Dutoronomi 4:2 - Ạḍinya Iigbia

² Kẹ́loghom rꞌịyaar sịphe ịpe mị ạto bọ rịḅeni inyina, kụ kémuton rꞌịyaar. Iiko ghan iilogh phọ ịpe Ọmoogh-we Ẹnaan phọ anyina ạlogh bọ, ịdipho mị ạlogh bọ ịḅeni inyina.

Dutoronomi 4:2 Iomraidhean Croise

Ạsuor 78:7

Ịduon phọ kẹn kụ ẹdi bịdi kọkpasi emooph ạbidi esi Ẹnaan bịn kóbula ịpe ọdi aḍighi bọ, omuton ọnaghanan ghan ịto phọ ọdi oomo amem.

Asidogh 30:6

Nạ aghophora mọ ọdi ạḅem ịyaar dị ọdi ụ́ḅem, ọdi kạlhiom ni nyịna kụ aḍeenaan mọ nạ oye ọkpe.”

Ọtughemia Phọ 12:13

Oomo ịphen phọ reru reten, eniin ịyaar bịn kụ ẹdi ọghaaph: lọgh eegu Ẹnaan kụ ạnaghanan ịtooghi phọ ọdi, loor esi dị ịphen phọ bịn kụ ẹdi ọtuan bọ kụ ọlhem oye.

Jerimaya 26:2

bịn Ọmoogh-we phọ ụḅeni ịmi mọ, “Mẹera sịphe ogiga Otu Ịiḅereghi phọ kụ agbeelom oomo ịpe mị ạto bọ ạḅeni nyịna mọ ḅẹni weye phọ ạbuphe ọḍua bọ rạmha phọ aJuda kụ oru ọoḅereghi ịsien phọ. Kámuton rꞌeniin ịyaar.

Matiu 5:18

Mị ạkar rịḅeni ghan inyina mọ, tụtu ạke phọ rꞌade phọ eten, rꞌeniin ekpo ịpe ọge bọ sịphe iilogh phọ képe, tụtu ẹteeny eekuna oomo ạraraar.

Matiu 5:43

“Nyina mẹnaghan ghan ni mọ gediidi ụḅeni ni we mọ ịpomoghian rịghiri anyina ẹlogh ḍien bụmulogh-ḍien anyina.

Bụo aGaletia 3:15

Bụo asiya, mị kạsighe ịdi yira rọmiin ghan ni kụ ạmaaniom. Mem dị ịyal awe momeeraam gbiririph kụ oghiran ịyo, oye ólho dị kạka ḅịle mꞌọloghom ịnon ịlo ọdi.

Dutoronomi 1:3

Ḍịḅel aḍio omuneniom ḍioph rꞌoniin ụnwanyu esi ạlha dị emuneniom inyadi dị bịdi ọḍua bọ Ijipt ḍịḅel aḍughul-otu aḍioph rꞌoniin ụnwanyu, kụ aMozis ạghaaph ạḅeni we Ịzirel ạtuugh oomo iilogh phọ Ọmoogh-we phọ adoghoḍi bọ kụ ạghaaph ạḅeni bịdi.

Dutoronomi 12:32

“Tọrobo ịpe mị ạlogh bọ ologh ịngo inyina, ịpamanam ghan ịpe phọ kụ ẹdaph ghan eḍighinom. Ị́sighe ghan ịnon ẹḅaram, ḅịle kẹn ípiemi ghan.

Dutoronomi 13:1

“Eru mạar dị nyina ẹmoogh sịphe ogbo phọ anyina oyil-aḍien mꞌọmalhaam rạmalha dị ramiteghom ghan reḍeenaan rꞌịiḍaany;

Dutoronomi 33:4

Yoor rooko ghan iilogh phọ aMozis ạlhogh bọ ụngo iyira, kụ ookpomoghan phọ ạJekob ạmoogh bọ.

Dutoronomi 4:14

Kụ Ọmoogh-we phọ ạto ụḅeni ịmi mọ mị ịtughemi inyina iilogh phọ rꞌịiruen phọ, ịdi nyina kẹsighe kụ ẹtolom ẹpe ade phọ nyina reḍigh bọ ọrol.

Dutoronomi 4:40

Kụ iḍighi, iiko ghan ịtooghi phọ ọdi rꞌiilogh phọ ọdi, ịpe mị ạlogh bọ ịngo inyina rodon, ọbo ịnighenom inyina rꞌạnmuny phọ anyina kọtol bọ dọl phọ anyina, ọbo asuḍughul-otu anyina ẹdoony sịen aḅirini phọ Ọmoogh-we Ẹnaan phọ anyina iseere bọ inyina kꞌagee-pọ.”

Dutoronomi 4:5

“Mị mịtughemi inyina iilogh phọ rꞌịiruen phọ ịpe Ọmoogh-we Ẹnaan phọ anyina ạlogh bọ ụḅeni ịmi mọ ịduon kụ ịdi nyina keḍighi ghan ẹpe ade phọ nyina rẹki bọ ọmoogh phọ.

Dutoronomi 5:29

Mụghumo ọphon kụ aru ologhi dị bịdi kọmoogh oomo amem, oghueni ạmi rꞌooko ghan oomo iilogh phọ ạmi, pọ kẹnighenaan ni bịdi rꞌạnmuny ạbidi kꞌagee-pọ.

Dutoronomi 5:32

“Igona siloor anyina, ẹtuugh ghan ịphen Ọmoogh-we Ẹnaan phọ anyina ạlogh bọ ologh ịngo inyina, kụ ẹtuugh eḍighi ghan. Íighiraan ghan esoman ḍịghaagh elhiom anyina mꞌạḍighaagh ekeeny anyina.

Josua 1:7

Kpạrami loor ạna, ạmoogh oḅiom. Gona loor ạdaph ghan oomo iilogh phọ ịpe aMozis otelhedom mọ ạmi ạlogh bọ ạngo nyịna kụ aḍighi ghan, úkitonu ghan ụ́ki ḍịghaagh elhiom mꞌạḍighaagh ekeeny, ọbo ẹnighenom nyịna tọrobo ekpisi lọ nạ rạki.

Josua 8:35

Ekpo ịyaar ísugha sịphe iilogh phọ aMozis ạlogh bọ dị aJosua ụ́bal ụ́ḅeni sịphe ookpomoghan awe phọ Ịzirel, lephiri, nmạriir, ịbam ạnmuny rꞌaruuruen phọ ạbuphe rꞌạbidi orughan bọ.