Dutoronomi 34:3 - Ạḍinya Iigbia

³ rꞌẹpe ạḍighaagh esoorom mọ, ẹghi kꞌaḍiyaghaghaany ade phọ aJeriko, ẹmha asikol, esiemi Zoar.

Dutoronomi 34:3 Iomraidhean Croise

Emiighom 13:10

Kụ ạLot ạnmanaghian akoom kụ ạmiin mọ oomo ade phọ ạJodan kụ ẹdi ạmuum amuza, ẹkigh ịdipho oghoony phọ Iden rꞌịdipho eelhe phọ Ijipt, ẹpe esomanan aZoar. (Ịphen phọ memite kụ Ọmoogh-we phọ agbi bọ ophiemi ạramha phọ Sọdom rꞌaGomora.)

Emiighom 14:2

ụghi oruphiom ẹgham rꞌoogh ạbunon ạbudaam: Bera ọlo ạSodom rꞌaBirsa ọlo aGomora rꞌaSinab ọlo Adma rꞌaSemeber ọlo aZeboyim rꞌaBela, (oghol aani bọ mọ aZoar).

Emiighom 14:8

Kụ ạbudaam mọ ạSodom rꞌaGomora rꞌAdma rꞌaZeboyim rꞌaBela ọghi ookpomoghan ịlo ee ẹgham ẹpe Eḍiiny phọ aSidim,

Emiighom 19:22

Gboogborion. Kiil. Mị káḍighi ịyaar tụtu nạ asi ẹpe phọ.” Ḍien ẹmha phọ ẹpe ughol ghan mọ aZoar. Ẹmhu phọ, pọ ekom ni.

2 Krọnikuls 28:15

Kụ ọma inya phọ awe phọ mọ ọsighe rukpe sịphe ịpe owum bọ ọngo bụphe osiphi bọ. Bịdi ụngo ni bịdi rukpe rꞌarokoro oḍighinaan, ọngo bịdi eḍien olhe rꞌạmuum ọphughol, kụ ọsighe mụnum-ọliv ogbulogh riisi ạbidi. Bụphe odugh bọ iboom orelhe phọ ụsiinye rạman ịnam adool, kụ ọsighe oomo awe ikoli ẹgham mọ oḅulemi eelhe aJuda sịphe Jeriko, egbogh ẹmha areelhe. Kụ awe Ịzirel ogbi origheel ẹpe Sameria.

Igbiighi 34:3

amarugh ạḍighaagh esoorom mọ anyina kamiigh sịphe Ẹdala Ịisaar aZin ạki asiemi ẹpe ọku Idom; kụ ọku anyina ẹpe ạḍighaagh esoorom mọ, oomo ẹpe oogbom Ọphiiny-Ạla ẹpe erumuḍio phọ remite ghan bọ.

Bụo Ịiruen 1:16

Awe ạbuo ẹemara ọyogo aMozis ọnyo aKenait ụdaph ni we phọ aJuda, ọḍua Jeriko ẹmha areelhe phọ kụ ọghi osi ẹpe ẹdala phọ aJuda ẹpe edi bọ ẹpe esoorom Arad, kụ bịdi rꞌawe phọ orugh ẹpe.

Bụo Ịiruen 3:13

Ọdi aakpomoghi Amonait phọ rꞌẠmalekait phọ, kụ bịdi ọghi kụ ọkpar opu we phọ Ịzirel. Kụ bịdi ọsighe ọmoogh Jeriko, ẹmha areelhe phọ.