Dutoronomi 32:11 - Ạḍinya Iigbia

¹¹ Ịdipho uga dị rạtughemi nmụny ịlo ọpheeph kạatarion ghan raphaaph ọdi amuphonom bịdi, kụ ịdi Ọmoogh-we phọ ạmaar ri aphogh Ịzirel ịdi kómeel.

Dutoronomi 32:11 Iomraidhean Croise

Emiighom 1:2

Ade phọ ịrol li bịn ịyaar ị́tol. Ọphiiny ạbazi phọ ratuḅuḍian ghan bọ kụ aakpereghiom bọ oomo ạraraar phọ, ạrol rꞌufiri kụ Uwaloor phọ Ẹnaan arelhe aaghironom sịphe ạnyu ạmuum mọ.

Ạsuor 18:10

Ọdi ạpheeph egina amem ạnyu ọokpaany aghuḍuul phọ ọdi ẹmoogh bọ raphaaph phọ; ọdi aḍigh ạnyu araphaaph ookuugh.

Ẹḍua 19:4

Nyina ịmiin ni ịpe mị aḍighi bọ we phọ Ijipt, mị ịpham inyina ịdipho uga rạpam ghan bọ mọony ọdi ạnyu araphaaph phọ ọdi kụ mị ịsighe inyina aghuraam loor ạmi.

Azaya 31:5

Ọkaraghi ịdipho ẹnun rekori ghan bọ otu ọdi ịlo ophogh ạnmuny phọ, ịduon phọ kụ mị Ogbogh Ọmoogh-we phọ kaako ni Jeruselem kụ abianan nyọdi.”

Azaya 40:31

Kụ bụphe oḍuom bọ ologhi Ọmoogh-we phọ ọloghonaan ạḍighaagh kọmiin ni ịdi bịdi kọlogha loor. Bịdi kọpeephom rꞌaraphaaph ịdipho aruga; bịdi kokiil li kụ kẹ́per; bịdi kotelhe kụ kọ́kaaru.

Azaya 46:4

Mị kụ Ẹnaan anyina kụ kạmaar ri ịpham inyina tụtu nyina ẹkpo, esi sụol rụmhu anyina. Mị kụ ịlhem inyina kụ kạmaar ri ịpham inyina; mị kịlhoghonaan inyina ḍịghaagh kụ ịtagharan inyina.”

Azaya 63:9

esi oomo ịminimiin phọ ạbidi. Kọ́okpaany kꞌạke, kụ Ọmoogh-we phọ rꞌaloor kụ ạphel bịdi. Esi ẹphomoghian rꞌọnma ighirigiir ọdi kụ ẹdi ọdi ạtagharan bịdi. Ọdi ạmaar ghan ni aphogh bịdi mem dị meten,

Jerimaya 13:11

Ịdipho anika rạmaar ghan bọ kaḅol esin oye kụ ịdi mị ạwa mọ oomo awe phọ Ịzirel rꞌaJuda uḅol ịmi. Mị uḍighi ịphen phọ ọbo bịdi oḍighi weye ạmi ọḅile ọsighe ḍịseph rꞌarughuenian ọngo ḍien phọ ạmi; kụ ọlo bịdi ịmi ụ́naghanan.”

Hosia 11:3

Ghạlamo ịduon phọ ni mị kụ ọpo ạtughemi bọ Ịzirel ịlo orelhe. Mị uḅeton weye phọ ạmi rạghaagh ạmi, kụ bịdi úloghoma mọ mị ụpham ni bịdi.

Dutoronomi 33:12

Kụ ịlo eghun ạBenjamin ọdi ạḅem ịduon: “Phẹn kụ eghun dị Ọmoogh-we phọ ạphomoghian kụ ạmaar ạpham. Ọdi aḍighi okoriom ạbidi oomo aḍio, Kụ ọdi ạrolan ghan igbo ạbidi.”

Bụo aHibru 11:3

Omeeraam kụ aḍighi bọ ịyaar phọ yira ọnaghan bọ mọ Ẹnaan ịḅem ọnhu bịn kụ ọlhem bọ aḅirini phọ. Esi ikpo ọnhu phọ ọdi, ụsighe ịpe rọ́miin bọ kụ ọlhem ịpe rọmiin bọ.

Ogonanami Phọ 12:14

Kụ ọngo ạnir phọ ịyal araphaaph oboom uga ịlo ọpheephom osi ẹdala phọ moseleminaan bọ nyọdi esi dị kọzo nyọdi ịraar ạsia rꞌạpakiri kụ ẹkaraph-ịyaar phọ nyọdi kẹ́miin mun.

Ogonanami Phọ 12:4

Ẹsoph phọ ọdi, ịghoghom muniin esi ịraar abin ạraanaan phọ ẹpe kꞌạke eroph esiemi ude. Ọdi ạmeera ghisigh ạnir phọ oghunughun phọ rakun bọ, ọbo ọmar mọony phọ roseere bịn ọdi ạba.