Dutoronomi 33:3 - Ạḍinya Iigbia

³ Ọmoogh-we phọ ạpomoghian ni we phọ ọdi, kụ rạmaar kạpham bụphe oḍighi bọ bụo ọdi. Kụ yoor okpuḍian sịphe aruwol phọ ạna, kụ ọdaphan ịtooghi phọ ạna,

Dutoronomi 33:3 Iomraidhean Croise

Ạsuor 31:15

Amem mọ ạmi edi ḍịghaagh ạna. Ụphel ịmi ạsighe rạghaagh ạbumulogh-ḍien phọ ạmi, rꞌesi ạbuphe ruusophoghian bọ ịmi.

Ạsuor 47:4

Ọdi kụ ạsaḅar bọ de phọ ạḍien ạngo nmụny phọ ạJekob, ḍịphe bụphe ọdi ạphomoghian bọ roobagaam bọ.

Ạsuor 50:5

Kụ ạḅeni mọ, “Iikpomoghi we omeeraam mọ kꞌạmi, bụphe rꞌạmi oghiran bọ ịyo phọ sịphe rọpighiron ghan bọ ẹkia phọ.”

Asidogh 2:1

Mọony ạmi, tụugha ịlo mị ạtughemi nyịna, kụ kábula ịlo mị ạḅeni nyịna oḍighi.

Ọtughemia Phọ 9:1

Mị ụsighe mem ạkparami ạtuugha oomo ịphen phọ, ạmiin mọ Ẹnaan kụ rẹpamaghan ghan eḍighinom ạraraar awe, ghạlamo ẹphomoghian rꞌạḍikia ạbidi. Oye ólhegheri rꞌẹnum ịlo ạraraar dị edianaan nyọdi risigh.

Jerimaya 2:2

mọ gbeelom dom mọ aḍien ạḅeni tọrotoro oye lọ odi Jeruselem. “Mị ạatughian ni omeeraam dị nyina ẹmoogh ghan mem ẹghoroghor phọ anyina, ịpe nyina ịphomoghian bọ ịmi mem mọ pụruku yira ạalan bọ. Nyina ịdaph ni ịmi ẹpe ẹdala phọ, ẹpe ade phọ oye kőḅeph ghan bọ.

Jerimaya 31:3

mị ugananami ni loor ạmi esi ạbidi kꞌekpisi dị ẹkel. Weye Ịzirel, mị rịphomoghian ghan ni inyina. Ịduon kụ ẹdi mị riḍeenaan ghan ni inyina ẹphomoghian dị rébi ghan.

Jerimaya 32:40

Mị kakiran rꞌạbidi ịyo dị kẹtol kꞌagee-pọ. Mị kásophe oḍighinaan ghan ạbidi igey ạraraar, kụ mị aḍighi ịdi bịdi kughiilaan ghan ịmi rꞌoomo ologhi ạbidi, bịn bịdi kọ́ḍua mun loor ạmi.

Hosia 11:1

Ọmoogh-we phọ rạḅem ghan mọ, “Mem dị Ịzirel aḍighi ọbumoony, mị ụphomoghian nyọdi kụ ạmagh nyọdi ạsighe sịphe eelhe phọ Ijipt ịdipho ọony ạmi.

Malakai 1:2

Ọmoogh-we phọ rạḅeni ghan weye phọ ọdi mọ, “Mị ịphomoghian ni inyina.” Kụ ọlo bịdi ọpagharanaan mọ, “Ika kụ ẹdi nạ maḍeenaan ẹphomoghian phọ ạna esi ayoor?” Ọmoogh-we phọ ạpagharanaan mọ, “Ịso rꞌạJekob uḍighi ni bumor, kụ ọlo mị mạphomoghian Jẹkob rꞌẹemara ẹemara phọ ọdi,

Matiu 23:2

“Ạbutughemia iilogh phọ rꞌaFarisi phọ mọsighe dọl phọ aMozis rọtughemi ghan we iilogh phọ ọdi.

Elegh aLuk 10:39

Kụ umarani ọdi dị oghol mọ aMeri ạrol ude pạ aruwol Ọmoogh-we phọ ạnaghanan ghan ọghaaph phọ ọdi.

Elegh aLuk 2:46

Ịraar aḍughul-otu reten, kụ bịdi ọmiin nyọdi sịphe Otu Ịiḅereghi phọ dị ạrol ogbo ạbutughemia phọ rạnaghanan ghan bịdi kạḅile aapuru yogh sipuru.

Elegh aLuk 8:35

Kụ awe ọghi ọmiin aani ịpe emite bọ. Kụ bịdi ọghi ọteeny Jịzos, kụ ọmiin dị ịkaraph aruwaloor phọ memite loor uw-ẹlaal phọ ẹḍua. Ọdi masereghian amuuna ukpe ạtol ude sịphe aruwol phọ ạJizos, kụ eḍigh ruugu esi ạbidi.

Iiḍighi 22:3

“Mị ọlo aJu dị ọmar ẹpe Tạsos ọpo aSilisia kụ uukonom ịmi ẹphen Jeruselem kꞌạGamaliel. Uromoghiom ni ịmi iboom ịlo iilogh ạburude ạburude phọ ayira. Mị ụsighe ni ologhi ạmi ạḅam loor Ẹnaan, ịdipho oomo phọ anyina edi bọ sịen rodon.

Dutoronomi 14:2

loor esi dị nyina awe iigbia kꞌỌmoogh-we Ẹnaan phọ anyina. Ọmoogh-we phọ mịsaḅar inyina aḍighi we phọ ọdi sịphe ogbo oomo areelhe phọ ọdi bọ sịen aḅirini phọ.

Dutoronomi 4:37

Ịdi eḍighi bọ dị ạphomoghian bụrude phọ anyina, ạtuan ịdipho kụ ạsaḅar bọ nmụny phọ ạbidi, kụ ịsighe bọ inyina amitiom egbodo ọdi, kụ ạsighe igbogh ịikpo phọ ọdi ịsighenom bọ inyina ẹpe Ijipt.

Dutoronomi 6:1

“Ịphen kụ iilogh phọ, ịtooghi phọ rꞌịiruen phọ ịpe Ọmoogh-we Ẹnaan phọ anyina ạlogh bọ ụngo ịmi mọ mị ịtughemi inyina, ẹdaph ghan kụ eḍighi ghan ẹpe ade phọ nyina reḍigh bọ ọrol,

1 Bụo ạTesalonika 1:6

Nyina ịtuughaany ni iyoor rꞌỌmoogh-we phọ. Ghạlamo ịdipho nyina ẹmiinom bọ ni iboom, nyina ịsighe ni dom mọ rꞌọḅaal ologhi phọ ọpo ạḍua bọ esi Uwaloor Iigbia phọ kụ aru.

1 Pita 1:5

Ịphen phọ iseenaan ni inyina ạbuphe mọtuan bọ omeeraam mọ oḍigh ḍibuo ịikpo phọ Ẹnaan, kụ rokori ghan bọ pẹleeny phọ ọpo mookolobian bọ oseere ịlo ogananami ruukuna phọ.

1 Jọn 4:19

Yira rọpomoghian ghan ịdi eḍighi bọ Ẹnaan kụ ịphur ịphomoghian iyira.

1 Sạmuel 2:9

“Ọdi kụ raako ghan sighuḍum awe phọ omeeraam bọ nyọdi kụ ọlo ạbukaraph awe phọ kope ni esi ufiri; oye rạ́moogh ghan ọkpar opu rꞌịikpo ọdi bịn.