Dutoronomi 4:22 - Ạḍinya Iigbia

²² Kụ mị kamugh sịen ade phọ ạḍien. Mị rạ́ḅeeny aani bọ Jọdan kaphun. Nyina kẹḅeeny Jọdan epun ẹki ẹmoogh ịma phọ ade phọ.

Dutoronomi 4:22 Iomraidhean Croise

Ẹmos 3:2

“Sịphe ogbo oomo areelhe phọ edi bọ sịen aḅirini phọ, nyina kụ awe dị mị malhegheri kụ ạḅile raako. Ịpe kụ iḍighi kụ ịkaraph phọ anyina elegheri bọ eḍigh ruugu, kụ ịdipho kụ ẹdi mị kạtuan bọ ịkaraph phọ anyina kụ ịlhiom inyina.”

Igbiighi 27:13

Kụ nạ rọmiin de phọ, bịn kọsighe nyịna ọḅophoghiom rꞌawe phọ ạna ẹpe ọmar iḍim, ịdipho ọsighe bọ Eeron umor phọ ạna,

Igbiighi 27:14

ịdi eḍighi bọ nyina ịmi ị́naghanam mem mọ ạmuphe awe phọ Ịzirel ọgbaragbara bọ ẹpe ẹdala phọ aZin, ịmi íseere dọl iigbia risigh ạbidi sịphe ạmuum mọ.” (Mụen phọ pọ ạmuum mọ ẹpe Meriba ẹpe Kades ẹpe ẹdala phọ aZin.)

Igbiighi 31:2

“Ịliom we phọ ạMidia loor ịpe bịdi oḍighi bọ we phọ Ịzirel. Nạ rọlhiom bịdi rọman nạ mamugh.”

Dutoronomi 1:37

Ọmoogh-we phọ ạtuan rụmhu anyina kụ ụghagham aani bọ ịmi kụ ạḅem bọ mọ mị kási ẹpe phọ.

Dutoronomi 3:25

Meera mị ụḅeeny ụki ụmiin aani ḍiiḅi ade phọ, ẹpe ẹḅeenyom mọ ạJodan, ịma aroogbolom mọ rꞌaruugum mọ ạLebanon.’

Dutoronomi 3:27

Sịiny ọkar ạnyu Eegum aPisga ạnmanaghian aphogh ekeeny, aphogh elhiom, aphogh risigh, aphogh ọman. Mạar anaan ịyaar lọ nạ ạmiin, ịdi eḍighi bọ nạ rạ́ḅeeny kaphun Jọdan phọ.

Dutoronomi 31:14

Kụ Ọmoogh-we phọ ạḅeni Mozis mọ, “Nạghan, asiḍughul-otu ạna mẹebeeph dị nạ kamugh. Mạgh Josua mọ tue. Ịki eḍeenaan loor anyina sịphe Ogbogo phọ mị ụlogh ologh ạngo nyọdi.” Kụ aMozis rꞌaJosua ọghi sịphe Ogbogo phọ oḍeenaan loor ạbidi.