Dutoronomi 32:5 - Ạḍinya Iigbia

⁵ Nyina ị́kpianaan mun oghol mọ awe ọdi loor esi ịkaraph phọ anyina, we oghiil dị úseleman.

Dutoronomi 32:5 Iomraidhean Croise

Emiighom 6:12

Ẹnaan ekiton ephogh kụ ẹmiin mọ aḅirini phọ mạphu. Oomo areten awe sịen aḅirini phọ mẹphu.

Ạsuor 78:8

Bịdi kọ́kigh bụrude ạburude ạbidi, we ọḅaar ẹmhu rꞌẹ́naghanan, we dị omeeraam mọ ạbidi esi Ẹnaan ụ́meera kikiki kụ úmeeraam nyọdi bịninin.

Ẹḍua 32:7

Ọmoogh-we phọ ạḅeni Mozis mọ, “Soor aḅula egina amem, ịdi eḍighi bọ awe phọ nạ ạsighe bọ ẹpe Ijipt amitenom mọpioghom kụ ughel ịmi.

Asidogh 8:8

Tọrobo ịlo mị ạghaaph kụ igey; ịyaar ílho dị eeph mụghumo areekeleghian.

Azaya 1:4

Moruule nyịna, nạ eelhe ịkaraph, nyina ịḅoria rꞌạbukaraph awe! Ịkaraph anyina ịghogh inyina ude! Nyina meghel Ọmoogh-we phọ, Oye Aghuḍuul phọ Ịzirel, kụ mẹgumom ọman anyina nyọdi.

Azaya 63:8

Ọmoogh-we phọ ạḅem mọ, “Bịdi awe ạmi; bịdi ịmi kúukeleghi.” Kụ iḍighi kụ ọdi ạphel bịdi ạsighe

Hosia 9:9

Bịdi úloghoma loor ịkaraph dị bịdi roḍighi, ịdipho amem mọ bịdi ọrol bọ ẹpe Gibia. Ẹnaan kẹetughian ni ịkaraph ạbidi kụ ẹliom bịdi.

Zẹfanaya 3:7

Mị ugbi mọ mem mọ ọpo phọ awe phọ ạmi kụlogh ni ịmi eegu kụ omeeraam mem lọ mị aalemi ọpioman ạbidi, ḅịle mọ bịdi kóbula ịtughemi lọ mị ạtughemi. Kụ íbia bịn bịdi mọḅile ọtol ịdipho ọrol bọ kꞌemiighom mọ.

Igbiighi 23:21

Mị ạnuun ni ạmiin mọ ịpe aghisigh phọ Ịzirel kétuom ẹkaraph elhor mꞌịiḅaghami Ọmoogh-we phọ Ẹnaan phọ ạbidi odianaan ni rꞌạbidi; Bịdi ogbeelom mọ ọdi kụ ọdaam ạbuno.

Matiu 16:4

Ọkaraph oghiil phọ ọphon Ẹnaan úlegheri bọ ropuru aani ghan ịiḍaany, kụ ịiḍaany dị kọngo bịdi ílho, emuton ịiḍaany phọ ẹpe aJona oyil phọ Ẹnaan.” Kụ ọdi ạwile bịdi ạḍua.

Matiu 17:17

Kụ ạJizos ạḅem mọ, “Sey, ọphon phọ, ọghen ọdo ọkaraph oghiil dị omeeraam ụ́moogh! Mịna rꞌanyina kọḅile ọtolan ika? Mị kạḅile ạkparam ika esi anyina? Ịsighe mọony phọ iruom.”

Matiu 3:7

Kụ mem dị ạJon ạmiin bọ ịbadi aFarisi rꞌaSadusi dị rotu mọ ọdi awur bụno mụum, ọdi ạḅeni ni bịdi mọ, “Nyina ọmar ạsiḅom. Ạnhian kụ iroma bọ inyina mọ nyina kekpetenaan ghẹlhe phọ ratu bọ?

Elegh aLuk 9:41

Kụ ạJizos ạphagharanaan mọ, “Sey, ọphon phọ ọghen ọdo ọkaraph oghiil dị omeeraam ụ́moogh? Mịna rꞌanyina kọḅile ọtolan ika nụun? Mị kạkparam ika esi anyina? Sịghe mọony phọ ạna uruom.”

Elegh ạJon 8:41

Nyina reḍighi ịpe ọde phọ anyina aḍighi ghan bọ.” Kụ bịdi mọ, “Ẹnaan bịn kụ ogina Ọde phọ ayoor. Ụ́gaanyogh burunhiin ayoor kụ ụmaraghi bọ iyoor.”

Iiḍighi 2:40

APita ạghaaph ni ịminighan ạraraar ịlo ọkparamiom kụ ạḅem mọ, “Ikpetenaan ghẹlhe phọ kạtolonaan bọ ọkaraph oghiil phọ ọphon.”

Iiḍighi 7:51

“Nyina aweye oḅom ẹmhu rꞌịikpara iloghi dị ḍụghum rẹ́naghan ghan. Nyina rebeeghi ghan rꞌUwaloor Iigbia phọ oomo amem, ịdipho ạburude ạburude phọ anyina.

2 Bụo ạKorint 11:3

Oḅio ạmi rakaph ni mụdi Eru keḍighi ni dị iloghi phọ anyina kẹpuphogh bịn nyina ẹbile ọkuom aloor phọ anyina Kraist ọmadan, ịdipho ẹkaraph-ịyaar phọ ẹsighe bọ iguegue phọ eekeleghiom Iiv.

Dutoronomi 31:29

Mị alegheri ni mọ mị romugh bịn nyina kẹpioghom ni ẹpuenaan siloor anyina, ekiton ẹgbatanaan eten phọ ẹphen mị ạlogh bọ ologh ịngo inyina. Nyina kẹpioghom ni ghisigh Ọmoogh-we phọ, kụ ẹkagh ologhi ọdi loor esi ịpe ạraghaagh phọ anyina reḍighi bọ, kụ ịminimiin isoroghuom inyina, suḍughul-otu phọ ịpe retu bọ.”

Dutoronomi 32:20

Kụ ọdi ạḅem mọ, ‘Mị kạbooghinaan bịdi risigh ạmi kụ mị ạmiin ịpe eekuna phọ ạbidi kẹtol bọ, ịdi eḍighi bọ bịdi oghiil ạsipioghom, ạnmuny dị ologhi úḍuom.

Dutoronomi 4:16

ọbo nyina kẹepuan ghan bọ siloor anyina, ẹkaaghi rụmugh lọ ẹghigh oye, mꞌolephiri ọony mꞌạnir-ephoph;

Dutoronomi 4:25

“Ghạlamo amem lọ nyina mẹrol sịphe ade phọ ebia kụ ẹmaraghi nmụny rꞌạnmuny ạnmuny, kẹ́epuan siloor anyina, kụ ẹ́kaaghi rụmugh lọ ẹghigh ịyaar. Ịphen phọ ạsipioghom dị kẹkagh ologhi Ọmoogh-we phọ.

Dutoronomi 9:24

Nyina awe oḅom ẹmhu esi Ọmoogh-we phọ, emiigh kꞌaḍio phọ mị ilegheri bọ inyina.

Bụo aFilipai 2:15

ọbo nyina eḍighi nmụny phọ Ẹnaan dị ookuan oseleman yogh. Ịtol dọl dị ịyaar inyina kị́biph sịphe ogbo ọkulakula aḅirini ịkaraph awe phọ. Ịmu sịphe ogbo phọ ạbidi ịdipho ạḍiḅaal sịen aḅirini phọ,

Bụo Ịiruen 2:19

Kụ tọrobo amem lọ oye ịiruen phọ amugh bịn bịdi mokiton roḍighi yogh ọdorodo dị epu ịpe ạburude phọ ạbidi. Bịdi ụ́bile ẹkaraph eḍighinom mọ ạbidi rꞌoḅom ẹmhu phọ ạbidi.