Dutoronomi 4:15 - Ạḍinya Iigbia

¹⁵ “Ḍio phọ ạḍiphe Ọmoogh-we phọ ạghaaph bọ ologhi ạnian phọ ịḅeni inyina ẹpe Eegum aSainai, nyina ị́miin rꞌịyaar. Kụ iḍighi, ịmaar ẹphama siloor anyina,

Dutoronomi 4:15 Iomraidhean Croise

1 Ạbudaam 19:12

Ade phọ rephiigha bọ reten, bịn ạnian esoor. Kụ Ọmoogh-we phọ ọ́rol sịphe ologhi ạnian phọ. Ạnian phọ reten, bịn ọony ẹyoghoyogh ẹḍogh eephola.

Ạsuor 119:9

Ika kụ onyugheel ọony aseere dọl ọdi ịdi ịyaar ọḍagha kẹ́tol? Esi ọnaghanan ghan ịtooghi phọ ạna.

Ẹḍua 19:1

Awe Ịzirel ụḍua ni Refidim, kụ ḍịḅel aḍio ụnwanyu dị amuneniom ịraar kꞌamem mọ bịdi ọḍua bọ ẹpe ade phọ Ijipt bịdi oru osi ẹdala phọ aSainai. Sịphe phọ bịdi odoghoḍi rugbogo zin Eegum aSainai.

Ẹḍua 20:4

“Kạ́kaanaan loor ạna ịyaar tọrobo ịlo ẹrol, ẹpe kꞌạke mꞌịsien ade phọ mꞌologhi ạrumuum mọ edi bọ eeḍian ude phọ.

Asidogh 4:23

Gona loor ịpe nạ rạatughian bọ; ịitughian ạna kụ keelemi ghuḍum ạna.

Asidogh 4:27

Bịleghi ịkaraph, arelhe onyen, kạ́piom eniin ẹda sịphe egey eten phọ.

Azaya 40:18

Ạnhian kụ ẹdi kọtomaam bọ Ẹnaan? Ika kụ ẹdi nạ kạkaaph bọ mọ ọdi ạtol?

Jerimaya 17:21

Ḅẹni bịdi mọ eḍighi ịyaar lọ bịdi ọphomoghian ni sighuḍum ạbidi, pọ bịdi kútool ghan dool ḍio ophooghian phọ, bịdi kútool ghan ịyaar úḍighom rụnhu-aḍibuo phọ aJeruselem,

Malakai 2:15

Ẹnaan kụ ẹḅar bọ loor phọ rꞌuwaloor phọ ạna ẹḅophoghiom rꞌọpo ạnir phọ ḍụghum? Ọdi ạtuan eeghe kụ aḍighi bọ ịduon phọ? Ọdi ạtuan ịdi nyina kẹmar nmụny dị ọkaraghi oḍighi weye Ẹnaan. Kụ iḍighi kụ ịmiin mọ oye kụ́tol dị úuko ịpe ọdi aguanaan bọ ạnir phọ ọdi.

Dutoronomi 10:4

Kụ Ọmoogh-we phọ ạḅile ạge ḍioph phọ iilogh phọ sịphe aloor asighiigh phọ ịdipho ịḅel phọ ịpe ọdi ạrol bọ ologhi ạnian phọ sịphe eegum mọ kụ ạghaaph bọ ịḅeni inyina ḍio phọ ạḍiphe nyina eekpomoghan bọ, ạsighe ụngo ịmi.

Dutoronomi 4:12

Ọmoogh-we phọ ạrol sịphe ologhi ạnian phọ, kụ ạghaaph ịḅeni inyina. Nyina ịnaghan ni ẹḍogh phọ ọdi, kụ nyọdi ị́miin. Ẹḍogh phọ bịn kụ ẹdi nyina ẹnaghan ghan.

Dutoronomi 4:14

Kụ Ọmoogh-we phọ ạto ụḅeni ịmi mọ mị ịtughemi inyina iilogh phọ rꞌịiruen phọ, ịdi nyina kẹsighe kụ ẹtolom ẹpe ade phọ nyina reḍigh bọ ọrol.

Dutoronomi 4:23

Igona siloor anyina ọbo nyina kebula ghan bọ ịyo phọ Ọmoogh-we Ẹnaan phọ anyina, ịpe ọdi rꞌanyina eghiran bọ,

Dutoronomi 4:36

Ạrol ẹpe ạnyu ạke kụ aḍighi ịdi nyina ẹnaghan ẹḍogh phọ ọdi; ịphur inyina rụru ịdi rọtol ghan, kụ iḍeenaan inyina ḍiboom mọ ạnian phọ sịen aḅirini phọ, kụ nyina ẹnaghan ẹḍogh phọ ọdi sịphe ologhi ạnian phọ.

Dutoronomi 4:9

Igona siloor anyina, ẹphama uwaloor anyina, ọbo nyina kebula ghan bọ rạraar phọ ịpe nyina ẹmiin bọ, ọbo kẹḍua ghan bọ iloghi anyina oomo asuḍughul-otu aghuḍum mọ anyina; ẹtughemi ịphen phọ nmụny phọ anyina rꞌạnmuny ạnmuny phọ anyina.

Dutoronomi 5:4

Ọmoogh-we phọ ạghaaph ni ịḅeni inyina risigh rꞌarisigh ẹpe eegum mọ, sịphe ologhi ạnian phọ.

Dutoronomi 5:8

“‘Kạ́kaanaan loor ạna ịyaar tọrobo ịlo ẹrol ẹpe kꞌạke mꞌịsien ade phọ mꞌologhi ạrumuum mọ edi bọ eeḍian ude phọ.

Dutoronomi 9:10

Kụ Ọmoogh-we phọ ụngo ịmi ịyal phọ ịdaabili asighiigh phọ ịpe ọdi ạsighe bọ ḍịghaagh ọdi kụ ạgeom. Ịsiphe asighiigh phọ kụ ịdi oomo ikpo ọnhu phọ ịpe ọdi ạghaaphan bọ rꞌanyina ẹpe ạnyu eegum mọ ologhi ạnian phọ, ḍio phọ ạḍiphe ookpomoghan phọ.

Bụo aHibru 1:3

Ọdi rạmuom ghan ḍịḅaal eegu phọ Ẹnaan. Ạroozo phọ ọdi bịn kụ ịkar ẹghigh ịpe Ẹnaan. Ọdi kụ ạsighe bọ ikpo ọnhu ịikpo phọ ọdi rạpamam ghan aḅirini phọ kạmeremi. Ọdi mawoph we phọ ạḅaalami, kụ mạrol ude ḍịghaagh elhiom mọ Ẹnaan Oomo Ịikpo phọ.

Josua 23:11

Kụ iḍighi, ịmaar ẹphama siloor anyina, ẹphomoghian Ọmoogh-we Ẹnaan phọ anyina.