Dutoronomi 4:12 - Ạḍinya Iigbia

¹² Ọmoogh-we phọ ạrol sịphe ologhi ạnian phọ, kụ ạghaaph ịḅeni inyina. Nyina ịnaghan ni ẹḍogh phọ ọdi, kụ nyọdi ị́miin. Ẹḍogh phọ bịn kụ ẹdi nyina ẹnaghan ghan.

Dutoronomi 4:12 Iomraidhean Croise

Ẹḍua 19:9

Kụ Ọmoogh-we phọ ạḅeni Mozis mọ, “Mị kaḍigh ologhi ọkikiph ọotu kụ atu ạteeny nyịna, ọbo awe phọ ọnaghan mem lọ mị rꞌạna rẹkaaph, ẹrol dị bịdi omeeraam nyịna emiigh nyịidipho kụ ẹghiom ghisigh.” AMozis aḅulemi ịpe awe phọ ọghaaph bọ ạḅeni Ọmoogh-we phọ.

Ẹḍua 20:22

Ọmoogh-we phọ ạḅeni Mozis mọ, “Kạaph ịphen phọ ạḅeni we phọ Ịzirel mọ, ‘Nyina mẹmiin ni mọ mị odi ẹphen ạnyu ạke phọ, kụ nyina rꞌạmi rọkaaph ghan bọ.

Azaya 30:21

Eḍighi mạar dị nyina ephe eten phọ ẹghi elhiom mꞌekeeny, pọ nyina kẹnaghan ni ẹḍogh ọdi ọman anyina dị rẹḅem ghan mọ, “Ịsien kụ eten phọ. Ịdaph nyọdi.”

Azaya 40:18

Ạnhian kụ ẹdi kọtomaam bọ Ẹnaan? Ika kụ ẹdi nạ kạkaaph bọ mọ ọdi ạtol?

Azaya 40:3

Oye atu rạlooghi mọ, “Ịkoghoronaan eten ẹpe ẹdala phọ dị Ọmoogh-we phọ katelhe! Iselemi eten ẹpe ade ịisaar phọ dị Ẹnaan ayira katelhe!

Azaya 40:6

Oye atu rạlooghi mọ, “Igbeelom dom!” Mị apuru mọ, “Eeghe adom kụ ẹdi mị kagbeelom bọ?” “Gbeelom mọ oomo awe ọkigh rọogho; Aghuḍum ạbidi óbia opu kụo ạsifalaway ologhi eḍum.

Igbiighi 12:8

Ọdi rꞌạmi roosuan ghan ọnhu ọghaaph ayoor. Yoor rọ́moghomogho ghan ọghaaph, dị rạmiin ghan ni ḍimite phọ ạmi. Iḍighi ika kụ nyina íkiilaan bọ ọghaaph ịkaraph ịlo aMozis otelhedom mọ ạmi?”

Matiu 17:5

Ọdi odi rạkaaph ghan kụ ọotu dị rạmu asoorom bịdi aghoph, kụ ẹḍogh ẹḍua pạ ọotu phọ, kụ ẹḅem mọ, “Ọphon kụ ogina Ọony ạmi dị mị ạphomoghian, ọpo ạkar bọ ụḅeeraan ịmi iboom. Ịnaghanan nyọdi.”

Matiu 3:17

Kụ ẹḍogh ẹḍua ẹpe kꞌạke kụ ẹḅem mọ, “Ọphon kụ ogina Ọony phọ ạmi, ọpo ạkar bọ ụḅeeraan ịmi iboom.”

Matiu 3:3

Ọphon kụ ọdi Azaya oyil phọ Ẹnaan ạghaaph ghan bọ ịlo ọdi kụ ạḅem mọ, “Oye atu ni rạlooghi ẹpe ẹdala phọ mọ ‘Ọmoogh-we ratu. Iseleminaan eten phọ ọdi, esele yogh iloghi phọ anyina!’”

Dutoronomi 10:4

Kụ Ọmoogh-we phọ ạḅile ạge ḍioph phọ iilogh phọ sịphe aloor asighiigh phọ ịdipho ịḅel phọ ịpe ọdi ạrol bọ ologhi ạnian phọ sịphe eegum mọ kụ ạghaaph bọ ịḅeni inyina ḍio phọ ạḍiphe nyina eekpomoghan bọ, ạsighe ụngo ịmi.

Dutoronomi 4:11

“Ịḅeni nmụny anyina ịdi nyina ẹghi kụ ẹmeera esi dị etuman eegum dị ookpereghiom ọotu ạmughi dị awil rꞌasinem ạnian dị esi okuaḍio phọ.

Dutoronomi 4:13

Kụ odi agananami ịyo phọ ọdi ịḅeni inyina mọ iiko ghan ḍioph phọ iilogh phọ ịpe ọdi ạge bọ loor ịyal ịdaabili aḍighiigh.

Dutoronomi 4:15

“Ḍio phọ ạḍiphe Ọmoogh-we phọ ạghaaph bọ ologhi ạnian phọ ịḅeni inyina ẹpe Eegum aSainai, nyina ị́miin rꞌịyaar. Kụ iḍighi, ịmaar ẹphama siloor anyina,

Dutoronomi 4:33

Awe ịnon areelhe odi ni ḍụghum dị mọnaghan ghan ẹḍogh phọ Ẹnaan dị ẹrol ologhi ạnian kụ rẹḅa, ịdipho nyina ẹnaghan bọ kụ edi bọ?

Dutoronomi 4:36

Ạrol ẹpe ạnyu ạke kụ aḍighi ịdi nyina ẹnaghan ẹḍogh phọ ọdi; ịphur inyina rụru ịdi rọtol ghan, kụ iḍeenaan inyina ḍiboom mọ ạnian phọ sịen aḅirini phọ, kụ nyina ẹnaghan ẹḍogh phọ ọdi sịphe ologhi ạnian phọ.

Dutoronomi 5:22

“Ọmoogh-we phọ ạghaaph ikpo ọnhu phọ ịphen ạḅeni oomo phọ anyina ookpomoghan bọ sịphe eegum mọ, sịphe ologhi ạnian phọ ẹpe okuaḍio phọ, ologhi ọkikiph ufiri, rꞌeboom ẹḍogh; kụ ọ́ḅaram ịnon, kụ ạge ịphen phọ ạnyu ịyal ịdaabili asighiigh kụ ạsighe ụngo ịmi.

Dutoronomi 5:4

Ọmoogh-we phọ ạghaaph ni ịḅeni inyina risigh rꞌarisigh ẹpe eegum mọ, sịphe ologhi ạnian phọ.

Dutoronomi 9:10

Kụ Ọmoogh-we phọ ụngo ịmi ịyal phọ ịdaabili asighiigh phọ ịpe ọdi ạsighe bọ ḍịghaagh ọdi kụ ạgeom. Ịsiphe asighiigh phọ kụ ịdi oomo ikpo ọnhu phọ ịpe ọdi ạghaaphan bọ rꞌanyina ẹpe ạnyu eegum mọ ologhi ạnian phọ, ḍio phọ ạḍiphe ookpomoghan phọ.

Bụo ạKolosi 1:15

Oye ólho dị mạmiin ghan Ẹnaan ekpeḍien. AKraist phọ rọ́miin ghan bọ bịn kụ ạkpoghoronaan Ẹnaan ạmadan. Ọdi bịn kụ aḍeenaan we ịdi Ẹnaan ẹrol. Ọdi kụ Ọkpana dị ạrol li kụ ogbi bọ ọlhem aḅirini phọ.

Bụo aHibru 12:19

rꞌạḍiaḅa ọkuodu rꞌẹḍogh. Ẹḍogh phọ awe phọ ọnaghan bọ iḍighi ni ruugu dị bịdi ụ́wa mun ọḅile ọnaghan,