Dutoronomi 32:16 - Ạḍinya Iigbia

¹⁶ Bịdi ọsighe ịnon ạrumugh oḍighinom ịdi ẹghagh ologhi Ọmoogh-we phọ, ọsighe sịḅaphanya oḍighinom ịdi ẹghagh ologhi ọdi.

Dutoronomi 32:16 Iomraidhean Croise

1 Ạbudaam 14:22

AJuda uḍighi ịkaraph egbodo Ọmoogh-we phọ, kụ ịkaraph phọ bịdi oḍighi bọ kụ ẹghagh ologhi ọdi, loor esi dị ịkaraph phọ bịdi oḍighi bọ ipu oomo ịpe ạburude phọ ạbidi oḍighi yogh bọ.

1 Ạbudaam 14:9

kụ ạsipioghom ịlo ạna mepu ịlo oomo ạbuḅel awe phọ: nạ ạkaaghi rụmugh kịrokiro, ạḅologh igbudu dị rẹkagh ologhi ạmi, nạ ụgumom ịmi ọman.

2 Ạbudaam 17:11

Kụ ọsuughi ghan ịnsens ạnyu oomo aroogbolom mọ, ịdipho bụo aruru phọ roḍighi ghan bọ, bụphe Ọmoogh-we phọ aphorogh bọ ạsighe esomanan ạbidi. Bịdi oḍighi yogh ọdo kịrokiro ịkaraph dị ephin ologhi Ọmoogh-we phọ,

2 Ạbudaam 17:17

Kụ bịdi ọsighe nmụny rꞌạnmanyaan phọ ạbidi oḍighinom yogh rịkia ạnian ọngo ịnon ạrumugh. Bịdi ropuru ghan ḍipuru, rodike ghan idike. Oboola loor phọ ạbidi rꞌoḍighi yogh ghan ịkaraph ghisigh Ọmoogh-we phọ kụ eḍighi ịdi ẹghagh ologhi Ọmoogh-we phọ.

2 Ạbudaam 21:6

Aḍighi kẹn ịdi ọony ọdi arelhe ologhi ạnian aten, aako yogh ghan siḍio, aḍighi yogh ghan ịiḍaany, aḍighan rꞌịkaraph aruwaloor rꞌạruuḅaghama. Ạsipioghom mọ ọdi ịphughan ni risigh Ọmoogh-we phọ, kụ ẹghagh ologhi ọdi.

2 Ạbudaam 23:13

AJosaya ọdaam mọ ạḅile kẹn ạphue roogbolom mọ ịpe koten bọ kụ ọteeny Jeruselem edi bọ ḍịghaagh esoorom sịphe Eegum Ọlivs, ẹpe Sọlomon Ọdaam mọ Ịzirel ạloghonaan bọ Astarte ẹya-eru phọ awe aSaidon ḅịle rꞌaKemos ḅạphanya awe ạMoab ḅịle rꞌạMolek ḅạphanya awe Amon.

Ạsuor 106:29

Iiḍighi ạbidi ịghagh ni ologhi Ọmoogh-we phọ kụ ẹkaraph ẹzegh emite ogbo ạbidi.

Ạsuor 78:58

Bịdi uḍighi ghan nyọdi ịlo ophin ologhi rꞌariisi ịiḅereghi ịkaaneen ạraraar ạbidi; ạnmuny asighuḍuul phọ ạbidi kụ ịkar kẹn ephin ologhi ọdi iboom.

Azaya 43:12

Mị ụmiin ni uḍien ịpe kemite bọ kụ mị aru ọlhoghonaan anyina ḍịghaagh. Eeruen ẹnaan dị meḍighi ịphen kꞌekulha kẹ̋rol ghan. Nyina kụ ạbugbaanaan ạmi.

Jerimaya 2:11

Ẹnon eelhe ke̋nme ghan rụmugh ạbidi, ghạlamo ịdipho bịdi íḍighi bọ ni igey ạrumugh. Kụ ọlo awe phọ ạmi mọsighe ịnon ạrumugh uunmenenom ịmi, Ẹnaan phọ ẹpe ẹngo bọ bịdi rughuenian phọ, ọḅile rokumu rụmugh dị ịyaar kétue eḍighinaan bịdi.

Jerimaya 2:25

Ịzirel, aruwol ạna kị́kola loor esi erelhe, ḅịle kẹn ẹḍogh ạna kị́karaghar loor esi ọwa ịnon ạrumugh. Kụ ọlo nạ ạḅem mọ, ‘Eeye! Mị kátue abula. Mị mạphomoghian iiruen ạrumugh kụ mị kạdaph ni bịdi.’”

Jerimaya 7:18

Ịbam ạnmuny phọ rọso ghan ịpe, kụ alephiri phọ ọkpooni nịan kụ ạnmariir phọ okirion ịbiakpa dị ọgbe kụ ọgbaghaḍi rooḅoghoḍi ịyaar olhe kụ ọngo eru phọ ẹpe bịdi oghol bọ mọ Ogbogh Ạnir kꞌẠke. Bịdi ọḅile kẹn ni romoroghi ghan miim kọngo ịnon ạrumugh ọbo ephin ologhi ạmi.

Jerimaya 8:19

Ịnaghanan! Sịen oomo phọ ade phọ mị ạnaghan ịdi awe phọ ạmi romoghi yogh mọ, “Ọmoogh-we phọ ólho mun Zạyon ḍụghum? Ọdaam-ẹmha mọ ạZayon ólho mun sịphe ḍụghum?” Ọmoogh-we phọ, Ọdaam phọ ạbidi, ạpagharanaan mọ, “Eeghe kụ iḍighi kụ nyina eḍighi bọ ịphen repin bọ ologhi phọ ạmi, esi ọoḅereghi aruru phọ anyina ḅịle kẹn rꞌokpuḍian ooseeny iiruen ạrumugh dị ị́moogh ịyaar oḍighinom?”

Izikiel 8:3

Ọdi asele amitiom ịyaar dị ẹghigh ḍịghaagh kụ aḍur sịlaal ạmi. Esi uḍien kụ uwaloor Ẹnaan uphoophe ịmi ạghiom okuaḍio kụ useere ịmi Jeruselem. Ọdi ụsighe ịmi ạghi ọnhu-aḍibuo ologhi ẹpe ephunom mọ, sịphe Otu Ịiḅereghi phọ, esi dị oseere ẹkaaneen ẹmugh, dị ẹghagh ologhi Ẹnaan iboom.

Lịvitikos 18:27

(loor esi egbi ghan oomo iigbia phọ ịphen kụ ẹdi awe phọ orughogh bọ ẹpe ade phọ edi bọ risigh anyina ọphuphogh bọ)

1 Bụo ạKorint 10:22

Yira rọwa ghan mọ Ọmoogh-we phọ ạghagh ologhi ḍụghum? Ẹkigh mụdi ịnyaam ayira kụ ipu ịlo ọdi ḍụghum?

Dutoronomi 32:21

Bịdi mọsighe rụmugh phọ ạbidi oḍighinom ịdi repin ologhi ạmi. Bịdi mọsighe oomo oopho ạraraar phọ ạbidi ụngoom ịmi ọghagh ologhi; kụ mị kạsighe we dị ụ́man oghola mọ eelhe aḍighi ịdi kẹkagh iloghi ạbidi; mị kaḍighi ni dị eelhe ạbuo arolologhi kepin ghan iloghi ạbidi.

Dutoronomi 5:9

Kákpuḍian ạngo ịyaar lọ ọka, ḅịle mꞌooseeny ọngo ịdi eḍighi bọ mị kụ Ọmoogh-we Ẹnaan phọ ạna. Mị Ẹnaan útiran aroḅopha. Mị kạliom ni bụlo ụlogh ịmi ḍien asiemi oghiil ạnmuny ạnmuny ạbidi dị omuneniom ịraar mụghumo inya.

Dutoronomi 7:25

Ịsighe ịkaaghineen ạrumugh phọ ạbidi eguom nịan. Kẹ́maghami ghan ịyaar silva phọ rꞌagol phọ ọdamaghi bọ. Kẹ́sighiogh ghan, ọbo nyina kemeel ghan bọ eḍighanaan, ịdi eḍighi bọ ạḅaphanya ni esi Ọmoogh-we Ẹnaan phọ anyina.