịidipho ịki! Kéebinyemi! Ghạlamo ịduon nyina ẹkelan bọ ni ẹmha phọ, ịitughian ni ịmi Ọmoogh-we phọ anyina, kụ ẹḅile ẹetughian Jeruselem.

Izikiel 6:9

ekpisi dị bịdi kọtol dọl iiruen. Ẹpe bịdi kụutughian ni ịmi kụ olegheri mọ mị kụ ụliom bọ ni bụno ạḅile aafolomi bụno, ịdi eḍighi bọ iloghi émeeraam mọ ạbidi ịwile ịmi kụ bịdi ọsighe ịkaaghineen ạrumugh kpạripe rꞌạmi. Kụ bịdi kọḍagha ni siloor ạbidi esi ịkaraph ạraraar omutonaan-ephoogh phọ bịdi moḍighi bọ.

Joel 2:12

Ọmoogh-we phọ ạḅem mọ, “Nyịidipho, ikiton rꞌoomo ologhi eḅula esi ạmi ẹḅaram ọkaagh ẹḍogh rꞌemoghi, rꞌọto.

Ẹmos 5:4

Ọmoogh-we phọ rạḅeni we phọ Ịzirel, “Itu esi ạmi bịn nyina kẹmoogh ni ghuḍum.

Dutoronomi 10:12

“Kụ nyịidipho, we Ịzirel, ịphen phọ kụ ịdi Ọmoogh-we phọ Ẹnaan phọ anyina rạwa ḍịghaagh anyina: oghiilaan Ọmoogh-we phọ Ẹnaan phọ anyina, rꞌọdaph ghan oomo areten phọ ọdi, rꞌọphomoghian ọdi, rꞌooseeny ghan Ọmoogh-we Ẹnaan phọ anyina rꞌoomo ologhi phọ ạna rꞌuwaloor phọ ạna.

Dutoronomi 11:13

“Kụ eru mạar dị nyina kẹnaghanam ni iilogh phọ ạmi, ịphen mị ạlogh bọ ịngo inyina rodon, ẹpomoghian Ọmoogh-we Ẹnaan phọ anyina, eeseeny ghan nyọdi rꞌoomo ologhi anyina rꞌoomo uwaloor phọ anyina,

Dutoronomi 26:16

“Rodon Ọmoogh-we Ẹnaan phọ anyina ạto rịḅeni inyina mọ ịdaph ghan ịtooghi phọ rꞌịiruen phọ ọdi kụ eḍighinom ghan; kụ iḍighi kụ ịpamanam oomo phọ ịdi, ẹsighe eseerian sịphe iloghi phọ anyina rꞌaruwaloor phọ anyina.

Dutoronomi 30:10

eru mạar dị nyina kẹnaghanan ni ẹḍogh phọ Ọmoogh-we Ẹnaan phọ anyina, kụ eeko ghan iilogh phọ ọdi rꞌịtooghi phọ ọdi ịphen ọge bọ sịen ạḍinya iilogh phọ, kụ nyina ekiton esoman Ọmoogh-we Ẹnaan phọ anyina rꞌoomo iloghi phọ anyina rꞌaruwaloor phọ anyina.

Dutoronomi 6:5

Ịpomoghian Ọmoogh-we Ẹnaan phọ anyina rꞌoomo iloghi phọ anyina, rꞌoomo uwaloor phọ anyina, rꞌoomo ịnyaam mọ anyina.

Josua 22:5

Ịmaar ẹphama siloor anyina eeko ghan iilogh phọ rꞌologh phọ ọpo aMozis otelhedom mọ Ọmoogh-we phọ ạlogh bọ ịngo inyina. Ịpomoghian Ọmoogh-we Ẹnaan phọ anyina, erelhe ghan oomo areten phọ ọdi, ẹḅile eeko iilogh phọ ọdi, eḍighom nyọdi rꞌooseeny ọdi rꞌoomo ologhi rꞌaruwaloor phọ anyina.”

1 Sạmuel 7:3

ẠSamuel ạḅeni we phọ Ịzirel mọ, “Eru mạar dị nyina ekiton ni eru esi Ọmoogh-we phọ rꞌoomo iloghi phọ anyina, pọ nyina ẹmoogh oroḅologhi iiruen ạrumugh phọ anyina rꞌịkaaghineen ạraraar ẹya-eru Astarte. Ịḅogh siloor anyina ẹngo Ọmoogh-we phọ, ẹeḅereghi ghan nyọdi bịn, pụruku ọdi kịtagharan inyina ḍịghaagh ạbuo aFilistia phọ.”