Dutoronomi 32:6 - Ạḍinya Iigbia

⁶ Ịduon kụ ịdi nyina keḍighi Ọmoogh-we phọ, nyina ạbuo elologhi, we dị ologhi úsu? Ọdi kọ́de phọ anyina, ọpo ịlhem bọ inyina? Ọdi kụ iikpomoghi inyina aḍighi we eniin eelhe.

Dutoronomi 32:6 Iomraidhean Croise

2 Sạmuel 7:24

Kụ nạ aghononomi ạsighe Ịzirel ạloghoma ạsighe aḍighi weye ạna kꞌagee-pọ, kụ nạ Ọmoogh-we kụ Ẹnaan ạbidi.

Job 10:8

Ạraghaagh phọ ạna kụ ịlhem ịmi, kụ nyịidipho iniin phọ ạraghaagh phọ ạna miigulemi ịmi.

Ạsuor 100:3

Ilegheri mọ Ọmoogh-we phọ kụ Ẹnaan phọ ni. Ọdi kụ ụlhem bọ iyira. Yira awe ọdi, aḍita iyool-ịga dị ọdi rạngo ghan ịḅal.

Ạsuor 116:12

Eeghe kụ ẹdi mị kạngo Ọmoogh-we phọ ọkpiom oomo iiḅi phọ ọdi uḍighi bọ ịmi?

Ạsuor 149:2

Ịmoogh iboh, weye Ịzirel, loor ẹmhu Ọlemia phọ anyina; ịḅaal ologhi, weye ạZayon, loor ẹmhu ọdaam mọ anyina.

Ạsuor 74:18

Kịom ologhi, Ọmoogh-we, mọ ạbumulogh-ḍien phọ ạna rọmilogh ghan ni nyịna, mọ bịdi úlegheri Ẹnaan kụ momutonaan nyịna.

Ạsuor 74:2

Tụutughian bụphe nạ ạsaḅar bọ aseerian kꞌaḍiodiidi phọ, bụphe nạ amitiom bọ dọl ạrebene oḍighi awe phọ ạna. Tụutughian Eegum mọ ạZayon, esi phọ nạ mạrol ghan bọ ni mem.

Ạsuor 95:6

Itu okpuḍian ọoḅereghi nyọdi, okpuḍian egbodo Ọmoogh-we phọ ọpo ụlhem bọ iyira.

Ẹḍua 15:16

Eepuph rꞌokaphian oomiigh kụ odianaan bịdi. Loor ạḍighaagh iphelegbe phọ ạna, bịdi monaghagha yogh ịdipho asighiigh, tụtu awe phọ ạna bụphe nạ Ọmoogh-we phọ ạtagharan bọ dọl ạrebene phọ ogbiriph oten.

Ẹḍua 4:22

Ịduon kụ ịdi nạ kạḅeni bọ ọdaam eelhe phọ mọ, ‘Mị Ọmoogh-we phọ ạḅem ịduon mọ Ịzirel ọkpana ọony ạmi.

Azaya 1:2

Ọmoogh-we phọ ạḅem mọ, “De rꞌạke, iler rụru ẹnaghan ịphen mị rạḅem bọ! Ạnmuny phọ mị aakonom bọ mọgbagharan esi ạmi.

Azaya 27:11

Ịla ireeny phọ mẹgharaghar kụ eḅonyonu, kụ ạnmariir ọso eḍighi ịpe ạnian. Loor esi dị awe phọ ịyaar kőlhegheri bọ, Ẹnaan Ọlemia phọ ạbidi kạ́nma bịdi ighirigiir ḅịle kạ́seenyaan bịdi.

Azaya 43:1

We phọ Ịzirel, Ọmoogh-we phọ ịlhem bọ inyina rạḅem ghan mọ, “Kẹ́moogh oghiilaan — mị kịphel li inyina. Mị mạmagh ḍien anyina gai nyina ạbuo ạmi.

Azaya 43:7

Bịdi aweye ạmi, kụ mị ụlhem bịdi ọmooghom eegu.”

Azaya 44:2

Mị kụ Ọmoogh-we phọ ịlhem bọ inyina; kꞌamem mọ ịmar bọ inyina mị mịlhoghonaan inyina ḍịghaagh. Kẹ́moogh oghiilaan, nyina abutelhedom ạmi, we ạmi dị ọsaḅar dị mị ạphomoghian.

Azaya 63:16

Nạ kụ ọde ayoor. Ebraham rꞌạJekob ạburude phọ ayoor iyoor ụ́logh elegh, kụ nạ, Ọmoogh-we, kụ ọde ayoor, ọpo oomo amem rụtagharan ghan bọ iyoor.

Azaya 64:8

Kụ nạ kụ ọde ayoor, Ọmoogh-we. Yoor ọkigh ạḅay, kụ nạ ạkigh ọlemom aroko. Nạ kụ ụlhem iyoor.

Jerimaya 4:22

Ọmoogh-we phọ ạḅem mọ, “Awe phọ ạmi ịyaar úlegheri; bịdi ịmi úlegheri. Bịdi ọkigh ịbam ạnmuny dị ologhi úlho; bịdi ụ́moogh ọnaghan ạḍughum. Bịdi ọkaraghi ọmaar oḍighi ịkaraph, kụ ọlo oḍighi ịpe ẹnighe bọ ẹkparanaan ni bịdi.”

Jerimaya 5:21

Nyina awe dị iloghi ílho, ịnaghanan. Nyina ẹmoogh riḍien kụ rẹ́miin ghan eten; ẹḅile ẹmoogh reḅeri kụ rẹ́naghan ghan ịyaar.

Hosia 13:13

Mọngo ni Ịzirel eepoogh ọmoogh aghuḍum kụ úmeera ọsighe amem mọ — ịdipho ọony dị rạwa ọmar pụruku ómeera omite sịphe ọkuruḅaka phọ.

Malakai 1:6

Ọmoogh-we Oomo Ịikpo phọ rạḅeni ghan bụpinyon rịkia phọ mọ, “Ọony rạngo ghan ni rughuenian ọde ọdi, ḅịle kẹn otelhedom rạngo ghan ni rughuenian ọde-otu ọdi. Mị kụ ọde anyina — eeghe kụ iḍighi bọ kụ nyina ịmi eegu ị́logh bọ? Nyina mịḅitonaan ịmi, kụ pụruku nyina repuru ghan mọ, ‘Ika kụ ẹdi yoor ọḅitonaan bọ nyịna?’

Elegh ạJon 8:41

Nyina reḍighi ịpe ọde phọ anyina aḍighi ghan bọ.” Kụ bịdi mọ, “Ẹnaan bịn kụ ogina Ọde phọ ayoor. Ụ́gaanyogh burunhiin ayoor kụ ụmaraghi bọ iyoor.”

Iiḍighi 20:28

Igona loor anyina rꞌesi oomo aḍita phọ ạbuphe Uwaloor Iigbia phọ mạḅogh bọ ạlogh rạghaagh phọ anyina. Nyina abukoriom ạbuo ạsiosi phọ, Ọmoogh-we phọ ạsighe bọ ịḅaal phọ ọdi kụ aghoom.

Bụo aRom 8:15

Uwaloor phọ Ẹnaan ịngo bọ inyina kọ́lo oḍighi anyina rẹbene rꞌoghiilom eepuph, ọlo oḍighinom ghụn anyina nmụny ọdi. Ịikpo Uwaloor Iigbia phọ kụ ịdi yira rọmagham ghan bọ Ẹnaan mọ, “Ạba, Ọde.”

1 Bụo ạKorint 6:20

Igho ni inyina ḍiboom aḍighi. Ịsighe loor phọ anyina eghueniom Ẹnaan.

Bụo aGaletia 3:26

Mọtuan omeeraam oomo phọ anyina bịn nyina ẹḅophoghan rꞌạJizos Kraist eḍighi nmụny Ẹnaan.

Bụo aGaletia 4:6

Lọ nyina kelegheri mọ nyina ạnmuny phọ Ẹnaan ni, kụ ọdi arom bọ Uwaloor Ọony phọ ọdi, mọ aḍigh iloghi ayira ạlho ghan amitiom mọ, “Ạba, Ọde,”

Dutoronomi 1:31

Ịpe emite bọ ẹpe ẹdala phọ nyina ẹmiin aani bọ ni. Ịdipho oye raḅeton ghan bọ mọony ọdi kụ ịdi Ọmoogh-we phọ Ẹnaan phọ anyina iḅeton bọ inyina, ẹpe oomo areten phọ nyina erelhe bọ tụtu nyina eru bọ resi sịen.’

Dutoronomi 14:1

“Nyina ạnmuny Ọmoogh-we Ẹnaan phọ anyina. Mem lọ oye amugh, kégbua ghan rẹlem ịdipho ạbunon awe; kéekporonaan ghan rụmhu anyina rꞌiidum ariḍien anyina,

Dutoronomi 32:15

“AJesurun mạnuum ạpataghan, aruwol ekpulughan, tụ nạ maphoph ạmoogh ịnyaam, tụ nạ mạnuum, ẹnuum eekpereghiom nyịna. Ọdi maghel Ẹnaan phọ ẹpe ẹlhem bọ nyọdi, ạḅitonaan ḍighiigh phọ ạḍiphe ẹphel bọ nyọdi.

Dutoronomi 32:18

Nyina ị́logh mun elegh ḍighiigh phọ ạḍiphe ịmar bọ inyina. Nyina mewula Ẹnaan phọ ịlhem bọ inyina.

Dutoronomi 32:28

“Ịzirel eelhe dị ologhi úsu; eelhe dị rọ́naghan ghan ḍụghum.

2 Pita 2:1

Mem dị meten ariil ọkpe umite ni sịphe ogbo awe phọ. Kụ ịduon phọ kẹn kụ ịdi ạbutughemia ọkpe komite ni sịphe ogbo phọ anyina. Bịdi komian ni ọsighe ịtughemi amuphe ọloghom, kụ ọḅile ọparanaan Ọde-otu phọ ạphel bọ bịdi, bịn oḍighi dị ekperenom ạghelhe kameelom bịdi.

1 Jọn 3:1

Ịmiin eboom ẹphomoghian ịdi Ọde phọ ụphomoghian iyira. Ẹphomoghian phọ ọdi ẹbugh ni iboom dị mọtuan ughol iyira mọ ạnmuny Ẹnaan — kụ ịduon phọ ọkar igey ni. Aweye aḅirini phọ iyira úlegheri, ịdi eḍighi bọ bịdi Ẹnaan úlegheri.