Dutoronomi 4:26 - Ạḍinya Iigbia

²⁶ Mị ạmagh kẹ rꞌade oḍighi ạbugbaanaan anyina rodon. Eḍighi ịyaar dị nyina ẹḅaar ẹmhu esi ạmi, nyina kẹ́tol ebia iboom sịphe ade ẹḅeenyom ạJodan phọ nyina keḍigh bọ. Nyina keegulaan ni kpel kpel, emuneen.

Dutoronomi 4:26 Iomraidhean Croise

Emiighom 19:13

Yoor kopiemi ni ẹmha phọ ẹphen. Ọmoogh-we phọ mạnaghan iboom ịkaraph ịinaghan ịlo awe phọ ạbuen, kụ murom iyoor ophiemi ạSodom.”

1 Ạbudaam 9:7

pọ mị kamutonaan Ịzirel sịphe ade phọ ạḍiphe mị ạngo bọ bịdi rꞌOtu phọ ọphon mị mạsaḅar bọ aseere dọl iigbia ạngo ḍien phọ ạmi; mị kạḅitonaan ni bịdi kụ Ịzirel aḍighi ḍidogh rꞌịgilaam esi oomo awe.

Azaya 1:2

Ọmoogh-we phọ ạḅem mọ, “De rꞌạke, iler rụru ẹnaghan ịphen mị rạḅem bọ! Ạnmuny phọ mị aakonom bọ mọgbagharan esi ạmi.

Azaya 6:11

Mị apuru mọ, “Kꞌạpur amem kụ ẹdi kẹtol bọ ịduon, Ọmoogh-we?” Ọdi ụphagharanaan ịmi mọ, “Tụtu oogulemi rạmha phọ ọman — tụtu útughogh mun ruutu phọ — tụtu ade phọ rꞌaloor eḍighi ọkpagha.

Jerimaya 16:13

Kụ iḍighi kụ mị kiroph inyina ạsighe sịen ade phọ ạḍien phọ ạkiom ekpisi dị nyina rꞌạburude ạburude anyina kólhegheri ghan. Kụ ẹpe phọ kụ ẹdi nyina kekumu ịnon ạrumugh ḍughul rꞌootaany, kụ mị inyina ighirigiir kạ́nma.’”

Jerimaya 2:12

Kụ iḍighi kụ mị ạto ạngo mọ okuaḍio phọ aphiigha ịlo aruugu, amaghagha ạḅile aḍighi ịlo aruugu,

Jerimaya 22:29

De, de, de! Ler rụru ịphen Ọmoogh-we phọ mạḅem bọ:

Jerimaya 32:24

“Awe ạBabilon phọ mokoom oomo ẹmha phọ okpobiom ọmoogh, kụ mọnya rozuom. Ẹgham, ạdol ọkoony rꞌẹzegh keḍighi ịdi ẹmha phọ keḍigh rạghaagh ạbidi. Nạ kạmiin ni mọ oomo phọ ịpe nạ ạḅem bọ memite.

Jerimaya 44:22

Ḍio phọ arodon ade phọ anyina mẹphu kụ rꞌoye ólho mun sịphe. Mẹḅile eḍighi esi dị eeph ọmiin kụ awe ọsighe ḍien phọ oḍighi ịlo itonyonaan loor esi dị Ọmoogh-we phọ órue mun ọ́kparam sịpioghom mọ rꞌẹkaraph eḍighinom ịyaar phọ anyina.

Jerimaya 6:19

Nạ ade phọ, nạghan! Esi ọliom ạbidi loor oomo phọ ịphen bịdi roḍighi bọ, mị kaagulemi bịdi, loor esi dị bịdi moghel ịtughemi phọ ạmi ḅịle kẹn ikpo ọnhu phọ ạmi bịdi ụ́naghanan.

Izikiel 33:28

Mị katene eelhe phọ de dị ịyaar ílho, kụ ịikpo phọ bịdi roobagaam ghan bọ kekunughian. Ạraaḅaraph phọ Ịzirel kebeeph iboom dị rꞌoye kátelhe ạ́ḅeeny.

Izikiel 36:4

Kụ nyịidipho iler rụru ịphen mị Ọmoogh-we dị ạmoogh oomo ịikpo ịḅeni bọ inyina ạraaḅaraph phọ rꞌaroogbolom mọ, nyina asikol rꞌariḍiiny, nyina ariisi lọ ophiemi, rꞌanyina ạramha lọ ọwile ọḍuaghu kụ owum rạraar kụ oomo areelhe phọ ekoom bọ ẹnmoghoghoom.

Lịvitikos 18:28

ọbo ade phọ kíkuḅa ghan bọ inyina ezuughi mem lọ nyina mẹepu de phọ, ịdipho ekuḅa bọ reelhe ạbuo ade phọ edi bọ risigh anyina ezuughi.

Maika 1:2

Ịnaghan ịphen, nyina oomo areelhe; ịnaghan ịphen, oomo ạbulo odi sịen aḅirini phọ! Ogbogh Ọmoogh-we phọ kạkaaph ni ịkaraph anyina, Ịnaghan. Ọdi ạtol otu ịiḅereghi ọdi ẹpe kꞌạke kụ rạkaaph.

Maika 6:2

Nyina ạraaḅaraph phọ, nyina ariphighiom ade phọ, ịnaghan ọghaaph Ọmoogh-we phọ! Ọmoogh-we phọ ạmoogh ni ḍighiton rꞌawe phọ ọdi. Ọdi kạkpalham Ịzirel.

Elegh aLuk 21:24

Elhool ẹgham kụ kẹze bịdi kụ osiphi bịdi ọkasaghiom ọkimom oomo areelhe ịdipho ạbuo ikoli, kụ aruuruen phọ kọozeghi ni oomo aJeruselem, tụtu amem mọ ạbidi emunughan.”

Dutoronomi 11:17

Bịn Ọmoogh-we phọ mịghagham inyina ologhi bịn akughi okuaḍio phọ bịn ọlophia ọ́lhoph mun bịn ade phọ ísoor mun eḍien, bịn nyina eguul epe emuneen sịphe ịma ade phọ Ọmoogh-we phọ ịngo bọ inyina.

Dutoronomi 28:20

“Ọmoogh-we phọ katom ni itulughian rꞌọwalawala rꞌọgbaragbara etu isoroghuom inyina sịphe oomo arukumuan phọ anyina, tụtu nyina eegulaan epe egina amem, loor ạsipioghom mọ anyina, ịdi eḍighi bọ nyina mighel ịmi.

Dutoronomi 28:22

Ọmoogh-we phọ kạsighe omineniom, osipheeny ọghola, rꞌẹghologhol, kụ ịguroghom inyina, ạsighe ogogo, oghim rꞌọogbi ade kụ ọmiiniom inyina tụtu nyina eguul epe.

Dutoronomi 28:45

“Oomo ọkaraph ọghor phọ ọphon isu bọ inyina kịdaph ghan ni inyina ạteeny isoroghuom inyina, iphiemi inyina, ịdi eḍighi bọ nyina ị́naghanan ẹḍogh phọ Ọmoogh-we Ẹnaan phọ anyina ooko ghan iilogh phọ ọdi rꞌịtooghi phọ ọdi, ịpe ọdi ạlogh bọ ịngo inyina.

Dutoronomi 28:61

Oomo ạreezegh phọ rꞌịminimiin phọ ịpe ụ́ge bọ sịen ạḍinya iilogh phọ ạḍien, Ọmoogh-we phọ katom ni, kụ etu iḍighi yogh inyina tụtu nyina eguul.

Dutoronomi 29:28

Ọmoogh-we phọ ạsighe ọghagh ologhi aruphuron bịdi ạsighe sịphe ade phọ ạbidi; rꞌọghagh ologhi kụ ạsighe bịdi ạghi atebeeny ḍịnon ade kꞌarodon.’

Dutoronomi 31:28

Iikpomoghinaan ịmi ikumoor awe phọ anyina rꞌạbuo ịtooghi phọ, mị ụkaaph oomo phọ ịphen phọ adoghoḍi sụruru ạbidi. Kụ mị kạmagh kẹ phọ rꞌade phọ ọge oseenaan bịdi.

Dutoronomi 32:1

“Kẹ, ler rụru, mị kạkaaph ni ịyaar; de, nạghan ịphen mị kạkaaph bọ.

Dutoronomi 7:4

ịdi eḍighi bọ keḍighi ni ịdi ọony phọ ạna kạgbatanaan ạbile ọdaph ạmi, aaseeny ghan ịnon ạrumugh, bịn eḍighi ịdi Ọmoogh-we phọ kịghagham inyina ọghagh ologhi dị ạbugh bịn iphiemi inyina egina amem.

Dutoronomi 8:19

Eru mạar dị nyina ewula Ọmoogh-we Ẹnaan phọ anyina bịn ẹdaph eeseeny ịnon ạrumugh, ẹeḅereghi bịdi, mị rạpur sịruru anyina rodon phọ ạḍien, bịn nyina eguul.

Dutoronomi 8:20

Ịdipho ạramha phọ ịpe Ọmoogh-we phọ rapiemi bọ egbodo phọ anyina, ịdipho kụ ịdi kiphiemi aani bọ inyina, ịdi eḍighi bọ nyina ị́naghanam ẹḍogh phọ Ọmoogh-we Ẹnaan phọ anyina.

Josua 23:16

Eru mạar dị nyina ẹphioman kụ ẹepu ịyo phọ ịpe Ọmoogh-we Ẹnaan phọ anyina eghiran bọ kụ ạlogh ologh ịngo inyina, kụ nyina ẹghi kụ reeseeny ịnon ạrumugh ekpuḍian ẹeḅereghi ịnon ạrumugh, pọ Ọmoogh-we phọ kịghagham ni inyina ọghagh ologhi dị kạbugh ni iboom bịn iigulemi inyina apiemi sịphe aḍiiḅi ade phọ dị ịngo bọ inyina.”

Josua 24:20

Eru mạar dị nyina eghel Ọmoogh-we phọ, kụ eeseeny ghan iiruen ạrumugh, pọ ọdi kakiton isoman inyina kụ ịmiine inyina iphiemi inyina, ịdi eḍighi bọ ọdi miḍighi ni inyina ịdi ẹnighe.”