Dutoronomi 34:9 - Ạḍinya Iigbia

⁹ Kụ uwaloor olegheri ịyaar amuza loor aJosua ọony phọ ạNon, loor esi dị aMozis ạsighe rạghaagh ọdi ạḅam ẹmhu ọdi, kụ awe Ịzirel ọnaghanan ghan nyọdi, kụ oḍighi ghan ịpe Ọmoogh-we phọ ạlogh bọ ologh ạngo Mozis.

Dutoronomi 34:9 Iomraidhean Croise

1 Ạbudaam 3:12

Mịin. Nyịidipho mị mạtuugh ịpe nạ ạlhom bọ aḍighi. Mịin. Mị mạngo nyịna ologhi olhegheri ịyaar rꞌọnaghan ạḍughum, olegheri ghan ịlo ẹnighe rꞌịlo ị́nighe. Kụ ọnon ọlo kạghigh nyịna ólho, ḅịle kẹn ọnon oye dị kạsighe esi phọ ạna kụ kạtol ịduon nạ ạrol bọ ólho.

1 Ạbudaam 3:9

Ngọ otelhedom mọ ạna olhegheri ịyaar dị ọdi kạsighe apoghom ghan we phọ ạna aagbo ịiruen dị eeleeny. Mị úlegheri ọgbaranaan dị odi esi igey rꞌịkaraph. Ạnhian kụ katue bọ aagboonaan ḍita awe phọ ạna ạbuen ịiruen?”

2 Ạbudaam 2:15

Kụ ooghdi ariil phọ bụphe aJeriko ọmiin nyọdi kụ bịdi ọḅem mọ, “Uwaloor phọ Ilaija maḍigh loor Ilaisa.” Kụ bịdi ọghi ozuan nyọdi kụ ozumeri yogh risigh ạbidi esomanan Ilaisa.

2 Ạbudaam 2:9

Kụ bịdi rọḅeeny roten kụ Ilaija apuru Ilaisa mọ, “Ụḅeni ịmi ịyaar lọ mị kaḍighinaan nyịna kụ ogbi ọsighe ạmi esi ạna.” Kụ Ilaisa ạḅeni nyọdi mọ, “Seseeny, mị rạaḅereghi ni nyịna. Ḍighi ni ịdi ịyal ọdo uwaloor phọ ọpo odi bọ loor phọ ạna kaḍigh loor ạmi.”

1 Krọnikuls 29:23

Kụ ạSolomon ạsighe esi ọde phọ ọdi Devid sịphe ạgada ọdaam mọ ọpo Ọmoogh-we phọ kụ amitiom bọ. Ọdi aḍighi ni ọdaam dị aḍum, kụ oomo eelhe phọ Ịzirel ụnaghanan ni nyọdi.

Ẹḍua 12:28

Kụ awe phọ Ịzirel ọghi ọtuugh oḍighi ịdipho Ọmoogh-we phọ ạḅeni bọ Mozis rꞌEeron mọ oḍighi.

Ẹḍua 28:3

Mạgh oomo awe lọ mị mạsephom ẹmaar-iiḍighi ạḍighaagh ạḅeni bịdi okol ibura phọ Eeron, pịdi ọmeremi nyọdi aḍighi oyil ạrikia ạmi.

Ẹḍua 31:3

kụ mị mamuzeḍinaan nyọdi ịikpo phọ ạmi, ạḅile ạngo nyọdi olegheri-ịyaar, ẹmaar ḅịle rꞌepul oḍighinom ạtorotoro ọkal oḍighi —

Azaya 11:2

Uwaloor Ọmoogh-we phọ kạngo nyọdi olegheri-ịyaar, rꞌọnaghanan ạḍughum mọ rꞌịitughian ọphamam awe phọ ọdi. Ọdi kalegheri ịpe Ọmoogh-we phọ rạwa bọ kụ ạngo nyọdi eghuan,

Dạniel 6:3

ẠDaniel ạnuun ni aḍeenaan mọ ọno ạmaar oḍighi apu bụeri phọ ạbuphe rꞌọdi roḍighi ghan bọ ḅịle rꞌabupoghom mọ. Loor esi ọdi mamitiom ḍien, ọdaam mọ agbiighi ọdaami ọdi mọ aphogh oomo arere phọ ọdi.

Igbiighi 11:17

Mị kasoor sịphe phọ kụ ạḅaanaan nyịna, kụ mị ạsighiogh iniin aruwaloor phọ mị mạngo bọ nyịna adoghoḍi loor ạbidi. Kụ bịdi kọloghonaan nyịna ḍịghaagh ọpham awe phọ ạbuen, ọbo adool phọ kéḍighi mun ḍịo ogina ạna bịn.

Elegh ạJon 3:34

Ọpo Ẹnaan kụ erom bọ rạkaaph ghan ọghaaph phọ Ẹnaan, ịdi eḍighi bọ Ẹnaan ẹngo ni nyọdi Uwaloor phọ ọdi ẹbalabalami.

Iiḍighi 6:6

Kụ ọsighe bụen phọ ọmeremi risigh abutelhedom mọ, kụ bịdi ọoḅereghi kụ ọḅam rạghaagh rụmhu ạbidi.

Dutoronomi 34:8

Kụ awe Ịzirel ọrol sịphe ẹdala phọ ạMoab ịraardi aḍughul-otu omoghi Mozis, tụtu ariiḍio emoghi phọ rꞌọto phọ aMozis emunughan.

Bụo ạKolosi 2:3

AKraist kụ ịsabi phọ rekagharan ghan bọ riisi ịbooghian ẹeḍiom olegheri ịyaar rꞌọnaghan ạḍughum mọ.

1 Timoti 4:14

Kákel ghan ruunmo aruwaloor phọ ọngo bọ nyịna mem mọ ikumoor awe ạsiosi phọ ọtuan bọ ịmiin phọ ọmiinaan bọ nyịna kụ ọḅam bọ rạghaagh phọ ạbidi ẹmhu phọ ạna.

1 Timoti 5:22

Kạ́miin ghan oye bịn aagborion ạḅam rạghaagh ẹmhu, mọ aḍighi aani ghan oḍighi Ọmoogh-we phọ, ọbo kọsighe ghan bọ ịkaraph ạbunon awe ọḅam ẹmhu ạna. Mạar ri aako ghan loor phọ ạna.