Dutoronomi 34:1 - Ạḍinya Iigbia

¹ AMozis ạḍua sịphe ẹdala phọ ạMoab, ạghi ạsiiny Eegum aNebo asi ạnyu Eegum aPisga, ọtol ropogh Jeriko, kụ Ọmoogh-we phọ aḍeenaan nyọdi oomo phọ ade phọ, ẹḍua Gịliad, ẹghi esi Dạn:

Dutoronomi 34:1 Iomraidhean Croise

Emiighom 13:14

Mem dị ạLot mạḍua, kụ Ọmoogh-we phọ ạḅeni Ebram mọ, “Emiigh sịen nạ odi bọ, mạar ạnmanaghian amiigha loor aphogh oomo ade phọ. Miigha loor aphogh oomo ạga phọ.

Emiighom 14:14

Mem dị Ebram ạnaghan bọ mọ bụo ẹgham mosiph ọony umor phọ ọno, ọdi aakpomoghi ni oomo awe ẹgham dị ọrol rꞌọdi, ịraar okuron rꞌiḍioph rꞌọphaanya awe, kụ ophorogh inya phọ ạbudaam mọ tụtu ọghi osi kꞌẹpe Dạn.

Izikiel 40:2

Esi uḍien kụ ẹdi Ẹnaan ịsighe ịmi ẹghimom Ịzirel kụ ịḅam ịmi ạnyu ẹeḅaraph dị ephoph. Mị ạmiin egbodo ạmi ḍita aruutu dị ẹghigh egbogh ẹmha.

Igbiighi 21:20

Ọḍua Bamot kụ ọghi ẹpe ade phọ eḍiinyaan bọ ẹpe eelhe ạMoabait phọ, ude Eegum aPisga dị ropogh de ịisaar phọ.

Igbiighi 23:14

Kụ ọdi ạpham nyọdi ạghi asiom ẹpe ozo phọ aZofim ẹpe ạnyu Eegum aPisga. Sịphe phọ kẹn ọdi ạkan oḍual arenmeny ạrikia, kụ ạsighe ḍiniin aḍilephiri ạnam rꞌoniin odughuna esi esi, aḍighinom rạraar aghuḍum.

Igbiighi 27:12

Ọmoogh-we phọ ạḅeni Mozis mọ, “Sịiny ạnyu Aruugum Abarim ạmiin de phọ mị rạngo bọ we phọ Ịzirel.

Dutoronomi 3:27

Sịiny ọkar ạnyu Eegum aPisga ạnmanaghian aphogh ekeeny, aphogh elhiom, aphogh risigh, aphogh ọman. Mạar anaan ịyaar lọ nạ ạmiin, ịdi eḍighi bọ nạ rạ́ḅeeny kaphun Jọdan phọ.

Dutoronomi 32:49

“Kịa ẹpe Aruugum Abarim sịphe ade phọ ạMoab ḍịeri ạḍighaagh dị rapogh Jeriko. Sịiny ạnyu Eegum aNebo kụ aphogh de phọ aKenan akananaam. Ḍịphe kụ ade phọ mị rạwa bọ ọngo awe phọ Ịzirel.

Dutoronomi 32:52

Loor esi ịphen phọ nạ kạtol li kꞌegher kụ ạmiin aani de phọ. Nạ káḍigh de phọ mị rạngo bọ we phọ Ịzirel.”

Dutoronomi 34:4

Kụ Ọmoogh-we phọ ạḅeni Mozis mọ, “Ḍịen phọ kụ ade phọ mị aghunya bọ ọngo Ebraham, Ạizik rꞌạJekob, kụ ạḅem bọ mọ mị kạngo ni nmụny ạbidi. Mị uḍighi ni ịdi nạ ạsighe riḍien ạna ạmiin, nạ kátenom sịen phọ ạki risigh.”

Josua 19:47

Ịdi eḍighi bọ eghun ạDan ụ́moogh ịikpo ịlo ọsighe ade phọ ạbidi ọmoogh, bịdi ụghi ozuom ẹgham we aLais, kụ ọsighe eḍume elhool ẹgham ọziom bịdi ọmadan, kụ ọsighe de phọ ạbidi ọmoogh kụ orughogh sịphe, kụ bịdi oghol Lais mọ ạDan, ọsighe ḍien ọde phọ ạbidi.

Josua 22:9

Eghun aRuben, eghun ạGad rꞌọphori phọ opol eghun ạManase ọgbatanaan we phọ Ịzirel sịphe Sailo ọḍua ẹpe ade phọ aKenan, ogheel ẹpe ẹmha ạGiliad bin ade ẹmoogh nyẹpe ạbidi, ọdaph ikpo ọnhu phọ ịpe Ọmoogh-we phọ ạḅeni bọ Mozis.

Ogonanami Phọ 21:10

Uwaloor phọ ụsiiny ni ịmi kụ ọokpaany phọ ụpheephom ịmi asiemi ạnyu eboom eegum. Ọdi ạma ni Jeruselem ẹmha iigbia phọ ẹḍua bọ kꞌẸnaan ẹpe kꞌạke resoor ude phọ uḍeenaan ịmi.

Bụo Ịiruen 18:29

Kụ bịdi onme ḍien ẹmha phọ aLais kụ ọḅile oghol mọ ạDan, ọdaph ḍien ạDan ọony phọ ạJekob ọde ọde phọ ạbidi.