Dutoronomi 32:1 - Ạḍinya Iigbia

¹ “Kẹ, ler rụru, mị kạkaaph ni ịyaar; de, nạghan ịphen mị kạkaaph bọ.

Dutoronomi 32:1 Iomraidhean Croise

Ạsuor 49:1

Weye oomo areelhe, ịnaghan ịphen phọ. Nyina ạbuen erugh bọ sịen aḅirini phọ, iler rụru:

Ạsuor 50:4

Ọdi ạmagh kẹ phọ rꞌade phọ ạmeremi enye mọ ọmiin ịpe ọno kaagbonaan bọ ịiruen we phọ ọno.

Azaya 1:2

Ọmoogh-we phọ ạḅem mọ, “De rꞌạke, iler rụru ẹnaghan ịphen mị rạḅem bọ! Ạnmuny phọ mị aakonom bọ mọgbagharan esi ạmi.

Azaya 34:1

Weye oomo areelhe phọ, itu! Iikpomoghan ẹnaghan. Oomo ade phọ rꞌạtorobo oye lọ odi sịphe aru ạnaghan!

Jerimaya 2:12

Kụ iḍighi kụ mị ạto ạngo mọ okuaḍio phọ aphiigha ịlo aruugu, amaghagha ạḅile aḍighi ịlo aruugu,

Jerimaya 22:29

De, de, de! Ler rụru ịphen Ọmoogh-we phọ mạḅem bọ:

Jerimaya 6:19

Nạ ade phọ, nạghan! Esi ọliom ạbidi loor oomo phọ ịphen bịdi roḍighi bọ, mị kaagulemi bịdi, loor esi dị bịdi moghel ịtughemi phọ ạmi ḅịle kẹn ikpo ọnhu phọ ạmi bịdi ụ́naghanan.

Dutoronomi 30:19

Mị ạmagh kẹ phọ rꞌade phọ mọ oḍighi bụdi kọgba ịphen mị rịḅeni bọ inyina rodon. Mị miseenaan inyina ghuḍum rꞌaḍuugh, ḍịseph rꞌitulughian. Kụ iḍighi, ịsaḅar ghuḍum mọ ạkuphe nyina rꞌạnmuny phọ anyina keḍum bọ.

Dutoronomi 31:19

“Kụ iḍighi, gẹ ḍụor phọ ạḍien nyịidipho, ạsighe ạtughemi we phọ Ịzirel, ạsighe ạlogh ịnhu ạbidi. Ạḍuor phọ ạḍien eḍighi oye dị kạgba ghan ịpe eru bọ ịne sịphe ogbo awe phọ Ịzirel.

Dutoronomi 31:28

Iikpomoghinaan ịmi ikumoor awe phọ anyina rꞌạbuo ịtooghi phọ, mị ụkaaph oomo phọ ịphen phọ adoghoḍi sụruru ạbidi. Kụ mị kạmagh kẹ phọ rꞌade phọ ọge oseenaan bịdi.

Dutoronomi 31:30

Kụ aMozis ạghaaph ikpo ọnhu ạḍuor phọ adoghoḍi sụruru oomo awe phọ Ịzirel sịphe ookpomoghan phọ asiemi eekuna.

Dutoronomi 4:26

Mị ạmagh kẹ rꞌade oḍighi ạbugbaanaan anyina rodon. Eḍighi ịyaar dị nyina ẹḅaar ẹmhu esi ạmi, nyina kẹ́tol ebia iboom sịphe ade ẹḅeenyom ạJodan phọ nyina keḍigh bọ. Nyina keegulaan ni kpel kpel, emuneen.