Dutoronomi 32:21 - Ạḍinya Iigbia

²¹ Bịdi mọsighe rụmugh phọ ạbidi oḍighinom ịdi repin ologhi ạmi. Bịdi mọsighe oomo oopho ạraraar phọ ạbidi ụngoom ịmi ọghagh ologhi; kụ mị kạsighe we dị ụ́man oghola mọ eelhe aḍighi ịdi kẹkagh iloghi ạbidi; mị kaḍighi ni dị eelhe ạbuo arolologhi kepin ghan iloghi ạbidi.

Dutoronomi 32:21 Iomraidhean Croise

1 Ạbudaam 14:22

AJuda uḍighi ịkaraph egbodo Ọmoogh-we phọ, kụ ịkaraph phọ bịdi oḍighi bọ kụ ẹghagh ologhi ọdi, loor esi dị ịkaraph phọ bịdi oḍighi bọ ipu oomo ịpe ạburude phọ ạbidi oḍighi yogh bọ.

1 Ạbudaam 14:9

kụ ạsipioghom ịlo ạna mepu ịlo oomo ạbuḅel awe phọ: nạ ạkaaghi rụmugh kịrokiro, ạḅologh igbudu dị rẹkagh ologhi ạmi, nạ ụgumom ịmi ọman.

1 Ạbudaam 16:13

Loor esi oomo ịkaraph phọ aBaasa rꞌịlo oomo ịkaraph phọ Ela ọony phọ ọdi, ịpe bịdi oḍighi yogh bọ tụtu eḍighi bọ ịdi Ịzirel ọphu, eḍighi ịdi ẹghagh ologhi Ọmoogh-we Ẹnaan phọ Ịzirel, loor ẹmhu ịkaaghineen ạrumugh phọ ạbidi.

1 Ạbudaam 16:26

Kụ ọdi ạdaph oomo areten eḍighinom mọ ịpe aJeroboam ọony phọ aNebat aḍighi yogh bọ, ịkaraph dị eḍighi ịdi Ịzirel oḍighi ịkaraph dị ẹghagh ologhi Ọmoogh-we Ẹnaan phọ Ịzirel, loor ẹmhu ịkaaghineen ạrumugh phọ ạbidi.

2 Ạbudaam 17:11

Kụ ọsuughi ghan ịnsens ạnyu oomo aroogbolom mọ, ịdipho bụo aruru phọ roḍighi ghan bọ, bụphe Ọmoogh-we phọ aphorogh bọ ạsighe esomanan ạbidi. Bịdi oḍighi yogh ọdo kịrokiro ịkaraph dị ephin ologhi Ọmoogh-we phọ,

2 Ạbudaam 17:15

Kụ bịdi oghel oomo ịtooghi phọ ọdi rꞌịyo phọ ịpe ạburude phọ ạbidi rꞌọdi oghiran bọ, rꞌareḍeenaan phọ ịpe ọdi aḍeenaan bọ bịdi. Bịdi oofolomi bịn, ụ́maghami ịyaar, ọdaph bụo aruru phọ oko bọ bịdi okitonom bụphe Ọmoogh-we phọ ạtu bọ kụ ạlhogh ologh mọ bịdi kụ́daph ịpe bịdi roḍighi bọ kụ oḍighi aani.

2 Ạbudaam 21:6

Aḍighi kẹn ịdi ọony ọdi arelhe ologhi ạnian aten, aako yogh ghan siḍio, aḍighi yogh ghan ịiḍaany, aḍighan rꞌịkaraph aruwaloor rꞌạruuḅaghama. Ạsipioghom mọ ọdi ịphughan ni risigh Ọmoogh-we phọ, kụ ẹghagh ologhi ọdi.

2 Ạbudaam 22:17

ịdi eḍighi bọ bịdi mughel ịmi rọsuughinaan ghan ịnsens ịnon ạrumugh. Oomo ịpe bịdi ọsighe bọ rạghaagh ạbidi kụ oḍighinom mịngo ịmi ọghagh ologhi. Mị kạkagham ologhi Jeruselem, kụ ạnian dị kótue oḍime eemor.

Ạsuor 31:6

Nạ akel li bụphe rọoḅereghi ghan bọ oopho ạrumugh. Mị aḍuom Ọmoogh-we phọ ologhi.

Ạsuor 78:58

Bịdi uḍighi ghan nyọdi ịlo ophin ologhi rꞌariisi ịiḅereghi ịkaaneen ạraraar ạbidi; ạnmuny asighuḍuul phọ ạbidi kụ ịkar kẹn ephin ologhi ọdi iboom.

Azaya 65:3

Bịdi umugholoor úlegheri kụ oḍighi ghan ịdi ephin ologhi ạmi. Bịdi ụphinyon ghan rịkia ologhi aroghoony iigbia kụ ọsuughi ịnsens renmeny ạbuo aruru.

Jerimaya 10:8

Oomo phọ ạbidi arolologhi. Ịyaar dị ọsighe oreeny kụ ọkaam kẹtughemi bịdi eeghia?

Jerimaya 14:22

Rꞌeniin eru areelhe phọ kétue ẹngo ọlophia; okuaḍio phọ rꞌaloor ọdi bịn kátue aḍighi ịdi ọlophia kạloph. Yoor mọsighe oḍuom ologhi ayoor ọkpasi esi ạna, Ọmoogh-we Ẹnaan phọ ayoor, loor esi dị nạ kụ raḍighi ghan bọ rạraar phọ ịphen.

Jerimaya 18:15

Kụ iḍighi ika nụun kụ awe phọ ạmi muwula bọ ịmi; bịdi mọsu ịnsens ọngo ruru. Bịdi mokpeteghaan sịphe eten phọ ẹpe bịdi mụki bọ, bịdi rọ́daph mun igbaany areten phọ; bịdi rotelhe ghan reten dị ụ́sam.

Jerimaya 2:11

Ẹnon eelhe ke̋nme ghan rụmugh ạbidi, ghạlamo ịdipho bịdi íḍighi bọ ni igey ạrumugh. Kụ ọlo awe phọ ạmi mọsighe ịnon ạrumugh uunmenenom ịmi, Ẹnaan phọ ẹpe ẹngo bọ bịdi rughuenian phọ, ọḅile rokumu rụmugh dị ịyaar kétue eḍighinaan bịdi.

Jerimaya 5:7

Ọmoogh-we phọ apuru mọ, “Eeghe kụ iḍighi kụ mị kạbilenaan bọ ịkaraph awe phọ ạmi? Bịdi mụwile ịmi ọki ọoḅereghi rụmugh dị ị́moogh ịyaar oḍighinom. Mị ụngo ni weye phọ ạmi eḍien dị ẹpher bịdi, kụ bịdi ọḅile ghụn olhe ghan ẹmha ọsighe mem mọ ạbidi ọtolan ghan rꞌạbuo oliom ẹmha.

Jerimaya 7:18

Ịbam ạnmuny phọ rọso ghan ịpe, kụ alephiri phọ ọkpooni nịan kụ ạnmariir phọ okirion ịbiakpa dị ọgbe kụ ọgbaghaḍi rooḅoghoḍi ịyaar olhe kụ ọngo eru phọ ẹpe bịdi oghol bọ mọ Ogbogh Ạnir kꞌẠke. Bịdi ọḅile kẹn ni romoroghi ghan miim kọngo ịnon ạrumugh ọbo ephin ologhi ạmi.

Jerimaya 8:19

Ịnaghanan! Sịen oomo phọ ade phọ mị ạnaghan ịdi awe phọ ạmi romoghi yogh mọ, “Ọmoogh-we phọ ólho mun Zạyon ḍụghum? Ọdaam-ẹmha mọ ạZayon ólho mun sịphe ḍụghum?” Ọmoogh-we phọ, Ọdaam phọ ạbidi, ạpagharanaan mọ, “Eeghe kụ iḍighi kụ nyina eḍighi bọ ịphen repin bọ ologhi phọ ạmi, esi ọoḅereghi aruru phọ anyina ḅịle kẹn rꞌokpuḍian ooseeny iiruen ạrumugh dị ị́moogh ịyaar oḍighinom?”

Izikiel 8:3

Ọdi asele amitiom ịyaar dị ẹghigh ḍịghaagh kụ aḍur sịlaal ạmi. Esi uḍien kụ uwaloor Ẹnaan uphoophe ịmi ạghiom okuaḍio kụ useere ịmi Jeruselem. Ọdi ụsighe ịmi ạghi ọnhu-aḍibuo ologhi ẹpe ephunom mọ, sịphe Otu Ịiḅereghi phọ, esi dị oseere ẹkaaneen ẹmugh, dị ẹghagh ologhi Ẹnaan iboom.

Hosia 1:10

Awe phọ Ịzirel koḍiza ịdipho ịisaar ọgbal ọphiiny, dị kótue ogbi ḅịle rꞌọtooghi. Nyịidipho Ẹnaan rẹḅeni ghan bịdi mọ, “Nyina káwe ạmi,” kụ amem retu ni dị ọdi kạḅeni bịdi mọ, “Nyina ạnmuny Ẹnaan phọ edi ghan bọ!”

Jona 2:8

Bụphe rọoḅereghi ghan bọ ịkaaghineen ạrumugh phọ ị́moogh bọ mạar oḍighinom mọ moghel ọḅogh aloor ạbidi ọngo ạna.

Iiḍighi 11:15

Kụ mị ramiigh ọghaaph phọ, bịn Uwaloor Iigbia phọ asoorom bịdi, ịdipho usoorom bọ iyira ẹḅel egbiom mọ.

Iiḍighi 14:15

“We phọ! Iḍighi ika kụ nyina reḍighi bọ rạraar phọ ịphen phọ? Yoor awe ni. Yoor ọmoogh ni ḍiniin aḍizu ịdipho anyina. Yoor ọsighe ooḅi ọghaaph iruomonaan inyina, ọbo nyina ẹwile oopho ạraraar phọ ịphen ekiton esoman Ẹnaan phọ edi ghan bọ, ẹpe ẹlhem bọ kẹ rꞌade rꞌọphiiny phọ rꞌịlo esi rꞌesi.

Bụo aRom 10:19

Mị ạḅile ni rapuru mọ, “Aweye phọ Ịzirel úlegheri ḍịen ẹmhu phọ?” AMozis rꞌaloor ọdi kụ ọḅel dị ạphagharanaan mọ, “Mị kạsighe we dị ụ́man oghola mọ eelhe oḍighi ịdi kẹkagh iloghi awe phọ ạmi; mị kaḍighi ni ịdi eelhe ạbuo arolologhi kepin ghan iloghi awe phọ ạbidi.”

Bụo aRom 9:25

Ịphen phọ ni kụ ịdi ọdi ạghaaph bọ sịphe ạḍinya phọ aHosia mọ, “Bụphe úḍighi bọ we phọ ạmi kụ ạbudi mị kakol mọ ‘Awe ạmi.’ Eelhe phọ mị ụ́pomoghian bọ kụ ẹdi mị kakol mọ ‘Ọoseeny ạmi.’

1 Bụo ạKorint 10:22

Yira rọwa ghan mọ Ọmoogh-we phọ ạghagh ologhi ḍụghum? Ẹkigh mụdi ịnyaam ayira kụ ipu ịlo ọdi ḍụghum?

Dutoronomi 32:16

Bịdi ọsighe ịnon ạrumugh oḍighinom ịdi ẹghagh ologhi Ọmoogh-we phọ, ọsighe sịḅaphanya oḍighinom ịdi ẹghagh ologhi ọdi.

Dutoronomi 32:17

Bịdi ọphinyon yogh ghan rịkia ọngo rụmugh dị kạ́rumugh, rụmugh dị bịdi úlegheri, imoom ạrumugh dị pụruku emite, rụmugh dị ạburude ạbidi kőmeeraam ghan kꞌekulha.

1 Sạmuel 12:21

Kẹ́daph ruru: bịdi inyina kétue ẹloghonaan ḍịghaagh, kétue kẹn ẹpel loor esi dị bịdi ị́moogh ịyaar oḍighinom.