Biblia Todo Logo
Bìoball air-loidhne

- Sanasan -




Dutoronomi 30:9 - Ạḍinya Iigbia

9 Kụ Ọmoogh-we Ẹnaan phọ anyina kiḍume inyina ạbalabalami, oomo iiḍighi ạraghaagh phọ anyina rꞌọophi anyina, rꞌạnmuny anyina, rꞌạsinam anyina, rꞌịizupha ịsiphe ade phọ anyina. Ọmoogh-we phọ kạḅile ni ạmoogh ḍịḅeeraan anyina, ịbughe inyina, ịdipho dị ạmooghom bọ bụrude phọ anyina ḍịḅeeraan phọ,

Faic an caibideil Dèan lethbhreac




Dutoronomi 30:9
19 Iomraidhean Croise  

Nyịna kọ́magh mun mọ “Akinom,” Ḅịle mꞌoghol ade phọ ạna mọ “Ọkpagha.” Kụ koghol nyịna ḍimoom aḍien mọ, “Ụḅeeraan.” Kokol de phọ ạna mọ, “Ophineen,” Loor esi dị nạ ạḅeeraan nị Ọmoogh-we phọ Kụ kaḍighi ịdipho olhom sịphe ade phọ ạna.


Ịdipho onyugheel ọony dị rạsighe ophin esina ọnyani dị kọ̋ka, Kụ ẹdi ọpo ạlhem bọ nyịna kaphin ni nyịna. Ịdipho oye lọ rapin ạnir, ologhi rạḅaal ghan bọ ọmiin ạnir phọ, Ịdipho kụ ẹdi ologhi Ẹnaan kạḅaal esi ạna.


Mị rꞌaloor kạmoogh ọḅaal ologhi loor ẹmhu aJeruselem rꞌawe phọ ọdi. Emoghi kẹ́tol mun sịphe, ạḍimagh ẹloghonaan kẹ́tol mun.


“Mị Ọmoogh-we phọ ạḅem mọ amem retu ni dị mị kamuzeḍi de phọ Ịzirel rꞌaJuda weye rꞌịnam.


Kụ ịdipho mị amiighe bọ loor kụ aruph, amiteghom, ạkpar apu, aphiemi kụ aagulemi, ịduon kụ ẹdi mị kamiighe loor aḅeph kụ ạmeremi yogh.


Rꞌọḅaal ologhi kụ mị aḍighinaan ghan bịdi igey ạraraar, kụ mị aseere bịdi amiighemi sịen ade phọ ạḍien.


AJeruselem kaḍighi zin iboh, eghuan rꞌoobagaam esi ạmi; kụ tọrobo eelhe sịen aḅirini phọ kekiilaan kụ epiigha mem dị bịdi ọnaghan ịlo igey ạraraar dị mị aḍighinaan weye aJeruselem rꞌedughom mọ mị aruomaan bọ ẹmha phọ.”


pọ mị kạloph ghan ọlophia ọkaraghi amem mọ, ọbo ade phọ esoor ghan eḍien, kụ ireeny ịsiphe ade phọ emuum ghan iimuma phọ ạbidi.


“Mị kạpoomi ni de phọ nyina ketugh bọ kụ nyina ẹnaani dị nyina oye kékiilaan. Mị kaporogh ni ilhom ịnam mọ ạsighiogh sịphe ade phọ; kụ ẹgham kẹ́tol mun sịphe ade phọ.


Ẹnaan phọ anyina, Ọmoogh-we phọ odianan rꞌanyina; ịikpo phọ ọdi kụ rịngo inyina ọkpar-opu. Ọmoogh-we phọ kạmoogh ni ḍịḅeeraan esi anyina, kụ esi ẹphomoghian ọdi kụ ẹdi ọdi kịngo inyina kumoom aghuḍum. Ọdi kạmoor sụor kụ ạmoogh iboh esi anyina


Kụ ẹkpe ni dị yira kole ẹyaal ọmoogh ọḅaal ologhi, ịdi eḍighi bọ umor phọ ạna amugh ni kụ mạḅile atigheel, aphe ni kụ mamite.’”


“Mị mạghaaph ịphen phọ ịḅeni inyina, ọbo iboh phọ ạmi ịrolan inyina, ḅịle kẹn iboh phọ anyina emunughan.


“Ọmoogh-we phọ kạseph ni ọophi ạnmuny phọ anyina, rꞌariḍien iizo phọ anyina, sịnam mọ rꞌiyool-ịga phọ anyina.


Ịdipho Ọmoogh-we phọ ạmoogh bọ ḍịḅeeraan kụ iḍighi ghan bọ inyina igey, ịbughe inyina; ịdipho kụ ịdi Ọmoogh-we phọ kạsighe ni ḍịḅeeraan kụ iphiemiom inyina kụ ịkam inyina atoḅologhi ẹpe ade phọ nyina rẹki bọ oḍigh ọmoogh.


Kụ iḅula ẹnaghanan ghan ẹḍogh Ọmoogh-we phọ, eeko ghan oomo iilogh phọ ịphen mị ạlogh bọ ịngo bọ inyina rodon.


Ọdi kịseph inyina apuemi we ạbunon areelhe. Sịphe ogbo phọ anyina, oye ólho, mꞌolephiri mꞌạnir, dị kạtol ẹ́mar; ẹnam ílho kẹn dị kẹtol ẹ́mar.


Lean sinn:

Sanasan


Sanasan