Dutoronomi 33:2 - Ạḍinya Iigbia

² Ọdi ạḅem: “Ọmoogh-we phọ ạḍua ẹpe Eegum aSainai kụ aru ụteeny iyira; eegu ọdi imite ịdipho erumuḍio ạḍiroor ẹmuom Idom, kụ ẹḍua Eegum ạParan esoorom we phọ ọdi. Ạsimuunir ạruukpaany ọrolan ni rꞌọdi, kụ ạnian dị reemor ẹrol ḍịghaagh elhiom ọdi.

Dutoronomi 33:2 Iomraidhean Croise

1 Ạbudaam 11:18

Kụ bịdi ọḍua ẹpe Mịdian ọghi osi Pạran, kụ bịdi ọsighe we ẹpe Pạran ọpham ọghi osiom Ijipt, osi kꞌọdaam eelhe phọ Ijipt. Ọdaam eelhe phọ ạngo nyọdi otu ạḅeni mọ ịngo nyọdi eḍien, ạḅile ạngo nyọdi de.

Ạsuor 50:2

Ẹnaan edi ẹpe Zạyon kụ rẹmu; ẹmha dị eseleman esi ẹnighe.

Ạsuor 68:17

Rꞌịbadi ạsimuunir igbogh arughuugh ẹgham mọ ọdi, Ọmoogh-we phọ ạḍua Sainai aru aḍigh esi iigbia phọ.

Ạsuor 68:18

Ọdi agheel riisi ạnyu kꞌạke, asiphi ịbadi awe ạḍuanam, ạanyi ruunmo rạghaagh awe ọḅaar ẹmhu. Ọmoogh-we Ẹnaan phọ kạtol li sịphe.

Ẹḍua 23:20

“Mị katom ni ọokpaany mọ aḍia ghan akori iiko inyina ịduon nyina rẹki bọ ạḅile ịsighe inyina asiemi sịphe mị maakolobian bọ.

Dạniel 4:13

“Mị odi rạatughian ghan uḍien phọ bịn mị ạmiin ọokpaany kꞌẸnaan dị ạḍua kꞌạke rasoor, aakolobian kụ ragon.

Hạbakuk 3:3

Ẹnaan mẹḅile ẹḍua ẹpe Idom retu; Ẹnaan aruukuan ẹḍua ẹpe aroogbolom mọ ạParan kụ retu. Eegu phọ ọdi eekpereghiom okuaḍio phọ kụ de phọ ạḍiseph ọdi kụ imuza.

Igbiighi 10:12

Kụ awe phọ Ịzirel ọḍua sịphe Ẹdala aSainai omiigh erelhe. Kụ rosi ẹpe ẹdala phọ ạParan kụ ọotu phọ azinian.

Iiḍighi 7:53

Nyina kụ ẹdi ạruukpaany phọ Ẹnaan eruomonaan bọ ni iilogh phọ. Nyina kụ ạar bọ ni, kụ íiko bọ.”

2 Bụo ạKorint 3:7

Mem mọ rọngo bọ Ologh phọ ọkaaghi bọ loor iiḅoghoḍi asighiigh phọ, ạḍiḅaal eegu phọ Ẹnaan isoor ri. Ghạlamo ịdipho meḍim bọ ni remineen, bịn aghisigh phọ aMozis ạraphan ni ạphughan dị aweye phọ Ịzirel úmighirom upogh nyọdi ukiririom. Ịyo phọ rẹkom ghan bọ ḍuugh phọ keseere bịn ụsighe ni ḍịḅaal eegu dị eleeny ịdipho kụ oghirom,

2 Bụo ạKorint 3:9

Ạḍiḅaal eegu ịyo phọ oghiran bọ kụ awe omuughu ghan bọ bịn ileeny ni ịdipho, kụ ẹghiom ologhi ḍịḅaal eegu ịyo phọ rẹsighe ghan bọ mọ ạbuen awe aruukuan ni.

Bụo aGaletia 3:10

Bụphe oghuraam bọ ooko ghan Ologh phọ odi dọl itulughian, ịdi eḍighi bọ ạḍinya iigbia phọ rẹḅem ghan mọ, “Tọrobo oye lọ ráako ghan oomo phọ ịpe ọge bọ sịphe ạḍinya Ologh phọ, odi dọl itulughian.”

Bụo aGaletia 3:19

Ụtuan ika kụ ọloghoḍi bọ Ologh phọ? Ụḅaram Ologh phọ, ọbo awe olegheri ịyaar dị ọpioman aru, kụ ụwa mọ ẹrol li tụtu ẹteeny mem mọ ọnyo ẹemara phọ Ebraham, ọpo aḍighi bọ ẹmhu oguan phọ, katu bọ. Ạruukpaany phọ Ẹnaan kụ ụḅogh bọ Ologh phọ ọlogh ḍịghaagh oye dị ạmeera enye ọsighe oruom awe.

Bụo aGaletia 4:24

Ọghaaph phọ ọphon raḍeenaan ghan mọ ịyal phọ ạnmariir phọ, pọ ịyal ịyo dị oghiran. Ọḅel ạnir phọ rạmaraghi bọ rẹbene-ạnmuny phọ, kụ ịyo phọ oghiran bọ ẹpe Eegum aSainai. AHegar kụ ạnir phọ ọphon phọ.

Dutoronomi 5:22

“Ọmoogh-we phọ ạghaaph ikpo ọnhu phọ ịphen ạḅeni oomo phọ anyina ookpomoghan bọ sịphe eegum mọ, sịphe ologhi ạnian phọ ẹpe okuaḍio phọ, ologhi ọkikiph ufiri, rꞌeboom ẹḍogh; kụ ọ́ḅaram ịnon, kụ ạge ịphen phọ ạnyu ịyal ịdaabili asighiigh kụ ạsighe ụngo ịmi.

2 Bụo ạTesalonika 1:7

rꞌọngo anyina phọ rẹmiinom bọ ophooghian, ḅịle rꞌayoor. Ọdi kaḍighi ịphen phọ mem mọ ạJizos Ọmoogh-we phọ kạḍua bọ ẹpe kꞌạke ạpam igbogh ạruukpaany phọ ọdi atumom.

Bụo aHibru 12:20

ịdi eḍighi bọ útue ụ́kparam ịpe ọto bọ ọḅeni bịdi mọ, “Ghạlamo rꞌẹnam bịn kụ etir eegum mọ, oroḅol ghan ni ikpo oghiigh!”

Bụo aHibru 2:2

Ịdipho ikpo ọnhu adom mọ ạruukpaany phọ Ẹnaan orelhe bọ ẹmoogh bọ ni ịnyaam dị oye lọ ụ́naghanan ụḅile ụdaph, ọliom ghan bọ ni ịdi ẹkasian,

Ạḍinya dị aJud ạge 1:14

Bụen phọ kẹn kụ ẹdi Ẹnok, ọpo amuneniom bọ oḍual oghiil phọ emiigh kꞌọrugh Ạdam, ạmiin bọ ni ịmiin ịlo ạbidi mọ, “Ịnaghan! Ọmoogh-we phọ kạpam ni sịmuunir ạruukpaany phọ ọdi atumom,

Ogonanami Phọ 5:11

Mị ụḅile ni aphogh kụ ạnaghan rọḍogh ạsimuunir arugu ạruukpaany Ẹnaan. Bịdi ụmeregha ni okoom ạgada ọdaam ẹmha phọ rꞌinya ạraraar phọ ẹmoogh bọ ḍiphooghu phọ rꞌikumoor awe phọ,