Dutoronomi 4:20 - Ạḍinya Iigbia

²⁰ kụ nyina awe dị Ọmoogh-we phọ ạtagharan ẹpe Ijipt sịphe aḍiboom ạnian phọ reemor bọ. Ọdi imitiom inyina dị nyina eḍighi we ọdi, ịduon nyina edi bọ rodon.

Dutoronomi 4:20 Iomraidhean Croise

1 Ạbudaam 8:51

loor esi dị bịdi phọ awe phọ ạna rꞌẹmoogh ạna, bụphe nạ ạsighe bọ ẹpe eelhe phọ Ijipt ạḍuanam ogbo ẹghologhol ooni ạnian phọ.

Ạsuor 135:4

Ọdi ạsaḅar Jẹkob oḍighi ọlo aloor ọdi, we phọ Ịzirel oḍighi ạbuo ọdi.

Ạsuor 28:9

Pẹl we phọ ạna, Ọmoogh-we, kụ ạseph bụphe oru bọ bụo kꞌạna. Ḍighi okoriom ạbidi ạḅile aphogh bịdi kꞌagee-pọ.

Ạsuor 33:12

Ạḍiseph rẹtolonaan ghan eelhe lọ Ọmoogh-we phọ kụ aru Ẹnaan ạbidi; ạḍiseph rẹtolonaan ghan bụphe ọdi ạsaḅar bọ ạmoogh.

Ẹḍua 1:13

Bụo Ijipt phọ orom we phọ Ịzirel odoghoḍi aruutu rꞌoḍighi iiḍighi iizo, kụ ọnma ighirigiir ọ́rol. Kụ oseere bịdi dọl ạrebene mọ ọzer ghan ọogha ọḅolom abiriki, kụ iloghi ạbidi ị́ḅaal loor ọdo kịrokiro ịikpara arukumuan dị ịghor ụ́min.

Ẹḍua 34:9

kụ ạḅem mọ, “Obo ụmoogh ịmi, eru mạar dị nạ ạmoogh ni ghụsan esi ạmi, mị rạaḅereghi ni nyịna, ụdaph ni iyoor ạghi aani. Ghạlamo awe phọ ạbuo ịgbagharan, sạr ụwilenaan igborion phọ rꞌạsipioghom mọ rꞌịkaraph phọ ayoor, kụ ụsighe iyoor mọ awe ạna.”

Ẹḍua 6:7

Mị kịsighe ni inyina awe phọ ạmi aloghoma kụ mị aḍighi Ẹnaan anyina, kụ nyina egbi olegheri mọ mị kụ Ẹnaan Ọmoogh-we phọ anyina, ọpo ịtagharan bọ inyina ạsighe esi ạdol ạrebene phọ ẹpe Ijipt.

Azaya 30:6

Ḍịen kụ adom Ẹnaan ịlo ịnam ade ịisaar ẹpe esoorom mọ: “Abutelhedom mọ urelhe ọḅeeny eelhe aḍuugh-aḍuugh, ekpisi dị ạnam-dịka ediighi, ekpisi dị ilhom ạrakaraph-ạraraar rꞌịpheepheeny asinonom edi ghan. Ịnam adool rꞌạsikamel ạbidi ịsaany ghan ruunmo dị ẹman ikpoki ọghiom eelhe dị kẹ́ngo bịdi rꞌẹnum ọloghonaan ạḍighaagh.

Azaya 48:10

Mị miphoghom ni inyina nịan ịminimiin, ịdipho ọḅile ghan bọ kụ roselemi silva ologhi ạnian. Kụ mị mạmiin mọ nyina ị́moogh ịyaar oḍighinom.

Jerimaya 11:4

Ịphen kụ ịyo phọ mị aghiran bọ rꞌạburude ạburude phọ ạbidi mem mọ mị ạsighe bọ bịdi amitiom ẹpe Ijipt, de phọ ạḍiphe ẹghigh bọ egu ạnian esi ạbidi. Mị ụḅeni bịdi mọ ụnaghanan ịmi ọḅile oḍighi tọrotoro ịyaar lọ mị mạto. Mị ụḅeni ni bịdi mọ eḍighi ịyaar lọ bịdi ọnaghanan, bịdi koḍighi ni weye ạmi ḅịle kẹn mị kaḍighi Ẹnaan ạbidi.

Dạniel 3:26

Esi ịduon phọ kụ ẹdi ạNebukadnezar ạghi esi dị etuman ọnhu-aḍibuo ooni ạnian phọ reemor bọ kụ ạmagh mọ, “Sạdrak! Mẹsak! Abed Nego! Butelhedom Ọkaraghi Egbogh Ẹnaan phọ, ipunughu!” Kụ bịdi ophunughu egina amem.

Bụo ạEfesos 1:11

Oomo ạraraar remite ghan ịdipho Ẹnaan ẹsighe bọ ịitughian phọ ọdi kụ ẹtooghiom bọ mọ emite ghan. Kụ ọdi mụsaḅar bọ iyira mọ oḍighi bụo ọno ọḅophoghan Kraist, ịdipho ọdi agbiighi bọ kꞌẹḅel emiighom mọ.

Bụo ạEfesos 1:18

Mị rạlom ghan mọ ọdi aghunyon iloghi phọ anyina ẹmiin ẹphalaḅaal phọ ọdi, ọbo nyina elegheri ọdo oḍuom ologhi phọ ọdi ạtu bọ kụ ịmagh bọ inyina, rꞌọdo eboom ẹelha ạḍiseph phọ ọdi aguanaan bọ we phọ ọdi,

Dutoronomi 14:2

loor esi dị nyina awe iigbia kꞌỌmoogh-we Ẹnaan phọ anyina. Ọmoogh-we phọ mịsaḅar inyina aḍighi we phọ ọdi sịphe ogbo oomo areelhe phọ ọdi bọ sịen aḅirini phọ.

Dutoronomi 26:18

Kụ Ọmoogh-we phọ mạḅem ịlo anyina rodon amitiom mọ nyina awe ọno, abin ọno, ịdipho dị iguanaan bọ inyina, nyina iiko ghan iilogh phọ ọdi.

Dutoronomi 32:9

Abin mụo Ọmoogh-we phọ, pọ awe phọ ọdi. ẠJekob kụ abin erua ẹlo ọdi.

Dutoronomi 7:6

ịdi eḍighi bọ nyina awe iigbia esi Ọmoogh-we Ẹnaan phọ anyina. Mị mịsaḅar inyina ạsighe esi oomo awe phọ ạbuen odi bọ sịen aḅirini phọ aḍighi kịro ọdo awe esi ọdi.

Dutoronomi 9:26

Kụ mị ạaḅereghi Ọmoogh-we phọ kụ ạḅeni mọ, ‘Ẹnaan oomo ịikpo, kápiemi we phọ ạna nạ ạmoogh bọ, bụphe nạ ạsighe bọ igbogh phọ ạna ạtagharanam, bụphe nạ ạsighe bọ ḍilhom ạḍighaagh ạḍuanam ẹpe Ijipt.

Dutoronomi 9:29

Kụ bịdi phọ awe ạna dị ạsaḅar ạmoogh, bụphe nạ ạsighe bọ igbogh ịikpo phọ ạna rꞌạḍighaagh iphelegbe phọ ạna nạ azin bọ aḍighi ịdi bịdi ọḍua.’

Tạitos 2:14

Ọdi ạsighe loor ọdi aḍighinom ịyaar aghuḍum ọtagharanam ayira esi oomo ịkaraph, rꞌowophom ayira ọḅaalami, mọ oḍighi bụo ọno bịn, ọmoogh oophugh oḍighinom ghan iiḅi iiḍighi.

1 Pita 2:9

Kụ nyina awe dị Ẹnaan mẹsaḅar, ariil ạrikia kꞌọdaam, ạbuo eelhe aruukuan, awe dị Ẹnaan kụ ẹmoogh, mọ ịkaaph emitiom iiḍighi ịiḍaany ọpo ịmagh bọ inyina ẹku ufiri phọ, kụ ịsighe bọ inyina ạlogh ẹku ạḍiikia ạḍiḅaal phọ ọdi.