Dutoronomi 32:4 - Ạḍinya Iigbia

⁴ “Ọmoogh-we phọ kụ ogbogh ọsuaram anyina; oomo areten phọ ọdi eeleeny ni, Ẹnaan anyina oye rébi ghan, ịkaraph réḍighi ghan, eseleman ni kụ aaleeny.

Dutoronomi 32:4 Iomraidhean Croise

Emiighom 1:31

Ẹnaan iphogh ni oomo ạraraar phọ ịpe ọdi ạlhem bọ kụ ẹḅeeraan nyọdi iboom. Adulhe phọ rꞌạḍiroor phọ kụ iḍighi ḍio dị emuneniom odiiny.

Emiighom 18:25

Ọkar igey nạ kạze bụo aruukuan rꞌạbuo ạsipioghom mọ. Kétue emite! Nạ káḍighi ịdipho. Nạ aḍighi ịdipho, pọ mọḅar bụo aruukuan rꞌạbuo ạsipioghom mọ kụ ọliom. Ịpe kétue emite. Oogboom ịiruen oomo aḅirini phọ ạkpe ni oḍighi ạraraar dị eeleeny?”

2 Sạmuel 22:47

Ọmoogh-we phọ odi ni! Iboom ọpelia ạmi! Igbeelom ḍịbugh Ẹnaan Ịikpo phọ ọpo ụphel bọ ịmi!

2 Sạmuel 23:3

Ẹnaan phọ Ịzirel mẹḅem ọpelia phọ Ịzirel ụḅeni ịmi: “Ọdaam mọ ọpo ạdaam bọ iiḅi ịiruen, dị ạnaghanan Ẹnaan kụ ạdaam,

2 Krọnikuls 19:7

Ịlogh eegu Ọmoogh-we phọ kụ ẹmaar emiighe loor, loor esi dị Ọmoogh-we Ẹnaan phọ ayira rakel bụlo oogbegheḍiom we, rꞌạbulo oḍighan ạga rꞌạbulo ọsighe oti ọman.”

Nehemaya 9:8

Nạ ụwa ni ạmiin mọ ọdi aḍuom ni nyịna ologhi, kụ nạ aghiran ịyo rꞌọdi Nạ uguanaan ọngo ọdi de awe aKenanait rꞌade ạbuo ạHitait rꞌạbuo Ạmorait, rꞌade ạbuo ạPerezait, rꞌade ạbuo Jebusait rꞌade ạbuo aGirgasait, oḍighi ade dị oghiil ạnmuny ọdi kotugh. Nạ ụphamanam ni ruguanaan phọ ạna loor esi dị nạ oye oḍuom ologhi.

Job 34:10

Ịnaghanan ịmi, nyina awe ọnaghan ạḍughum! Ẹnaan Oomo Ịikpo phọ kaḍighi ni ịkaraph ḍụghum?

Job 35:14

Job, nạ ụḅem mọ nạ kạ́miin Ẹnaan; kụ ọlo kpạram akori — aḍighiton phọ ạna edi ni rꞌọdi.

Job 36:23

Oye ólho dị kạḅeni Ẹnaan ịlo oḍighi, ọbo kẹn ạgbaanaan mọ ọdi aḍighi ịkaraph.

Job 8:3

Ẹnaan rékiton ghan iiḅi ịiruen; ọdi rạ́bile ghan oḍighi ịpe eḍighi bọ elhiom.

Ạsuor 100:5

Ọmoogh-we phọ ạnighe ni. Ẹphomoghian phọ ọdi kẹtol li kꞌagee-pọ. Ọdi rábi ghan ruguan phọ ọdi, oghiil atum oghiil.

Ạsuor 138:8

Nạ kaḍighi ni tọrobo ịyaar lọ nạ maguanaan; Ọmoogh-we, ẹphomoghian ạna edi ghan bịn. Muneni oḍighi phọ nạ mamiigh bọ.

Ạsuor 145:17

Ọmoogh-we phọ raḍighinom ghan ruukuan oomo ịlo ọdi aḍighi, rạnma ghan ighirigiir esi oomo eḍighinom ọdi.

Ạsuor 146:6

ọlemia ạke rꞌade rꞌọphiiny phọ rꞌoomo ịlo edi ologhi ạbidi. Ọdi rábi ghan ịpe ọdi maguanaan bọ.

Ạsuor 18:2

Ọmoogh-we phọ kụ aḍighiigh ạmi rꞌotu-ịikpo ạmi rꞌỌpelia ạmi, Ẹnaan ạmi rꞌaḍighiigh ạmi dị ruuko ghan ịmi. Ọdi kụ aḍighi ọsuaram ikpo dị mị kaḍuom ghan ologhi, ọphaal ạpeleeny ạmi rꞌotu ạnyu ạmi.

Ạsuor 18:46

Ọmoogh-we phọ odi ni. Ạḍiseph ẹrolonaan ḍighiigh phọ ạmi, Ọmoogh-we phọ, Ọpelia phọ ạmi odi bọ kꞌạke phọ.

Ạsuor 19:7

Ologh Ọmoogh-we phọ aaleeny ni, rạngo ghan imoom ịnyaam we. Ịtooghi Ọmoogh-we phọ ịlo oḍuom-ologhi ni, rẹngo ghan olegheri ịyaar bụphe ụ́moogh bọ.

Ạsuor 31:5

Mị ạḅogh uwaloor phọ ạmi ạlogh ḍịghaagh ạna. Nạ mụtagharan ịmi, Ọmoogh-we, Ẹnaan dị ọkpe rẹ́gba ghan.

Ạsuor 33:4

Ọghaaph Ọmoogh-we phọ aseleman ni; oomo iiḍighi phọ ọdi ịlo oḍuom-ologhi ni.

Ạsuor 78:35

Bịdi ụutughian mọ Ẹnaan kụ ọpelia ạbuno, mọ Ọkaraghi Egbogh Ẹnaan phọ eḅegh bụno;

Ạsuor 9:16

Ọmoogh-we phọ maḍighi ịdi molhegheri nyọdi loor iiḅi ịiruen phọ ọdi asoph bọ. Bụo ạsipioghom mọ momeleghu siphil phọ ịpe bịdi ọkpamaghi bọ.

Ạsuor 90:16

Meera yoor abutelhedom mọ ạna ọmiin ogbogh oḍighi phọ ạna; meera ạnmuny ạnmuny ayoor ọmiin igbogh phọ ạna.

Ạsuor 92:15

Ịphen phọ eḍeenaan mọ Ọmoogh-we phọ oye aruukuan, mọ ạsipioghom ílho loor ọpo uukpereghi bọ ịmi.

Ạsuor 97:2

Ọotu rꞌufiri akoom nyọdi; ọdi ạdaam rꞌaruukuan rꞌiiḅi ịiruen.

Ạsuor 98:3

Ọdi óbi ịpe ọdi aguanaan bọ we phọ Ịzirel, aḍeenaan bịdi omeelom rꞌẹphomoghian phọ ọdi rémuneen ghan bọ. Oomo awe tọrobo ekpisi mọmiin ọkpar opu Ẹnaan phọ ayira.

Ạsuor 99:4

Ogbogh ọdaam, nạ ạpomoghian ịpe ẹnighe bọ; nạ maseere egeny eḍighinom ịyaar ẹpe Ịzirel. Nạ mạsighe atu dọl aruukuan rꞌegeny eḍighinom ịyaar.

Ẹḍua 34:6

Ọmoogh-we phọ arelhe aten ghisigh ọdi, kụ agbeel ghan ịduon, “Mị kụ Ọmoogh-we phọ, Ẹnaan ọnma ighirigiir rꞌạghusan. Mị rạ́nuun ghan kạghagh ologhi. Mị kụ Ẹnaan oḍuom ologhi rꞌẹphomoghian dị ẹmanam dị rémuneen ghan.

Ọtughemia Phọ 3:14

Mị alegheri ni mọ tọrobo ịlo Ẹnaan kụ eḍighi kẹtol li kꞌagee-pọ. Nạ kátue ạḅaram ịyaar mụghumo ophoor ọsighe. Kụ eniin ịyaar dị Ẹnaan reḍighi ghan, oḍighi ịdi yira kọmoogh ghan ọlogh ọdi eegu rꞌoghiilaan.

Azaya 17:10

Ịzirel, nạ mawula Ẹnaan phọ ẹtagharan bọ nyịna, ẹḅile bọ eghoph nyịna ịdipho aḍigbogh aḍighiigh. Kpạripe ghụn nạ ạḅile rạzuph ghan iimuma roghoony iigbia ọbo nạ aaseeny ghan eeruen ẹmugh.

Azaya 25:1

Ọmoogh-we, nạ kụ Ẹnaan ạmi; Mị kaghueni nyịna kụ aboom ḍien phọ ạna. Nạ ạkaraghi aḍighi rạraar iikia; nạ ạkaraghi aḍighi ạman ịpe nạ agbiighi bọ kꞌamem dị meten ebia.

Azaya 26:4

Ḍuom ologhi Ọmoogh-we phọ kꞌagee-pọ; ọdi kụphel li iyoor oomo amem.

Azaya 28:16

Nyịidipho, ịphen kụ ịdi Ẹnaan Oomo Ịikpo Ọmoogh-we phọ ạḅem: “Mị rapighi sịphe Zạyon ephighiom dị emiigh kụ ẹkpar. Mị ragim sịphe ẹko ogbo dị ẹpe ạnyu phọ ọge ikpo ọnhu phọ ịphen, ‘Omeeraam dị ạkpar ạḅaram kẹn ni ọkparam.’

Azaya 30:18

Kụ ghạlamo ịduon phọ ni bịn Ọmoogh-we phọ rakori ni ọnma anyina ighirigiir. Ọdi ạnya ni ọsenyaan anyina ịdi eḍighi bọ ọdi raḍighi ghan ịpe esel bọ oomo amem. Ọḅaal ologhi odianaan bụphe ọkpasi bọ ologhi ạbidi esi Ọmoogh-we phọ.

Azaya 32:2

Tọrobo ọnyo ạbidi kaḍighi ogbogo okaran ookuugh rꞌạaghian amem oghim. Bịdi kọkigh sikol dị ạmuum rakil de ịisaar, ịdipho oogho aḍigbogh aḍighiigh ade ọkpagha.

Jerimaya 10:10

Kụ ọlo nạ Ọmoogh-we phọ kụ ọkar Ẹnaan, nạ kụ Ẹnaan phọ ẹpe edi ghan bọ bịn, ḅịle kẹn rꞌọdaam kꞌagee-pọ. Mem lọ nạ ạghagh ologhi, aḅirini phọ rapiigha ghan ni; areelhe phọ kótue ọmerenyan ọghagh ologhi phọ ạna.

Jerimaya 9:24

Eḍighi ịyaar dị oye rạwa obaga, pọ abaga mọ ọdi ulegheri ni ịmi ạḅile ụnaghanan ịmi, loor esi dị ẹphomoghian phọ ạmi rénmia ghan, ḅịle kẹn mị raḍighi ghan ịpe eḍighi bọ elhiom ẹḅile esel. Ịphen kụ ạraraar dị ịḅeeraan ịmi. Mị Ọmoogh-we phọ kụ mạḅem.”

Dạniel 4:34

“Mem dị oḍual ạsia phọ meten,” ọdaam mọ ạḅem mọ, “Mị uphogh ni okuaḍio phọ, kụ aloghoma loor. Mị agbi oboom Ọkaraghi Egbogh Ẹnaan phọ rꞌọngo ghan rughuenian rꞌigbogh nyọpo odi ghan bọ kꞌagee-pọ. “Ọdi kạda kꞌagee-pọ, kụ ọmar phọ ọdi ạtol ghan kꞌagee-pọ.

Dạniel 4:37

“Kụ nyịidipho mị ạNebukadnezar aboomi, akueni, ạḅile aaseeny Ọdaam kꞌạke phọ. Tọrobo ịyaar lọ ọdi aḍighi pọ elhiom ni ẹḅile eseleman. Ọdi kụ ạmoogh ịikpo osooromi oye lọ aphoophe loor.”

Hạbakuk 1:12

Ọmoogh-we, kꞌẹkar emiighom mọ nạ kụ Ẹnaan. Nạ kụ Ẹnaan ạmi, Ẹnaan Aruukuan dị rémugh ghan. Ọmoogh-we, Ẹnaan ạmi rꞌọpelia ạmi, nạ ạsaḅar weye phọ ạBabilon ạngo bịdi ịnyaam ẹrol dị bịdi ụliom ghan iyoor.

Hạbakuk 1:13

Kụ ika kụ ịdi nạ katue ạmerenyan weye dị eeph ịduon rꞌareekeleghian? Ariḍien ạna eḍighi ịlo aruukuan ẹpughan ọmiin ịkaraph kụ nạ kátue ạmerenyan we dị roḍighi ịkaraph. Kụ eeghe kụ nạ aḅoorian bọ kụ bịdi ropiemi weye dị odi dọl aruukuan opu bịdi?

Zẹfanaya 3:5

Kụ ọlo Ọmoogh-we phọ odi ni sịphe ẹmha phọ; ọdi raḍighi ghan ni ịlo ẹnighe, kị́lo eeph. Tọrobo ạḍiroor ọdi rạ́piom ghan, ọdi rạngo ghan iiḅi ịiruen weye ọdi. Kụ ghạlamo rꞌịduon phọ, awe ạsipioghom lọ odi roḍighi ni ịkaraph phọ kụ umugholoor ósiph.

Matiu 5:48

Iseleman, ịdipho Ọde phọ anyina odi bọ kꞌạke phọ aseleman bọ.”

Elegh ạJon 1:14

Ekpo Ọnhu phọ imite ni eye kụ erughan rꞌayira, kụ yoor ụmiin ni eghuan phọ ọdi, dị ẹḅaram ẹeḍiom, ọghor phọ rꞌigey. Ẹphen phọ kụ eghuan Ogina Ọony phọ Ẹnaan.

Elegh ạJon 1:17

Ịdipho aMozis ạar bọ iilogh phọ aruom we kụ ẹdi ạJizos Kraist ạpham bọ ọghor phọ rꞌigey phọ arumom.

Elegh ạJon 14:6

Kụ ạJizos ạḅeni nyọdi mọ, “Mị kụ eten phọ rꞌigey phọ rꞌaghuḍum mọ. Oye dị kạteeny Ọde phọ ạmi ólho, emuton ọḍua esi ạmi kụ ọghi ọteeny ọdi.

Elegh ạJon 5:22

Ọde phọ oye ọoruen rásophonaan ghan. Ọdi mạngo Mọony phọ ọdi oomo ịikpo oogboom ịiruen,

Bụo aRom 1:32

Bịdi olegheri ni mọ iilogh phọ Ẹnaan ẹḅem mọ bụlo roḍighi ghan ọdo ạraraar phọ ịphen phọ ọkpe ni omuughu ghan. Kụ bịdi phọ ọtomaam ni ịphen phọ, ọḅile ọloghoma bụlo roḍighi ghan ịphen phọ.

Bụo aRom 2:2

Yira olegheri ni mọ Ẹnaan rẹ́pioman ghan ịiruen lọ ọdi aagboonaan bụphe roḍighi ghan bọ ọdo phọ ịphen phọ.

Bụo aRom 2:5

Kụ nạ ạmoogh ọokpara rꞌọkikiri ologhi. Esi ịduon phọ, nạ raakpomoghi apum kaseerian ḍio phọ Ẹnaan kegananami bọ ghẹlhe phọ rꞌịiruen aruukuan phọ ọdi.

Bụo aRom 3:5

Kụ koḍighi ika ịdipho ẹkaraph eḍighinom ịyaar phọ ayira kụ egboton eḍeenaan mọ Ẹnaan reḍighi ghan ni igey? Yira kọkaaph eeghe? Mọ Ẹnaan rẹpioman ghan ni ḍụghum, mem lọ ọdi ụliom iyira? (Mị rạkaaph aani ịpe awe rọkaaph ghan bọ.)

1 Bụo ạKorint 10:4

Ḅịle kẹn oomo phọ ạbidi ụphughol li muniin ạmuum aruwaloor phọ. Bịdi ụphughol ghan mụum aḍighiigh aruwaloor phọ ẹdaph ghan bọ bịdi. Aḍighiigh phọ pọ aKraist rꞌaloor ọdi.

Dutoronomi 10:18

Ọdi kụ raagbo ghan ịiruen ạnmuny-ịgo rꞌarukpekele ạnmariir. Ọdi ạpomoghian ruuruen rạngo ghan bịdi eḍien rꞌarukpe.

Dutoronomi 32:15

“AJesurun mạnuum ạpataghan, aruwol ekpulughan, tụ nạ maphoph ạmoogh ịnyaam, tụ nạ mạnuum, ẹnuum eekpereghiom nyịna. Ọdi maghel Ẹnaan phọ ẹpe ẹlhem bọ nyọdi, ạḅitonaan ḍighiigh phọ ạḍiphe ẹphel bọ nyọdi.

Dutoronomi 32:18

Nyina ị́logh mun elegh ḍighiigh phọ ạḍiphe ịmar bọ inyina. Nyina mewula Ẹnaan phọ ịlhem bọ inyina.

Dutoronomi 7:9

Kụ ilegheri mọ Ọmoogh-we Ẹnaan phọ anyina, ọdi kụ Ẹnaan oḍuom ologhi dị raako ghan ịyo phọ rꞌọnma ighirigiir esi ạbuphe ọphomoghian bọ nyọdi, kụ rooko ghan bọ iilogh phọ ọdi, esi oniin ọonir oghiil.

Jems 1:17

Oomo phọ igey inmo phọ yira ọmoogh bọ ịḍua ni esi Ẹnaan kụ eru bọ. Ọdi kụ ạlhemogh oomo phọ ịpe rẹmu bọ ẹpe kꞌạke phọ. Ạraraar phọ ịpe phọ reenmeeghian ghan ni, kụ Ẹnaan rénme ghan eḍighinom ịyaar phọ dị ruḍighi ghan bọ iyira.

Jems 4:12

Ẹnaan bịn kụ rẹloghoḍi ghan iilogh kẹḅile ẹeḅeghion we ephogh. Ọdi bịn kụ ạmoogh ịikpo ophiemi ghan rꞌoḍume ghan. Nạ ragbiom ghan ologhi mọ nạ ạnhian kụ raagbo ghan bọ ịkaraph ịiruen kạḅam rụmhu ạbunon awe phọ?

1 Pita 2:6

ịdi eḍighi bọ ạḍinya iigbia phọ ẹḅem ni mọ, “Ịnaghan, mị ạsaḅar ri ẹko ogbo dị ẹman ịyaar ragim ẹpe Zạyon, kụ oye lọ ameeraam nyọdi kạ́moogh mabi.”

1 Sạmuel 2:2

“Oye ólho dị kọtomaam Ọmoogh-we phọ esi ạdol iigbia; oye dị kọtomaam nyọdi ólho, oye dị raako ghan weye ịdipho Ẹnaan phọ ayira ólho.