Dutoronomi 4:10 - Ạḍinya Iigbia

¹⁰ Ịitughenam ḍio phọ ạḍiphe nyina ẹmeera bọ egbodo Ọmoogh-we Ẹnaan phọ anyina ẹpe Eegum aSainai, mem mọ Ọmoogh-we phọ ụḅeni bọ ịmi mọ, ‘Uukpomoghinaan ịmi oomo awe phọ egina esi. Mị kaḍighi ịdi bịdi kọnaghan ịpe mị kạkaaph bọ, ọbo bịdi ọtuugha ịlo oghueni ạmi oomo asuḍughul-otu phọ ịpe bịdi kọtol bọ sịen aḅirini phọ, kụ ọtughemi nmụny ạbidi.’

Dutoronomi 4:10 Iomraidhean Croise

Emiighom 18:19

Mị mạsaḅar nyọdi. Ọdi kụ kạpur ri rụru ạnmuny ọdi rꞌọto kꞌọdi mọ bịdi ọdaph reten Ọmoogh-we phọ ọḅile ookuan oḍighi yogh ghan ịpe ẹnighe bọ, ọbo mị aḍighi Ebraham ịpe mị aguanaan bọ.”

Ạsuor 145:4

Koboom ni ịpe nạ maḍighi bọ ẹḍua oniin oghiil esi ọnon; bịdi kogbeelom ni iboom iiḍighi phọ ạna.

Ẹḍua 19:1

Awe Ịzirel ụḍua ni Refidim, kụ ḍịḅel aḍio ụnwanyu dị amuneniom ịraar kꞌamem mọ bịdi ọḍua bọ ẹpe ade phọ Ijipt bịdi oru osi ẹdala phọ aSainai. Sịphe phọ bịdi odoghoḍi rugbogo zin Eegum aSainai.

Ẹḍua 19:11

kụ ọrol okori ḍio phọ ạḍiphe kemuneniom bọ ịraar phọ, ịdi eḍighi bọ ḍio phọ ạḍiphe mị katu ni asoor sịphe ạnyu Eegum aSainai, esi dị oomo awe phọ kụmiin ịmi.

Ẹḍua 19:16

Ḍịroor aḍio phọ ạḍiphe emuneniom bọ ịraar aḍughul-otu phọ bịn ọomaany ạraphan; aḍio phọ ẹḅaaghi ẹmepheghian bịn ọkikiph ọotu aakpereghiom ạnyu eegum mọ, kụ ẹḍogh ọkuodu dị ẹghi ạnyu iboom ẹḅa, kụ oomo awe phọ odi bọ sịphe arugbogo phọ ophiigha rꞌaḍiigu.

Ẹḍua 19:9

Kụ Ọmoogh-we phọ ạḅeni Mozis mọ, “Mị kaḍigh ologhi ọkikiph ọotu kụ atu ạteeny nyịna, ọbo awe phọ ọnaghan mem lọ mị rꞌạna rẹkaaph, ẹrol dị bịdi omeeraam nyịna emiigh nyịidipho kụ ẹghiom ghisigh.” AMozis aḅulemi ịpe awe phọ ọghaaph bọ ạḅeni Ọmoogh-we phọ.

Ẹḍua 20:18

Mem dị bịdi ọnaghan bọ ọraphan aḍio phọ rꞌọkuodu phọ kụ ọmiin bọ mụghi phọ aakpereghiom bọ eegum mọ, rꞌọmepheghian phọ, oomo awe phọ uphiigha ni rꞌaḍiigu kụ ọmeregha kꞌekpisi dị ẹkel.

Ẹḍua 20:20

AMozis ạḅeni we phọ mọ, “Kékiilaan. Ẹnaan meru ọoḅeghion anyina ophogh ḅịle rꞌoḍighi ịdi nyina kẹnaghanan ghan nyọdi, ọbo nyina kẹpioghom ghan bọ.”

Ọtughemia Phọ 12:13

Oomo ịphen phọ reru reten, eniin ịyaar bịn kụ ẹdi ọghaaph: lọgh eegu Ẹnaan kụ ạnaghanan ịtooghi phọ ọdi, loor esi dị ịphen phọ bịn kụ ẹdi ọtuan bọ kụ ọlhem oye.

Azaya 38:19

Bụphe odi bọ kụ rooseeny nyịna ịduon mị raaseeny bọ nyịna. Ạburude rọḅeni ghan nmụny ạbidi ịdi nạ aḍighi oye aghuḍuul.

Elegh aLuk 1:50

ọdi rạnma ghan ni ighirigiir oomo ạbulo ọlogh nyọdi eegu, oghiil atum oghiil.

Dutoronomi 11:19

Kụ ẹsighe ghan ịphen phọ ẹtughemi nmụny anyina, ẹghaaph ghan ịphen phọ mem lọ nyina ẹrol ude sịphe aruutu phọ anyina, rꞌamem lọ nyina retelhe eten, rꞌamem lọ nyina ẹmina, rꞌamem lọ nyina eḅetenu.

Dutoronomi 12:1

“Ịphen kụ ịtooghi phọ rꞌịiruen phọ ịpe nyina kẹpamanam bọ kụ ẹdaph ghan eḍighi ẹpe ade phọ Ọmoogh-we Ẹnaan ạburude phọ anyina ịngo bọ inyina mọ ịmoogh, oomo asuḍughul-otu aghuḍum mọ anyina ịpe nyina kẹtol bọ sịen aḅirini phọ.

Dutoronomi 14:23

Kụ ẹrol sịphe egbodo Ọmoogh-we Ẹnaan phọ anyina kụ elhe, esi phọ ẹpe ọdi ạsaḅar bọ aseere ḍien phọ ọdi, muniin abin sịphe aḍioph phọ, mụo ịbiakpa, mụo avain, mụo ạmunum, rꞌabin ịḅel ạnmuny lọ ạsinam mọ anyina ẹmar, ịḅel ạnmuny phọ ịpe iyool-ịga phọ anyina ẹmar bọ. Ịtuugha oghueni ghan Ọmoogh-we Ẹnaan phọ anyina oomo amem.

Dutoronomi 17:19

Ạḍinya phọ ẹrolan ghan rꞌọdi, dị akori ghan ạal ghan oomo asuḍughul-otu aghuḍum mọ ọdi, ạtuugha oghueni Ọmoogh-we Ẹnaan phọ ọdi, aako ghan oomo iilogh rꞌịtooghi phọ ịphen, kụ ạtuugh ghan aḍighinom.

Dutoronomi 4:9

Igona siloor anyina, ẹphama uwaloor anyina, ọbo nyina kebula ghan bọ rạraar phọ ịpe nyina ẹmiin bọ, ọbo kẹḍua ghan bọ iloghi anyina oomo asuḍughul-otu aghuḍum mọ anyina; ẹtughemi ịphen phọ nmụny phọ anyina rꞌạnmuny ạnmuny phọ anyina.

Dutoronomi 5:2

Ẹpe Eegum aSainai, Ọmoogh-we Ẹnaan phọ ayira amitiom ịyo,

Dutoronomi 5:29

Mụghumo ọphon kụ aru ologhi dị bịdi kọmoogh oomo amem, oghueni ạmi rꞌooko ghan oomo iilogh phọ ạmi, pọ kẹnighenaan ni bịdi rꞌạnmuny ạbidi kꞌagee-pọ.

Dutoronomi 6:2

ọbo nyina ekori eghueni Ọmoogh-we Ẹnaan phọ anyina, eeko ghan ịtooghi phọ ọdi, rꞌiilogh phọ ọdi, ịphen mị ạlogh bọ rịḅeni inyina, nyina rꞌạnmuny anyina rꞌạnmuny ạnmuny anyina, oomo asuḍughul-otu aghuḍum mọ anyina, ọbo asuḍughul-otu phọ anyina ẹdoony.

Dutoronomi 6:7

Kụ emiigha loor ẹsighe ẹtughemi nmụny phọ anyina, kụ ẹghaaph ghan ịphen phọ mem lọ nạ ạrol ude sịphe kꞌạna, rꞌamem lọ nạ ratelhe eten, rꞌamem lọ nạ ạmina, rꞌamem lọ nạ aḅetenu.

Bụo aHibru 12:25

Igona ni loor, íkel ghan ọnaghanan ọpo rạkaaph ghan bọ. Bụphe ọḅitonaan bọ nyọpo ạrol bọ sịen ade phọ ạghaaph dom mọ Ẹnaan, ụ́ḍua wororoph. Ika nụun kụ ẹdi yira kokpetenaan bọ ghẹlhe, eḍighi ịyaar lọ yira ọḅitonaan nyọpo odi bọ kꞌạke kụ rạkaaph?

Ogonanami Phọ 19:5

Kụ ẹḍogh ẹḅem ghan sịphe ạgada ọdaam ẹmha phọ mọ, “Oomo ạbuo iiḍighi phọ ọdi rꞌoomo awe, bụbam rꞌabugbogh, lọ rọlogh ghan nyọdi eegu, iboom ni Ẹnaan phọ ayira.”

1 Sạmuel 12:24

Ịnaghanan ghan Ọmoogh-we phọ ekumu nyọdi agey rꞌoomo ologhi anyina. Ịitughian ghan igbogh ạraraar phọ ọdi miḍighinaan bọ inyina.