Dutoronomi 32:7 - Ạḍinya Iigbia

⁷ “Ịitughian ghan siḍughul-otu ịpe aḍiodiidi phọ, ẹetughian ghan sịa phọ meten bọ. Ipuru bụrude anyina ịḅeni inyina ịpe emite bọ; epuru ikumoor awe phọ anyina, bịdi kịḅeni ni inyina.

Dutoronomi 32:7 Iomraidhean Croise

Ạsuor 10:6

Ọdi rạḅem ghan pạ ologhi phọ ọdi mọ, “Dọl phọ ạmi ạḍien ịmi kụ́aar. Mị rꞌamem kạ́tol esi ịminimiin.”

Ạsuor 119:52

Mị ạatughian ịiruen phọ ạna ịlo amem dị mebia ni, kụ bịdi ịngo ịmi ịidereghi, Ọmoogh-we.

Ạsuor 44:1

Ẹnaan, yoor mọsighe ni reḅeri ayoor ạnaghanam — ạburude phọ ayoor mọghaaph ni ụḅeni iyoor — ịlo igbogh ạraraar phọ nạ aḍighi yogh bọ ḍiodiidi phọ mem mọ ạbidi,

Ạsuor 44:2

ịpe nạ rꞌaloor kụ aphorogh bọ amitiom bụo aruru phọ, kụ arughemi we phọ ạna sịphe ade phọ ạbidi; ịpe nạ ạlhiom bọ bụeri phọ areelhe phọ kụ aḍighi bọ ịdi bụo ạna oḍum ọrara.

Ạsuor 77:8

Ọdi mạwile ọphomoghian ayira ḍụghum? Oguanaan phọ ọdi ólho mun ḍụghum?

Ạsuor 78:5

Ọdi ạlogh iilogh ạngo we phọ Ịzirel kụ ạtooghi ạḅeni nmụny ạnmuny ạJekob. Ọdi aromoghiom bụrude ạburude ayira mọ ọtuugha iilogh phọ ọno ọḅeni nmụny ạbidi,

Ẹḍua 12:26

Mem lọ ạnmuny anyina ipuru inyina mọ, ‘Ụtuan ika kụ roḍighi ghan bọ ịphen phọ?’

Ẹḍua 13:14

Ḍio dị ọony ạna apuru nyịna mọ, ‘Ẹmhu ịphen phọ pọ ika?’ ḅẹni nyọdi mọ, ‘Esi ạḍighaagh iphelegbe phọ ọdi kụ ẹdi Ọmoogh-we phọ ụsighe bọ iyira amitiom ẹpe Ijipt, ẹpe ạdol ạrebene.

Azaya 46:9

Ịitughian ịpe emite bọ mem dị mebia; imeeraam mọ mị bịn kụ Ẹnaan kụ mọ ọnon ólho dị ụghigh ịmi.

Azaya 63:11

Pọ kụ amem dị bịdi ọotughian igbaany phọ, ọrugh phọ aMozis otelhedom Ọmoogh-we phọ, kụ bịdi opuru mọ, “Odi ẹghen nyịidipho Ọmoogh-we phọ, ọpo ạphel bọ buḍiemiom awe phọ ọdi ạsighe sịphe ọphiiny phọ? Odi ẹghen Ọmoogh-we phọ, ọpo ạngo bọ uwaloor phọ ọdi Mozis?

Dutoronomi 4:32

“Ịitughian eḅula ọman mem dị eten kụ ogbi ọmar anyina, emiigh kꞌaḍio phọ Ẹnaan ẹlhem bọ oye sịen aḅirini phọ. Iḅiligha oomo ade phọ, emiigh kꞌeekuna ẹphen ạke phọ ẹghi esiemi ẹpheri phọ eekuna phọ. Ịyaar dị ẹbugh ịduon memite ghan ni kꞌekulha?

Dutoronomi 8:2

Kụ ẹetughian ghan oomo areten phọ ịpe Ọmoogh-we Ẹnaan phọ anyina irelhiom bọ inyina inyadi ạsia phọ ẹpe ẹdala phọ, isooromi bọ inyina, ịdeghogh bọ inyina ophogh ọmiin ịpe edi bọ iloghi phọ anyina, mụghumo nyina reeko ni iilogh phọ ọdi, mụghumo nyina réeko.

Bụo Ịiruen 6:13

Kụ ạGidion ạḅeni nyọdi mọ, “Ọde-otu ạmi, eru mạar dị Ọmoogh-we phọ odi rꞌayoor, uḍighi ika kụ oomo phọ ịphen phọ risoroghuom bọ iyoor? Kụ oomo iiḍighi ịiḍaany phọ ọdi edi ẹghen, ịpe ạburude phọ ayoor ọghaaph bọ ụḅeni iyoor kụ rọḅem ghan bọ mọ Ọmoogh-we phọ kụ ụsighe bọ iyoor ẹpe Ijipt ạḍuanam? Kụ nyịidipho Ọmoogh-we phọ múmutonaan iyoor, ụḅogh iyoor ạngo Mịdianait phọ.”