Dutoronomi 4:24 - Ạḍinya Iigbia

²⁴ ịdi eḍighi bọ Ọmoogh-we Ẹnaan phọ anyina ạnian ọnuza. Ọdi Ẹnaan dị ótiran roḅopha.

Dutoronomi 4:24 Iomraidhean Croise

2 Ạbudaam 24:20

Ọmoogh-we phọ ạghagham ni ologhi iboom weye phọ aJeruselem rꞌaJuda, dị tụtu ọdi aphorogh bịdi ọḍua risigh ọdi.

Ạsuor 21:9

Nạ kapiemi ni bịdi ịdipho aḍiboom ạnian, mem dị nạ amite. Ọmoogh-we phọ kạminogh ni bịdi rꞌọghagh ologhi, kụ ạnian ẹmoogh bịdi.

Ạsuor 78:58

Bịdi uḍighi ghan nyọdi ịlo ophin ologhi rꞌariisi ịiḅereghi ịkaaneen ạraraar ạbidi; ạnmuny asighuḍuul phọ ạbidi kụ ịkar kẹn ephin ologhi ọdi iboom.

Ẹḍua 15:7

Esi arughuenian phọ ạna, nạ mạkpar apu bụphe oḅetenu bọ bịn oru ozuom nyịna; Nạ mạghagh ologhi apiemi bịdi ịdipho ịpherepher.

Ẹḍua 20:5

Kákpuḍian ạngo ịyaar lọ ọka, ḅịle mꞌooseeny ọngo, ịdi eḍighi bọ mị kụ Ọmoogh-we Ẹnaan phọ ạna. Mị Ẹnaan útiran aroḅopha. Mị kạliom ni bụlo ụlogh ịmi ḍien asiemi oghiil ạnmuny ạnmuny ạbidi dị omuneniom ịraar mụghumo inya.

Ẹḍua 33:3

Nyina rekeel ẹpe ade ẹetool rꞌọninom mọ kụ ọlo mị kị́daph inyina rꞌaloor, ịdi eḍighi bọ nyina aweye ọḅaar ẹmhu, ọbo mị kiphiemi ghan bọ inyina ẹpe eten.”

Ẹḍua 34:14

“Kạ́aḅereghi ghan ẹnon ẹmugh, ịdi eḍighi bọ mị (ḍien ạmi ughol mọ Ọmoogh-we phọ) rátiran ghan roḅopha.

Azaya 10:17

Ẹnaan ạḍiḅaal phọ Ịzirel keḍighi nịan. Oye Aghuḍuul phọ Ịzirel kaḍighi nem ạnian dị ḍiniin aḍio bịn kele ni oomo ạraraar ẹman, ghạlamo iitoor rꞌiiḅurom.

Azaya 30:27

Rọmiin ghan ni ịikpo rꞌeegu Ọmoogh-we phọ kꞌesi dị ẹkel. Ạnian rꞌạmughi kụ reḍeenaan ghan ọghagh ologhi ọdi. Ọdi ạḅa ikpo ọnhu reemor ghan ịdipho ạnian.

Azaya 30:33

Mem dị meten ebia, uukolobian ni ekpisi dị aḍiboom ạnian kele ọdaam eelhe phọ Asiria. Esi phọ ẹkel kụ ẹtegh, kụ okpol egu ịpe ḍi aḍiphooghu Ọmoogh-we phọ kẹkpooniom nịan.

Azaya 33:14

Abuḍighinom ịkaraph awe phọ ạZayon ropiigha ni rꞌaḍiigu. Bịdi ọḅem mọ, “Ọoruen Ẹnaan ạkigh nịan dị reemor ghan kꞌagee-pọ. Rꞌoniin katue ni akpetenaan nịan dị ẹrol ịdipho ḍụghum?”

Azaya 42:8

“Mị bịn kụ Ọmoogh-we Ẹnaan phọ anyina. Eru ílho dị kedian eegu ạmi. Mị kámeera ịkaaghineen ạrumugh edian ḍịseph ạmi.

Ẹmos 5:6

Ịki esi Ọmoogh-we phọ, nyina kẹmoogh ni ghuḍum. Eḍighi ịyaar dị nyịna ị́ki, ọdi kaakuom nịan we phọ Ịzirel. Ạnian phọ kele ni we phọ ạBetel, kụ oye ólho dị katue aḍime.

Nẹhum 1:2

Omuton Ọmoogh-we Ẹnaan phọ, ọnon dị aaleeny nyọdi ólho. Ọdi rạliom ghan bụdi úmeera mọ ọdi bịn kụ Ẹnaan. Esi ophin ologhi ọdi kụ ẹdi ọdi raḅulemian ghan bịdi.

Nẹhum 1:6

Mem dị ophin ologhi odianaan nyọdi, ạnhian kụ kakpetenaan? Ọdi raakuom ghan ophin ologhi ọdi mụdi anem ạnian; asighiigh eetughuḍian eten ophugh ghisigh ọdi.

Zẹfanaya 1:18

Ḍio dị Ọmoogh-we phọ aḍeenaan ọghagh ologhi ọdi, ghạlamo oomo asilva rꞌagol ạbidi bịn kẹ́pel bịdi. Ạnian ophin ologhi ọdi kele epiemi oomo ade phọ. Ekperenom bịn ọdi kakunughi tọrobo oye lọ odi sịen ade phọ.

Zẹfanaya 3:8

“Ikori kụ,” Ọmoogh-we phọ ạḅem, “Ikori ḍio phọ mị kaḅetenu bọ ọkpalham areelhe phọ. Mị mạnya ookpomoghi areelhe rꞌạramar kịrokiro, ọbo bịdi ologhoma ịdi ạnian ophin ologhi phọ ạmi ạrol. Oomo ade phọ kopiemiom nịan ophin ologhi ạmi.

Igbiighi 25:11

“ẠFinehas ọony phọ Ẹliazar ọony phọ Eeron oyil ạrikia phọ mạphoomi ọghagh ologhi phọ ạmi. Loor ịpe ạFinehas maḍighi bọ, mị kápiemi we phọ Ịzirel. Ịphen phọ ịghagh aani ni ologhi ọdi ịdipho rẹkagh bọ ologhi ạmi.

1 Bụo ạKorint 10:22

Yira rọwa ghan mọ Ọmoogh-we phọ ạghagh ologhi ḍụghum? Ẹkigh mụdi ịnyaam ayira kụ ipu ịlo ọdi ḍụghum?

Dutoronomi 29:20

Ọmoogh-we phọ oye phọ ọpo kạ́bilenaan. Ạghelhe phọ Ọmoogh-we phọ rꞌọghagh ologhi phọ ọdi kesoroghuom ni oye phọ ọpo, kụ oomo phọ itulughian phọ ịphen ọge bọ sịen ạḍinya phọ ạḍien esoroghuom oye phọ ọpo, kụ Ọmoogh-we phọ agbuurogh ḍien oye phọ ọpo ạsighe sịen aḅirini phọ.

Dutoronomi 32:16

Bịdi ọsighe ịnon ạrumugh oḍighinom ịdi ẹghagh ologhi Ọmoogh-we phọ, ọsighe sịḅaphanya oḍighinom ịdi ẹghagh ologhi ọdi.

Dutoronomi 5:9

Kákpuḍian ạngo ịyaar lọ ọka, ḅịle mꞌooseeny ọngo ịdi eḍighi bọ mị kụ Ọmoogh-we Ẹnaan phọ ạna. Mị Ẹnaan útiran aroḅopha. Mị kạliom ni bụlo ụlogh ịmi ḍien asiemi oghiil ạnmuny ạnmuny ạbidi dị omuneniom ịraar mụghumo inya.

Dutoronomi 6:15

ịdi eḍighi bọ Ọmoogh-we Ẹnaan phọ anyina edi bọ sịphe ogbo phọ anyina, Ẹnaan dị útiran aroḅopha; ọbo ọghagh ologhi phọ ọdi kisoroghuom ghan bọ inyina, bịn dị iphiemi ghan bọ inyina sịen aḅirini phọ.

Dutoronomi 9:3

Ilegheri ḍio phọ arodon mọ ọpo riḍiemiom bọ inyina ịdipho ạnian ọnuza, ọdi kụ Ọmoogh-we Ẹnaan phọ anyina. Ọdi kapiemi ni bịdi asooromi, bịdi ọtol eeḍian anyina; kụ nyina eporogh bịdi ọḍuaghu, kụ nyina eegborion epiemi bịdi, ịdipho Ọmoogh-we phọ iguanaan bọ inyina.

Bụo aHibru 12:29

ịdi eḍighi bọ Ẹnaan phọ ayira ạnian ẹpueghi.