Dutoronomi 4:1 - Ạḍinya Iigbia

¹ Kụ aMozis ạḅeni we phọ Ịzirel mọ, “Nyịidipho iler rụru ẹnaghanan oomo iilogh phọ rꞌịiruen phọ ịpe mị ịtughemi bọ inyina, ịpe nyina keḍighi ghan bọ ọbo nyina ẹrol ẹghelom de phọ ạḍiphe Ọmoogh-we Ẹnaan ạburude phọ anyina rịngo bọ inyina.

Dutoronomi 4:1 Iomraidhean Croise

Ạsuor 105:45

ẹrol dị awe phọ ọdi ooko iilogh phọ ọdi kụ ọpamanam oomo ịto phọ ọdi. Iboom Ọmoogh-we phọ!

Ạsuor 119:4

Ọmoogh-we, nạ mụngo iyoor iilogh phọ ạna kụ ụḅeni iyoor mọ ọmaar ooko.

Ẹḍua 18:20

Tụghemi bịdi ịtooghi phọ rꞌiilogh phọ Ẹnaan, kụ ạgba aagbunion ạḅeni bịdi ịlo bịdi kọtol rꞌịlo ẹkpe oḍighi.

Jerimaya 11:6

Kụ Ọmoogh-we phọ agbi ọḅeni ạmi mọ, “Kịa ẹpe igbogh ạramha phọ aJuda rꞌẹpe aroḅodo phọ aJeruselem. Gbeelom dom mọ ạmi ẹpe phọ ạḅile ạḅeni weye phọ mọ ọnaghan iilogh ịyo phọ ọḅile ọdaphan.

Izikiel 11:20

Pọ kụ amem dị bịdi kooko iilogh phọ ạmi, ọḅile ọnaghanan oomo ịtooghi phọ ạmi rꞌoomo iloghi ạbidi. Bịdi koḍighi we ạmi, kụ mị aḍighi Ẹnaan ạbidi.

Izikiel 20:11

Mị ạngo bịdi ịtooghi ạmi kụ ạtughemi bịdi iilogh phọ ạmi, ịpe ketuom bọ ghuḍum esi ạtorobo ọlo aako bịdi.

Izikiel 20:21

“Kụ ọlo oghiil phọ ọpo ạḅile kẹn ni ụupu ịmi. Bịdi ọka iilogh phọ ạmi kụ úuko ịtooghi phọ ạmi, ịpe ketuom bọ ghuḍum esi ạtorobo ọlo aako bịdi. Bịdi ọopu ḍio ophooghian phọ. Mị uukolobian ni ịlo omeera bịdi kologhoma ịikpo ọghagh ologhi phọ ạmi ẹpe ologhi ẹdala phọ kụ ọze oomo ạbidi.

Izikiel 36:27

Mị kạlogh uwaloor ạmi loor anyina kụ mị ạmiin mọ nyina ẹdaph ni iilogh phọ ạmi ẹḅile eeko ịto phọ mị mịngo bọ inyina.

Izikiel 37:24

Ọdaam dị kạkigh Devid otelhedom mọ ạmi kụ kaḍighi ọdaam ạbidi. Bịdi kọmoogh mụḅoph rꞌoniin oye dị ạda kụ ọnaghanan iilogh phọ ạmi agey.

Lịvitikos 18:5

Kụ iḍighi, ịtuugh iilogh phọ ạmi rꞌịtooghi phọ ạmi eeko ghan. Oye lọ ạtuugh ịphen phọ kụ ạdaph kạpel li ghuḍum ọdi. Mị kụ Ọmoogh-we phọ.”

Lịvitikos 19:19

“Kooko ghan iilogh phọ ạmi. Úmeera ghan ẹnam otu phọ ạna ẹdaar ẹnon ọdo ẹnam. Úḅeph ghan ịyal ạkiro ọdo ịizupha sịphe oniin phọ ozo phọ ạna; ḅịle kẹn ụ́kpologhian ghan ạsuoma ạko kịrokiro.

Lịvitikos 20:8

Iiko ghan iilogh phọ ạmi ẹdaph ghan kụ eḍighi. Mị kụ Ọmoogh-we phọ iseere bọ inyina dọl aghuḍuul phọ.”

Lịvitikos 22:31

Kụ iḍighi, iiko ghan iilogh phọ ạmi, ẹdaph ghan kụ eḍighinom. Mị kụ Ọmoogh-we phọ.

Matiu 28:20

ẹtughemi bịdi ooko oomo ạraraar phọ mị ạto bọ ịḅeni inyina. Kụ ilegheri mọ mị odianaan ni rꞌanyina, ḍio etum ḍio tụtu ẹteeny eekuna aḅirini phọ.”

Elegh aLuk 1:6

Ịyal phọ ạbidi ụmoogh ni eeḅi ẹzo ghisigh Ẹnaan ooko ghan iilogh Ọmoogh-we phọ ọman.

Elegh ạJon 15:14

Nyina kụ ạrighiri phọ ạmi, eḍighi ịyaar dị nyina eḍighi ghan ịlo mị ạto ịḅeni inyina.

Bụo aRom 10:5

Ịphen kụ ịdi aMozis ạge ịlo ooko ghan Ologh phọ kụ Ẹnaan kegbi ọsighe mọ ọphon oye aruukuan ni: “Oye lọ aako ghan Ologh phọ, Ologh phọ kaḍighi ni ịdi ọdi kạmoogh ghuḍum.”

Dutoronomi 1:3

Ḍịḅel aḍio omuneniom ḍioph rꞌoniin ụnwanyu esi ạlha dị emuneniom inyadi dị bịdi ọḍua bọ Ijipt ḍịḅel aḍughul-otu aḍioph rꞌoniin ụnwanyu, kụ aMozis ạghaaph ạḅeni we Ịzirel ạtuugh oomo iilogh phọ Ọmoogh-we phọ adoghoḍi bọ kụ ạghaaph ạḅeni bịdi.

Dutoronomi 1:8

Ipogh. Mị miseenaan inyina oomo ade phọ ạḍiphe edi bọ risigh anyina; ịki ẹmoogh de phọ ạḍiphe Ọmoogh-we phọ aghunya bọ ạngo bụrude phọ anyina, Ebraham, Ạizik rꞌạJekob, rꞌạnmuny phọ ạbidi.’”

Dutoronomi 11:1

“Kụ iḍighi, ịpomoghian Ọmoogh-we Ẹnaan phọ anyina, eeko ghan ịpe ọdi ịḅeni bọ inyina, ịtooghi phọ ọdi, ịiruen phọ ọdi, rꞌiilogh phọ ọdi, oomo amem.

Dutoronomi 11:32

Egona ghan siloor anyina, eḍighi ghan oomo ịtooghi phọ rꞌịiruen phọ ọdi ịpe mị rịḅeni bọ inyina rodon.

Dutoronomi 13:1

“Eru mạar dị nyina ẹmoogh sịphe ogbo phọ anyina oyil-aḍien mꞌọmalhaam rạmalha dị ramiteghom ghan reḍeenaan rꞌịiḍaany;

Dutoronomi 16:20

Ịdaph ghan oomo ịpe eru bọ riliom ịiruen phọ bịn, ọbo ẹrol eḍum ẹmoogh de phọ ạḍiphe Ọmoogh-we Ẹnaan phọ anyina rịngo bọ inyina.

Dutoronomi 30:16

Mị ụtuan ịphen phọ kụ ạlogh bọ iilogh phọ ịngo inyina ḍio phọ aḍien arodon phọ mọ ịpomoghian Ọmoogh-we Ẹnaan phọ anyina, ẹdaph ghan reten phọ ọdi kụ erelhe ghan, eeko ghan iilogh phọ, ịtooghi phọ, rꞌịiruen phọ ọdi, ọbo nyina ẹrol ẹmaraghian, ọbo Ọmoogh-we Ẹnaan phọ anyina ịseph inyina ẹpe ade phọ nyina rekeel bọ ọmoogh.

Dutoronomi 30:19

Mị ạmagh kẹ phọ rꞌade phọ mọ oḍighi bụdi kọgba ịphen mị rịḅeni bọ inyina rodon. Mị miseenaan inyina ghuḍum rꞌaḍuugh, ḍịseph rꞌitulughian. Kụ iḍighi, ịsaḅar ghuḍum mọ ạkuphe nyina rꞌạnmuny phọ anyina keḍum bọ.

Dutoronomi 30:20

Ịpomoghian Ọmoogh-we Ẹnaan phọ anyina, ẹnaghanan ghan ẹḍogh phọ ọdi, eḍighom nyọdi, ịdi eḍigh bọ dị kụ aghuḍum mọ anyina rꞌạḍikpo phọ anyina, ọbo erugh sịphe ade phọ ạḍiphe Ọmoogh-we phọ aghunya bọ ạngo bụrude phọ anyina Ebraham, Ạizik rꞌạJekob ọngo ạbidi.”

Dutoronomi 4:40

Kụ iḍighi, iiko ghan ịtooghi phọ ọdi rꞌiilogh phọ ọdi, ịpe mị ạlogh bọ ịngo inyina rodon, ọbo ịnighenom inyina rꞌạnmuny phọ anyina kọtol bọ dọl phọ anyina, ọbo asuḍughul-otu anyina ẹdoony sịen aḅirini phọ Ọmoogh-we Ẹnaan phọ anyina iseere bọ inyina kꞌagee-pọ.”

Dutoronomi 4:45

Iḍighi mem mọ bịdi mọḍua bọ ẹpe Ijipt kụ mosi ạga emitenom ạJodan ẹpe ekpululu bọ ọtol ropogh Bẹt Pior, kụ ọdi ạngo bọ bịdi iilogh phọ ịphen. Ịsien phọ iḍighi ghan eelhe phọ aSihon ọdaam mọ Ạmorait ọpo arugh bọ ẹpe Hesbon. AMozis rꞌawe Ịzirel ụkpar bọ opu nyọdi mem dị bịdi mọḍua ẹpe Ijipt.

Dutoronomi 4:8

Ẹnon eelhe ílho, ịlo ẹbugh ẹbugh, dị ẹmoogh iilogh dị ẹnighe ịdipho ịphen mị mịtughemi bọ inyina rodon.

Dutoronomi 5:1

AMozis ạmagh oomo phọ Ịzirel aakpomoghi, kụ ạḅeni bịdi mọ, “Weye Ịzirel, ịnaghan ịtooghi phọ rꞌịiruen phọ ịpe mị ạghaaph bọ rịḅeni inyina rodon, ọbo nyina ẹmaar eeko, ẹtuugh ẹdaph eḍighi.

Dutoronomi 5:33

Ịdaph ghan oomo areten phọ ịpe Ọmoogh-we Ẹnaan phọ anyina mạto bọ ịngo inyina kụ erelhe ghan, ọbo ịnighenom inyina, ẹrol ebia sịphe ade phọ nyina rẹki bọ oḍigh phọ.

Dutoronomi 6:1

“Ịphen kụ iilogh phọ, ịtooghi phọ rꞌịiruen phọ ịpe Ọmoogh-we Ẹnaan phọ anyina ạlogh bọ ụngo ịmi mọ mị ịtughemi inyina, ẹdaph ghan kụ eḍighi ghan ẹpe ade phọ nyina reḍigh bọ ọrol,

Dutoronomi 6:24

Ọmoogh-we phọ ạlogh ologh ụngo iyira mọ yira ọdaph ghan oḍighi ghan oomo ịtooghi phọ ịphen, oghueni Ọmoogh-we Ẹnaan phọ ayira ọbo ịnighenom iyira oomo amem, ọbo ọdi ạpham ghuḍum mọ ayira ịduon idianaan bọ iyira rodon.

Dutoronomi 7:11

Ịmaar egona siloor anyina, ẹtuugh ghan ịpe iilogh phọ ẹḅem bọ kụ eḍighi ghan, ịtooghi phọ rꞌịiruen phọ ịpe mị ạlogh bọ ịḅeni inyina rodon.

Dutoronomi 8:1

“Oomo iilogh phọ ịphen mị ạlogh bọ rịngo inyina rodon, ịmaar ẹpham ẹdaph ghan eḍighi, ọbo ẹrol ẹmar emuzeḍi, ẹghi ẹsighe de phọ ạḍiphe Ọmoogh-we phọ aghunya bọ ạngo bụrude phọ anyina.

Dutoronomi 8:11

“Igona siloor anyina, íbula ghan Ọmoogh-we Ẹnaan phọ anyina. Iiko ghan iilogh phọ ọdi, rꞌịiruen phọ ọdi, rꞌịtooghi phọ ọdi, ịphen mị ạlogh bọ rịngo inyina rodon.

Dutoronomi 9:1

“Ịnaghan Ịzirel, rodon nyina kẹḅeeny Jọdan epun, ọghi ọmoogh areelhe dị ẹbugh ipu inyina, iboom ạramha dị ẹbugh kụ okoonyogh okitonom kụ epoph kꞌẹpe ạnyu.

Josua 3:9

Kụ aJosua ạḅeni we phọ mọ, “Iḍuraan ẹebeeph ẹnaghan ịphen Ọmoogh-we Ẹnaan phọ anyina rạkaaph bọ.