Dutoronomi 32:9 - Ạḍinya Iigbia

⁹ Abin mụo Ọmoogh-we phọ, pọ awe phọ ọdi. ẠJekob kụ abin erua ẹlo ọdi.

Dutoronomi 32:9 Iomraidhean Croise

2 Sạmuel 14:16

Mị ụutughian ni mọ nạ kụnaghanan ni ịmi ạḅile ụphel ịmi ḍịghaagh oye phọ ọpo rạwa bọ oghiigh ọony phọ ạmi rꞌạmi bịn ụsighe iyoor sịen ade phọ Ẹnaan ẹngo bọ weye phọ ọdi.

2 Sạmuel 20:19

Ẹmha phọ ayoor egbogh ẹmha ni, eḍighi eniin ẹmha dị ẹepho edi. Eeghe kụ nạ rạwa bọ ophiemi ẹmha phọ ẹphen ẹsighe bọ dọl onhiin phọ sịen Ịzirel. Nạ ụtuan ika kụ rạwa bọ ọmin erua Ọmoogh-we phọ ịduon phọ?”

1 Ạbudaam 8:51

loor esi dị bịdi phọ awe phọ ạna rꞌẹmoogh ạna, bụphe nạ ạsighe bọ ẹpe eelhe phọ Ijipt ạḍuanam ogbo ẹghologhol ooni ạnian phọ.

1 Ạbudaam 8:53

Nạ mạgbatan ni bịdi ạsighe esi oomo awe ịsien aḅirini phọ, ạsighe aḍighi bụo ạna, ịdipho nạ ạghaaph bọ ạḅeni Mozis otelhedom mọ ạna mem mọ nạ Ogbogh Ọmoogh-we phọ ạsighe bọ bụrude phọ ayoor ạḍuanam ẹpe eelhe phọ Ijipt.”

Ạsuor 106:40

Kụ iḍighi kụ Ọmoogh-we phọ ạghagham ologhi we phọ ọdi; kụ ạḅitonaan bụphe ọdi ạloghomaam bọ.

Ạsuor 106:5

Mị ụmiin aani edughom awe eelhe phọ ạna, uḍighan bụphe oḍighi bọ bụo ạna ụmoogh aani ọḅaal ologhi.

Ạsuor 135:4

Ọdi ạsaḅar Jẹkob oḍighi ọlo aloor ọdi, we phọ Ịzirel oḍighi ạbuo ọdi.

Ạsuor 28:9

Pẹl we phọ ạna, Ọmoogh-we, kụ ạseph bụphe oru bọ bụo kꞌạna. Ḍighi okoriom ạbidi ạḅile aphogh bịdi kꞌagee-pọ.

Ạsuor 33:12

Ạḍiseph rẹtolonaan ghan eelhe lọ Ọmoogh-we phọ kụ aru Ẹnaan ạbidi; ạḍiseph rẹtolonaan ghan bụphe ọdi ạsaḅar bọ ạmoogh.

Ạsuor 74:2

Tụutughian bụphe nạ ạsaḅar bọ aseerian kꞌaḍiodiidi phọ, bụphe nạ amitiom bọ dọl ạrebene oḍighi awe phọ ạna. Tụutughian Eegum mọ ạZayon, esi phọ nạ mạrol ghan bọ ni mem.

Ạsuor 78:71

esi phọ ọdi aphogh ghan bọ ḍita iyool-ịga phọ kụ aḍighi nyọdi ọdaam Ịzirel, okoriom awe phọ Ẹnaan.

Ẹḍua 15:16

Eepuph rꞌokaphian oomiigh kụ odianaan bịdi. Loor ạḍighaagh iphelegbe phọ ạna, bịdi monaghagha yogh ịdipho asighiigh, tụtu awe phọ ạna bụphe nạ Ọmoogh-we phọ ạtagharan bọ dọl ạrebene phọ ogbiriph oten.

Ẹḍua 34:9

kụ ạḅem mọ, “Obo ụmoogh ịmi, eru mạar dị nạ ạmoogh ni ghụsan esi ạmi, mị rạaḅereghi ni nyịna, ụdaph ni iyoor ạghi aani. Ghạlamo awe phọ ạbuo ịgbagharan, sạr ụwilenaan igborion phọ rꞌạsipioghom mọ rꞌịkaraph phọ ayoor, kụ ụsighe iyoor mọ awe ạna.”

Azaya 19:25

Ọmoogh-we Oomo Ịikpo phọ kạseph ni bịdi kụ ạḅem mọ, “Mị kạseph ni nyịna Ijipt awe phọ ạmi rꞌạna Asiria ọpo mị ạlhem bọ, ḅịle rꞌạna Ịzirel we phọ ạmi mị ạsaḅar bọ.”

Azaya 34:17

Ọmoogh-we phọ kụ kadiemi bịdi de phọ kụ ạngo tọrobo ọnyo ạbidi bin. Bịdi kọtol sịphe oghiil atum oghiil, kụ eḍighi esi ạdol ạbidi kꞌagee-pọ.

Azaya 43:21

Bịdi kụ awe bụo ạmi dị mị ạlhem, kụ bịdi kọmoor ghan sụor oboomiom ạmi!”

Jerimaya 10:16

Ẹnaan phọ ạJekob ọ́ghigh bịdi; ọdi kụ ạlhem bọ oomo ạraraar phọ, kụ ọdi mạsaḅar Ịzirel mọ oḍighi weye ọdi. Ẹnaan Oomo Ịikpo Ọmoogh-we phọ kụ aḍien ọdi.

Jerimaya 2:7

Mị ụsighe bịdi asiemi ekpisi ade ẹnuum mọ bịdi ọghelom ibugha ekpisi phọ ḅịle rꞌịnon igey ạraraar ekpisi phọ. Kụ bịdi ụbile ghụn oogulemi de phọ ạmi; ọḅile ọopu eelhe phọ mị ạngo bọ bịdi.

Jerimaya 51:19

Ẹnaan phọ ạJekob ị́kigh ịdipho ạbidi; ọdi kụ ọpo ạlhem bọ oomo ạraraar, kụ ọdi mạsaḅar Ịzirel oḍighi ọkar awe ọdi. Ẹnaan Oomo Ịikpo Ọmoogh-we phọ kụ aḍien ọdi.

Maika 2:5

Kụ mem dị ẹteeny dị koḅulemi de phọ ọngo weye Ọmoogh-we phọ, abin kạ́tolonaan rꞌoniin ọnyo anyina.

Zẹkaraya 2:12

AJuda kạḅile kẹn ni aḍighi ẹmha phọ Ọmoogh-we phọ ạsaḅar bọ sịen ade iigbia phọ ọdi, kụ aJeruselem kaḍighi ni ẹmha phọ ọdi ạkar bọ ạphomoghian.

Bụo ạEfesos 1:18

Mị rạlom ghan mọ ọdi aghunyon iloghi phọ anyina ẹmiin ẹphalaḅaal phọ ọdi, ọbo nyina elegheri ọdo oḍuom ologhi phọ ọdi ạtu bọ kụ ịmagh bọ inyina, rꞌọdo eboom ẹelha ạḍiseph phọ ọdi aguanaan bọ we phọ ọdi,

Dutoronomi 9:29

Kụ bịdi phọ awe ạna dị ạsaḅar ạmoogh, bụphe nạ ạsighe bọ igbogh ịikpo phọ ạna rꞌạḍighaagh iphelegbe phọ ạna nạ azin bọ aḍighi ịdi bịdi ọḍua.’

Josua 24:17

Ọmoogh-we Ẹnaan phọ ayira, ọdi kụ ụsighe bọ iyira rꞌạburude phọ ayira ạḍuanam ẹpe ade phọ Ijipt ọḍua esi ạdol ạrebene phọ, ọpo amiteghom bọ iboom areḍeenaan phọ ịpe yira ọmiin bọ, ọpo ụrolonaan bọ iyira oomo erelhe phọ ayira, rꞌogbo esi oomo awe phọ ạbuphe yira oten bọ.

1 Sạmuel 10:1

ẠSamuel ạsighe izoki ạmunum-ọliv kụ ạsagharan ẹmhu ạSol, kụ ạkpun nyọdi kụ ạḅem mọ, “Ọmoogh-we phọ mạsagharan nyịna mụnum mọ ḍighi ọdaam awe phọ ọdi Ịzirel. Nạ kụ kạda we phọ ọdi ạḅile abianaan ịlo ẹpomoghian phọ ạbidi káḍighi bịdi ịyaar. Kụ ẹphen kụ eḍeenaan phọ nạ kalegheriom bọ mọ Ọmoogh-we phọ mạsaḅar nyịna mọ ḍighi ọdaam awe phọ ọno: