Dutoronomi 33:1 - Ạḍinya Iigbia

¹ Ḍịen kụ ạḍiseph phọ aMozis oye phọ Ẹnaan ạngo bọ we phọ Ịzirel, kụ agbi omugh.

Dutoronomi 33:1 Iomraidhean Croise

Emiighom 27:4

Kụ ạsaam eḍien phọ ẹpe rịḅeeraan ghan bọ ịmi, kụ ạsighe uruom. Mị role reten, mị kạngo nyịna ḍịseph kụ mị agbi omugh.”

Emiighom 49:1

ẠJekob ạmagh nmụny phọ ọdi kụ ạḅeni bịdi mọ, “Iikpomoghan ẹnaghan, mị kịḅeni inyina ịdi kimitenaan inyina mem dị retu.

Emiighom 49:28

Bụen phọ kụ aḍioph rꞌịyal arughunughun phọ Ịzirel, kụ ịphen kụ ịdi ọde phọ ạbidi ạḅaanaan tọrobo ọnyo ạbidi uwo ạḍiseph rꞌạḍiseph.

1 Ạbudaam 13:1

Oniin oyil loor ikpo ọnhu Ọmoogh-we phọ ạḍua ni ẹpe Juda ạghi asi Bẹtel. AJeroboam ọdaam mọ ạmeera sịphe enmeny ạrikia phọ rạsuughi ghan ịnsens.

1 Ạbudaam 13:6

Kụ ọdaam mọ ạphagharanaan kụ ạḅeni oye phọ Ẹnaan mọ, “Seseeny, ḍighi ịdi Ọmoogh-we Ẹnaan phọ ạna kụnma ịmi ighirigiir. Ughol ịmi ạaḅereghi ạḍighaagh phọ ạmi emoon ẹrol ịdipho ẹrol ghan bọ.” Kụ oyil ịmiin phọ ạmagh Ẹnaan, kụ ạḍighaagh ọdaam mọ emoon ẹrol ịdipho ẹrol ghan bọ.

1 Krọnikuls 23:14

Kụ ọlo ạnmuny aMozis, oye phọ Ẹnaan, kụ ẹdi ọloghom esi ạbuo aLivai phọ.)

2 Krọnikuls 8:14

Ọdaphan iilogh phọ aDevid ọde phọ ọdi adoghoḍi bọ, ọdi asereghi ni iiḍighi ariil ạrikia phọ rꞌạbuo aLivai ḍio ḍio ḍio dị ọloghonaan ghan ḍịghaagh riil ạrikia phọ ọmoor ghan ạsuor rꞌoḍighi ghan oḍighi ạbidi. Ọdi ạḅile ni asereghi bụo okori ghan Otu Ịiḅereghi phọ ẹkpigh rꞌẹkpigh oḍighi ghan oḍighi ạbidi ḍio ḍio ḍio tọrobo ọnhu-aḍibuo, ọdaphan ịto phọ aDevid, oye kꞌẸnaan phọ.

Ạsuor 90:1

Ọmoogh-we, oomo amem nạ maḍighi ghan marugh ayoor.

Jerimaya 35:4

kụ ạpham bịdi arumom Otu Ịiḅereghi phọ. Mị ạsighe bịdi aḍighom osoph abutelhedom oyil aHanan ọony Igdaliya. Osoph phọ ọphon ạrol risigh osoph aMaaseya ọony aSalum ọnyo oḍighi dị ạman mạar sịphe Otu Ịiḅereghi phọ, kụ atuman iisoph ạbueri phọ awe iiḍighi phọ,

Elegh ạJon 14:27

“Ẹepho kụ ẹdi mị riseenaan inyina, ẹepho phọ ẹpe ạmi kụ ẹdi mị rịngo inyina, kọ́do ẹepho phọ ẹpe aḅirini phọ rạngo ghan bọ. Kémeera mun iloghi phọ anyina ịiḅaghami inyina. Kékiil eepuph.

Elegh ạJon 16:33

Mị ụghaaph ịphen phọ ịḅeni inyina, pịdi nyina ịḅophoghan ịmi ẹmoogh ẹepho. Nyina kẹmiinom ni ịminimiin sịen aḅirini phọ, kụ ọlo ịkparami ni iloghi anyina. Mị mạkpar ri apu aḅirini phọ.”

1 Timoti 6:11

Kụ nạ phọ aḍighi bọ oye Ẹnaan, kel ghan oomo ạraraar phọ ịphen, wạ ghan ghụn ruukuan, rꞌolegheri Ẹnaan, rꞌomeeraam, rꞌẹphomoghian, rꞌọkparam, rꞌomiighe aloor.

2 Timoti 3:17

pịdi ẹzo oye phọ ọpo rakumu bọ kạngo Ẹnaan emunughan, dị ạḅile ạmoogh ịinya oḍighinom ạtorobo ooḅi oḍighi.

Josua 14:6

Awe phọ aJuda ọghi ọteeny Josua ẹpe Gịlgal, kụ ạKeleb ọony phọ aJefune ọlo aKenizait ạḅeni Josua mọ, “Nạ alegheri ni ịpe Ọmoogh-we phọ ạḅeni bọ Mozis oye phọ Ẹnaan ịlo ạmi rꞌạna ẹpe Kades Bania.

2 Pita 1:21

ịdi eḍighi bọ ọkal ịpe ogananami bọ dị ạḍua ịitughian awe kụ amite ólho. Uwaloor Iigbia phọ ghụn ni kụ ạsiiny ghan we mem mọ bịdi ọghaaph ghan bọ dom mọ Ẹnaan erom bọ.

Bụo Ịiruen 13:6

Kụ ạnir phọ ạghi ạḅeni olhom mọ ọdi mọ, “Oye kꞌẸnaan maru ụteeny ịmi, kụ aḍimite phọ ọdi ẹkigh ḍimite ọokpaany kꞌẸnaan, aḍigh ruugu. Kụ mị nyọdi úpuru mọ, ‘Nạ ạnhian?’ kụ ḍien ọdi óghola ụ́ḅeni ịmi.

1 Sạmuel 2:27

Oniin oye kꞌẸnaan ạghi ni ạteeny Ilai kụ ạḅeni mọ, “Ọmoogh-we phọ ạḅem ịduon mọ, ‘Mem mọ ọpo Eeron ogbogh ọde phọ ạna rꞌeghunotu phọ ọdi ọrol bọ dọl ạrebene ẹpe Ijipt, mị ugananami ni loor ạmi aḍeenaan Eeron.