Dutoronomi 4:13 - Ạḍinya Iigbia

¹³ Kụ odi agananami ịyo phọ ọdi ịḅeni inyina mọ iiko ghan ḍioph phọ iilogh phọ ịpe ọdi ạge bọ loor ịyal ịdaabili aḍighiigh.

Dutoronomi 4:13 Iomraidhean Croise

1 Ạbudaam 8:9

Ẹnon ịyaar ílho ologhi Igbe Ịyo phọ, omuton ịyal ikulha ạrana phọ ịpe aMozis ạlogh bọ ologhi ịsiphe phọ Eegum aSainai, ẹpe Ọmoogh-we phọ rꞌawe phọ Ịzirel oghiran bọ ịyo phọ mem mọ bịdi ọḍua bọ eelhe phọ Ijipt omite.

Ạsuor 119:4

Ọmoogh-we, nạ mụngo iyoor iilogh phọ ạna kụ ụḅeni iyoor mọ ọmaar ooko.

Ẹḍua 19:5

Nyịidipho eru mạar dị nyina kẹnaghanan ni ẹḍogh phọ ạmi, kụ eeko ịyo phọ ạmi, pọ nyina keḍighi ni we ạmi, ịdi eḍighi bọ mị ịsaḅar inyina esi oomo ạbueri phọ awe phọ ạsighe.

Ẹḍua 24:12

Ọmoogh-we phọ ạḅeni Mozis mọ, “Sịiny eegum mọ aru ụteeny ịmi. Mị kạngo nyịna ịyal asighiigh dị ọge oomo iilogh phọ kotomoghiom bọ weye phọ.”

Ẹḍua 31:18

Mem dị Ẹnaan mẹghaaphan bọ Mozis ẹmadan sịphe Eegum aSainai, ọdi ạngo ni nyọdi ịyal ịdaabili aḍighiigh phọ Ẹnaan rꞌaloor kụ ạge bọ iilogh phọ.

Ẹḍua 34:1

Ọmoogh-we phọ ạḅeni Mozis mọ, “Gboogbo ịyal ịdaabili aḍighiigh dị ẹghigh ịḅel phọ. Mị kạge sịphe phọ ikpo ọnhu phọ mị ạge bọ sịphe ịḅel ịpe nạ awunughi bọ.

Ẹḍua 34:28

AMozis ạrolan sịphe phọ rꞌỌmoogh-we phọ inyadi ootaany rꞌinyadi aḍughul, eḍien úle, mụum ụ́pughol. Ọdi ạge sịphe ịdaabili asighiigh phọ ikpo ọnhu aḍioph phọ iilogh phọ ịpe Ọmoogh-we phọ aghiran bọ ịyo phọ.

Bụo aRom 9:4

Bịdi kụ awe phọ Ẹnaan ẹsaḅar bọ. Ọdi aḍighi bịdi nmụny ọdi. Bịdi uphin aani ni bin eegu phọ ọdi. Ọdi rꞌạbidi ughiran ni ịyo. Ọdi ạngo ni bịdi Ologh phọ, aḍeenaan ịdi kooseeny ghan nyọdi. Bịdi mọmoogh ni rạraar phọ Ẹnaan eguanaan bọ.

2 Bụo ạKorint 3:7

Mem mọ rọngo bọ Ologh phọ ọkaaghi bọ loor iiḅoghoḍi asighiigh phọ, ạḍiḅaal eegu phọ Ẹnaan isoor ri. Ghạlamo ịdipho meḍim bọ ni remineen, bịn aghisigh phọ aMozis ạraphan ni ạphughan dị aweye phọ Ịzirel úmighirom upogh nyọdi ukiririom. Ịyo phọ rẹkom ghan bọ ḍuugh phọ keseere bịn ụsighe ni ḍịḅaal eegu dị eleeny ịdipho kụ oghirom,

Dutoronomi 4:12

Ọmoogh-we phọ ạrol sịphe ologhi ạnian phọ, kụ ạghaaph ịḅeni inyina. Nyina ịnaghan ni ẹḍogh phọ ọdi, kụ nyọdi ị́miin. Ẹḍogh phọ bịn kụ ẹdi nyina ẹnaghan ghan.

Dutoronomi 4:14

Kụ Ọmoogh-we phọ ạto ụḅeni ịmi mọ mị ịtughemi inyina iilogh phọ rꞌịiruen phọ, ịdi nyina kẹsighe kụ ẹtolom ẹpe ade phọ nyina reḍigh bọ ọrol.

Dutoronomi 5:22

“Ọmoogh-we phọ ạghaaph ikpo ọnhu phọ ịphen ạḅeni oomo phọ anyina ookpomoghan bọ sịphe eegum mọ, sịphe ologhi ạnian phọ ẹpe okuaḍio phọ, ologhi ọkikiph ufiri, rꞌeboom ẹḍogh; kụ ọ́ḅaram ịnon, kụ ạge ịphen phọ ạnyu ịyal ịdaabili asighiigh kụ ạsighe ụngo ịmi.

Bụo aHibru 9:4

kụ ịsien phọ kụ ẹdi ịdaabili agol phọ ọsu ghan bọ ịnsens phọ, ḅịle rꞌizoki agol phọ ọlogh bọ mạna phọ, ḅịle rꞌịkpara phọ Eeron mẹraarogh bọ ịizughum mọ, ḅịle rꞌigbe ịyo phọ ọsighe bọ gol kụ ooteneghiom ẹphen ạnyu phọ ẹrol ghan bọ. Ologhi Igbe Ịyo phọ, ịyal phọ iiḅoghoḍi asighiigh phọ ọge bọ ọnhu ịyo phọ kụ ịrol.