Dutoronomi 32:12 - Ạḍinya Iigbia

¹² Ọmoogh-we phọ bịn kụ aḍiemiom we ọdi, dị eeruen ẹmugh ḍịghaagh ị́logh.

Dutoronomi 32:12 Iomraidhean Croise

Nehemaya 9:12

Nạ uḍiemiom bịdi rꞌeekpoogh ọotu mem ootaany, kụ ḍughul nạ uḍiemiom bịdi rꞌeekpoogh ạnian.

Job 15:19

Aruuruen ụ́tol ghan ẹmha phọ ạbidi; oye ọ́rol dị kaḍiemiom bịdi ạgbole esi Ẹnaan.

Ạsuor 136:16

Ọdi aḍiemiom we ọdi ạḅeenyom de ịisaar; ẹphomoghian phọ ọdi edi ghan bịn kꞌagee-pọ.

Ạsuor 27:11

Ọmoogh-we, ụtughemi ịmi ịpe nạ rạwa bọ mọ mị uḍighi. Nạ kurorori ni ịmi eten dị ịyaar ịmi kíḍighi ịdi eḍighi bọ mị ạmoogh ḍita ạmulogh-ḍien.

Ạsuor 78:14

Mem ootaany ọdi ạrol ologhi ọotu kụ aḍiemiom, kụ ḍughul ọdi ạrol loor anem ạnian.

Ạsuor 80:1

Ụnaghanan iyoor, nạ Okoriom awe phọ Ịzirel; nạghan ịlo yoor kọkaaph, nạ Oḍiemiom iyool-ịga phọ ạna, nạ ọpo phọ ạrolom bọ ạgada igbogh phọ ạna ạnyu ạruukpaany aghuḍuul phọ.

Ạsuor 81:9

Kéeseeny ẹnon ẹmugh. Kẹ́eḅereghi eeruen ẹmugh.

Azaya 46:4

Mị kụ Ẹnaan anyina kụ kạmaar ri ịpham inyina tụtu nyina ẹkpo, esi sụol rụmhu anyina. Mị kụ ịlhem inyina kụ kạmaar ri ịpham inyina; mị kịlhoghonaan inyina ḍịghaagh kụ ịtagharan inyina.”

Azaya 63:14

Ịdipho abupoghom rọkimom ghan bọ sịnam eḍiiny dị ẹnuum, ịduon kụ ịdi Ọmoogh-we phọ ạngo we phọ ọdi ophooghian. Ọdi aḍiemiom ni we phọ ọdi kụ aghueniom ḍien phọ ọdi.

Hosia 11:4

Mị aḍur bịdi ạloghomaam loor ạmi rꞌạḍiḅeeraan rꞌẹphomoghian. Mị ạkpaph bịdi aphoophe kụ ạpham bịdi ạkpaariom rukpo ạmi; mị azuman ạteeny bịdi kụ ạngo bịdi eḍien.

Dutoronomi 1:31

Ịpe emite bọ ẹpe ẹdala phọ nyina ẹmiin aani bọ ni. Ịdipho oye raḅeton ghan bọ mọony ọdi kụ ịdi Ọmoogh-we phọ Ẹnaan phọ anyina iḅeton bọ inyina, ẹpe oomo areten phọ nyina erelhe bọ tụtu nyina eru bọ resi sịen.’

Dutoronomi 32:39

“‘Mị, ogina ạmi kụ Ẹnaan; umuton ịmi, ẹnon ẹmugh ílho. Mị akiigh kụ ạḅile ạngo ghuḍum. Mị amitiom esi kụ ạḅile aakonom. Kụ oye dị katue ạtagharan ạsighe sịphe ạḍighaagh phọ ạmi ólho.

Dutoronomi 4:35

Iḍeenaan bọ inyina ịphen phọ, ọbo nyina ẹsighe elegheriom mọ Ọmoogh-we phọ, ọdi bịn kụ Ẹnaan. Omuton nyọdi ẹnon ílho.

Dutoronomi 4:39

Kụ iḍighi, ilegheri rodon, kụ ẹetughian ghan sịphe iloghi phọ anyina mọ Ọmoogh-we phọ, ọdi kụ Ẹnaan phọ edi bọ ẹpe kꞌạke rꞌịsien aḅirini phọ. Omuton nyọdi, ẹnon ílho.

Josua 24:17

Ọmoogh-we Ẹnaan phọ ayira, ọdi kụ ụsighe bọ iyira rꞌạburude phọ ayira ạḍuanam ẹpe ade phọ Ijipt ọḍua esi ạdol ạrebene phọ, ọpo amiteghom bọ iboom areḍeenaan phọ ịpe yira ọmiin bọ, ọpo ụrolonaan bọ iyira oomo erelhe phọ ayira, rꞌogbo esi oomo awe phọ ạbuphe yira oten bọ.