Dutoronomi 32:13 - Ạḍinya Iigbia

¹³ “Ọdi aḍighi ịdi bịdi kụ ọda ghan oomo iiphopha ariisi ịsien aḅirini phọ, kụ ole ghan rạraar lọ ẹḍua sịphe ade phọ kụ emite kụ ọlaay ghan ẹnuum aḍiowo lọ ẹḍua ghan loor aḍighiigh emite, ọḅile kẹn ọlaay ghan mụnum lọ ạḍua ghan loor ạḍiikpara aḍighiigh kụ amite.

Dutoronomi 32:13 Iomraidhean Croise

2 Sạmuel 22:34

Ọdi aḍighi ịdi aruwol ạmi emiigh ịdipho ịlo ọnuen, ọdi useere ịmi dọl ẹereegh ạnyu ạraaḅaraph phọ.

Job 20:17

Ọdi kạ́tol ạmiin rịphiiny ạmunum-ọliv ọbo ọbo asikol dị ạmamaam rꞌẹnuum aḍiowo kụ rekil.

Job 29:6

Ạsinam rꞌạrutu-ịga ạmi ịngo ghan ni ịmi muboom ạmamaam, ḅịle ireeny ọliv ạmi iḍum ghan agey ghạlamo esi ade asighiigh.

Ạsuor 18:33

Ọdi ạkparami ruwol phọ ạmi ịdipho ịlo ọnuen, kụ ụrolomi ịmi ẹpe ạnyu ạraaḅaraph.

Ạsuor 81:16

Kụ ọlo mị ạsighe ọkaraghi igey ịbiakpa kụ iikonomom inyina, ạḅile ạsighe ẹnuum aḍiowo dị ụ́pueri ịpheremiom inyina.”

Azaya 48:21

Mem dị Ọmoogh-we phọ arelhiom bọ we phọ ọdi ạḅeenyom ḍịghologhol ade ịisaar phọ, ẹphuom ạmuum bịdi ị́iḅaghami. Ọdi aḍighi ni ịdi ạmuum ạḍua ghan loor aḍighiigh amite; ọdi ạay ni ḍighiigh phọ kụ ạmuum akiil ghan amite.

Azaya 58:14

bịn nạ kạmiin ḍidugh dị kẹḍua okumu ghan ạmi etu. Mị kaḍighi ịdi kọlogh nyịna eghuan sịen oomo aḅirini phọ, kụ nạ kaliom ni de phọ mị ạngo bọ Jẹkob ọde-oko phọ ạna. Mị Ọmoogh-we phọ kụ mạḅem.”

Izikiel 16:13

Nạ ạmoogh ịnme agol rꞌasilva, kụ nạ oomo amem aanmenan ghan rukpe dị ẹyegheyeghe rꞌịdi rẹkorom dị olo. Nạ ale ghan ạbred dị oḍighinom ọkaraghi igey ịgbieneen ịbiakpa, kụ ạmoogh ẹnuum aḍiowo rꞌạmunum-ọliv ọlo olhe. Ẹnighe ạna ẹraphan ghan, kụ nạ aḍighi ạnir dị ạda ẹmha.

Izikiel 21:17

Mị kẹn kakpoolha rạghaagh ạmi, bịn ọghagh ologhi phọ ạmi mamuneen. Mị Ọmoogh-we phọ kụ mạḅem.”

Izikiel 36:2

Ọmoogh-we dị ạmoogh oomo ịikpo ạmooghaan bọ bịdi: ạbumulogh-ḍien phọ Ịzirel ụnmoghoghoom kụ ọḅem, ‘Nyịidipho aroogbolom ageedi phọ ịpe ịlo ayoor!’

Hosia 13:6

Kụ mem dị nyina eḍigh bọ ḍigey ade phọ ịgbaanyan bọ inyina, bịn nyina ephoophe loor iwula ịmi.

Dutoronomi 28:47

ịdi eḍighi bọ nyina ị́sighe ọḅaal ologhi rꞌogey ologhi kụ reeseenyom ghan bọ Ọmoogh-we Ẹnaan phọ anyina loor ẹeḍiom mọ anyina emuza bọ.

Dutoronomi 33:26

“We Ịzirel, egeny ịyaar ílho dị ẹnighe eeleeny Ẹnaan phọ anyina; dị rakiil ẹpe kꞌạke oru ọloghonaan anyina ḍịghaagh, rꞌigbogh phọ ọdi.

Dutoronomi 33:29

Ịzirel, ọḅaal ologhi ọlo ạna ni. Ạnhian kụ ạghigh nyịna? Nyina awe dị Ọmoogh-we phọ ạphel. Ọdi kụ ọsuaram mọ ạloghonaan bọ nyịna ḍịghaagh; ọdi kụ elhool ẹgham iphelegbe phọ ạna. Ạbumulogh-ḍien phọ ạna kotumom rꞌịlom ọsar ọwilenaan kụ nạ ạze bịdi.”

Dutoronomi 8:15

ọpo irorori bọ inyina ẹpe eboom mọ ẹdala phọ eḍigh bọ ịikia ruugu, ẹpe ịigama ạrakaraph-ịyaar rꞌasiepere phọ edi bọ, ẹpe ạmuum úlho bọ; ọpo amitiom bọ mụum loor aḍighiigh phọ ịngo inyina;

Dutoronomi 8:8

de ịbiakpa, rꞌabali, rꞌiimuma avain, rꞌạfig rꞌekpetughe; de ọliv rꞌẹnuum aḍiowo;