Dutoronomi 4:27 - Ạḍinya Iigbia

²⁷ Ọmoogh-we phọ kịiwalami ni inyina ạngo ịnon areelhe dị ịphurukpu anyina bịn kụ koḍum.

Dutoronomi 4:27 Iomraidhean Croise

Emiighom 11:4

Kụ bịdi ọḅem mọ, “Nyịidipho ọlogh otu ẹmha ẹedaneen dị kasi okuaḍio phọ pịdi yira omitiom ḍien ḅịle kọ́walala sịen aḅirini phọ.”

Emiighom 34:30

ẠJekob ạḅeni Sịmion rꞌaLivai mọ, “Nyina mẹkom ịiḅaghami rꞌạmulogh-ḍien iseenaan ịmi. Awe phọ ạmi okom. Nyịidipho bụo aKenan phọ rꞌạbuo ạPerezait phọ rꞌayira orughan bọ kookpomoghan uzuom ịmi ịlo oghiigh ạmi ọḅile ọze ọto kꞌayira opiemi.”

Nehemaya 1:3

Ụḅeni ịmi mọ ạbuphe ọkparam bọ morigheel ẹpe Jeruselem kụ odi ni esi igbogh ịiḅaghami; kụ mọ aruuruen phọ ạbuphe orugh bọ etuman bịdi rọgilaam ni bịdi. Bịdi ụḅile ụḅeni ịmi mọ iikpe ẹmha phọ rꞌarughuugh ạrunhu-aḍibuo phọ molhereghi bọ kọ̋meremi edi ni nịiniin ịdipho ẹrol bọ mem mọ ọsu bọ nịan ẹmha phọ.

Ạsuor 106:27

ạḅile ạawalalami nmụny ạnmuny ạbidi bịdi omuughu sịphe iiruen areelhe phọ.

Ạsuor 44:11

Nạ mụḅogh iyoor ạngo mọze ịdipho iyool-ịga, ạḅile ụwalalami iyoor oomo areelhe phọ.

Ạsuor 44:12

Nạ maal we phọ ạna ẹnum ikpoki dịadi yoor mạar ụ́man.

Azaya 17:6

Iikoma awe bịn kụ kọtol, kụ Ịzirel kạkigh oreeny-ọliv dị mọku ọman emuton ịyal mꞌịraar arughuuny lọ esugha kꞌẹpe eekuna ạnyu phọ mꞌẹphurukpu dị ọwile ẹphen ịla ude phọ. Mị Ọmoogh-we Ẹnaan phọ Ịzirel phọ mạḅem.”

Jerimaya 16:13

Kụ iḍighi kụ mị kiroph inyina ạsighe sịen ade phọ ạḍien phọ ạkiom ekpisi dị nyina rꞌạburude ạburude anyina kólhegheri ghan. Kụ ẹpe phọ kụ ẹdi nyina kekumu ịnon ạrumugh ḍughul rꞌootaany, kụ mị inyina ighirigiir kạ́nma.’”

Izikiel 11:16

“Nyịidipho, ḅẹni bụeri phọ rꞌạna edi bọ dọl iiruen phọ ịpe mị rạkaaph bọ. Mị kụ ọdi ạsighe bọ bịdi ạghi orugh ịsiphe areelhe phọ ẹkel bọ kụ ạwalalami bọ bịdi ologhi ịnon areelhe. Ghạlamo ịduon phọ ni, nyịidipho phọ mị kạtolan ni rꞌạbidi sịphe arere phọ ẹpe bịdi mọghi bọ.

Izikiel 12:15

“Mem dị mị ạwalalami bịdi ogbo awe ịnon areelhe phọ rꞌịsiphe iiruen areelhe phọ, bịdi kolegheri ni mọ mị kụ Ọmoogh-we phọ.

Izikiel 20:23

Kụ iḍighi kụ mị aguanan sịphe ẹdala phọ. Mị aghunya mọ mị kạwalalami bịdi oomo aḅirini phọ.

Izikiel 22:15

Mị kạwalalami we anyina ẹpe tọrobo ẹmha rꞌeelhe kụ akureri ịkaraph iiḍighi phọ anyina.

Izikiel 32:26

“ẠMesek rꞌaTubal rꞌiiḍi awe ẹgham ạbidi dị ekoom. Oomo ạbidi úḍuna, oomo ạbidi ụze ẹgham. Ghạlamo ịduon phọ amem ịrol li dị bịdi oḍighi ịlo aḍiigu bụphe odi bọ.

Dạniel 9:7

Nạ, Ọmoogh-we, raḍighi ghan ịdi ẹnighe oomo amem, kụ yoor romuton ghan eephoogh siloor ayoor. Ịphen phọ kụ edianaan oomo phọ ayoor ạbuphe odi ghan bọ Juda rꞌẹpe Jeruselem rꞌoomo awe phọ Ịzirel bụphe nạ ạwalalami bọ ạghiom rạmha lọ etuman ḅịle rꞌịlo ẹkelan, loor esi dị bịdi nyịna úmeeraam.

Hosia 9:17

Ẹnaan phọ mị rakumu bọ kạḅitonaan ni we ọdi, loor esi dị bịdi kọ̋naghanan nyọdi. Bịdi koḍighi we dị koyeela ghan sịphe oomo areelhe phọ.

Lịvitikos 26:33

Kụ mị ịwalalami inyina aleenye oomo areelhe, kụ mị ạsighe elhool ẹgham iphoroghom inyina, kụ ade phọ anyina eguul, kụ ạramha phọ anyina epe.

Zẹkaraya 7:14

Mị uḍighi ịdipho oghim kụ aḅeer bịdi ạsighe ạghi iiruen areelhe. Ịma phọ ade phọ ạḍien ịrol bịn eten ẹekpua dị oye útugh.”

Dutoronomi 28:36

“Ọmoogh-we phọ kịsighe ni inyina rꞌọdaam mọ ọpo nyina ẹdaami bọ sịphe ẹmha phọ anyina ạsighe ạki ẹmha dị nyina rꞌạburude phọ anyina úlegheri; kụ nyina ẹtol ẹpe kụ ẹeḅereghi ghan, eeseeny ghan rụmugh dị ọsighe ireeny rꞌạrana kụ ọkaam.

Dutoronomi 29:28

Ọmoogh-we phọ ạsighe ọghagh ologhi aruphuron bịdi ạsighe sịphe ade phọ ạbidi; rꞌọghagh ologhi kụ ạsighe bịdi ạghi atebeeny ḍịnon ade kꞌarodon.’

Dutoronomi 30:3

Pụruku Ọmoogh-we Ẹnaan phọ anyina kiḅulemi inyina ḍigbaany ạdol ẹelha phọ anyina, kụ Ọdi ịnma inyina ighirigiir, kụ Ọdi aakpomoghi bụphe Ọdi ạwalalami bọ ịnon areelhe phọ aḅulemi.

Dutoronomi 32:26

Mị ụḅem mọ “Mị kạwalami ni bịdi ạsighe ạkele, kụ mị aḍighi ịdi awe bịdi kọ́otughian ghan mun,”