Dutoronomi 30:7 - Ạḍinya Iigbia

⁷ Kụ Ọmoogh-we Ẹnaan phọ anyina ạsighe oomo itulughian phọ ịphen ạḅam rụmhu ạbumulogh-ḍien phọ anyina rꞌạbuphe nyina ekia bọ kụ rẹgbiphoghom bọ inyina.

Dutoronomi 30:7 Iomraidhean Croise

Ẹḍua 23:22

Kụ ọlo eḍighi mạar lọ nyina ẹnaghanan nyọdi ẹḅile eḍighi tọrotoro ịlo mị ạto, mị katuphiom ghan oomo ẹpomoghian phọ anyina.

Azaya 10:12

Kụ Ọmoogh-we phọ rạḅem ghan mọ, “Mem dị mị ạmadan ịpe mị raḍighi bọ sịphe Eegum ạZayon rꞌaJeruselem, mị kạliom ni ogbogh ọdaam mọ Asiria loor oomo obaga rꞌophoophe aloor phọ ọdi.”

Jerimaya 25:29

Mị kamiighom oḍighi oogulemi phọ sịen ọkar ẹmha phọ ạmi, Jeruselem. Bịdi rogbiom ghan mọ bụno kokpetenaan ni ḍụghum? Eeye, kọliom ni bịdi, loor esi dị mị kạsighe ẹgham kụ atuomonaan oomo awe ade phọ. Mị, Ọmoogh-we Ẹnaan Oomo Ịikpo phọ, kụ mạḅem.

Jerimaya 30:16

Kụ nyịidipho kọtaalom ni ịgbalapuur oomo ạbulo ịraalom inyina ịgbalapuur, ḅịle kosiphi ni oomo ẹpomoghian phọ anyina ọḍuanam, Kọkpiloghom ni oomo ạbulo ịkpiloghom inyina, kụ oomo ạbulo ọsighiogh rạraar anyina ẹkaraph ẹsighenom kọsighiogh ni rạraar ạbidi eniin phọ ẹsighenom mọ.

Izikiel 25:12

Ọmoogh-we dị ạmoogh oomo ịikpo ạḅem, “Awe phọ Idom uḍighi ẹkaraph eḍighinom oḅulemian aJuda, kụ oḅulemian phọ ọpo maruomaan Idom apum dị eekuna ílho.

Izikiel 25:15

Ọmoogh-we dị ạmoogh oomo ịikpo ạḅem, “Awe phọ aFilistia oḍighi ẹkaraph eḍighinom oḅulemian ạbuphe oḍighi bọ bụmulogh-ḍien phọ ạbidi kꞌamem dị mebia kụ opiemi bịdi rꞌogbogh ophin ologhi.

Izikiel 25:3

Ḅẹni bịdi mọ ọnaghan ịphen mị Ọmoogh-we dị ạmoogh oomo ịikpo rạḅem bọ: Ologhi anyina ạḅaal li ọmiin dị ọopu Otu Ịiḅereghi phọ, ọmiin dị moogulemi de phọ Ịzirel, ọmiin dị awe phọ aJuda mosumughu ạaghian.

Izikiel 25:6

“Ịphen kụ ịdi Ọmoogh-we dị ạmoogh oomo ịikpo rạḅem: Nyina ikpoolha rạghaagh ẹḅile epeleghu esi iboh. Nyina ẹḅitonaan de phọ Ịzirel.

Izikiel 25:8

Ọmoogh-we dị ạmoogh oomo ịikpo ạḅem, “Loor esi dị ạMoab mạḅem bọ mọ eelhe aJuda ẹkigh oomo ịpheri phọ areelhe phọ,

Ẹmos 1:11

Ọmoogh-we ạḅem mọ, “Awe Idom mọpioman kụ ọḅile ọpioman, kụ loor esi ịduon phọ mị kạkar ri ạliom bịdi. Bịdi ụtaya ni we phọ Ịzirel, abumor phọ ạbidi, kụ ụ́nma bịdi ighirigiir. Ịghagh iloghi ạbidi eekuna ị́tol kụ bịdi úmeera mọ eḍim.

Ẹmos 1:13

Ọmoogh-we ạḅem mọ, “Awe Amon mọpioman kụ ọḅile ọpioman, kụ loor esi ịduon phọ mị kạkar ri ạliom bịdi. Esi ẹgham ọmoogh egbogh eelhe, bịdi ụphanyi ni rụkuruḅaka ạnmariir dị ọrol rꞌarughunughun ẹpe Gịliad.

Ẹmos 1:3

Ọmoogh-we ạḅem mọ, “Awe ạDamaskos mọpioman kụ ọḅile ọpioman, kụ loor esi ịduon phọ mị kạkar ri ạliom bịdi. Bịdi ụmiine ni we ạGiliad rꞌogbogh ọghagh ologhi.

Ẹmos 1:6

Ọmoogh-we ạḅem mọ, “Awe aGaza mọpioman kụ ọḅile ọpioman, kụ loor esi ịduon phọ mị kạkar ri ạliom bịdi. Bịdi ụkar kụ ọsighe ekpom eelhe kụ ọghi aalha we Idom ịdipho ạrebene.

Ẹmos 1:9

Ọmoogh-we ạḅem mọ, “Awe aTaya mọpioman kụ ọḅile ọpioman, kụ loor esi ịduon phọ mị kạkar ri ạliom bịdi. Bịdi ụkar kụ ọsighe ekpom eelhe kụ oseere dọl iiruen ẹpe ade phọ Idom, kụ úuko iilogh ịyo phọ bịdi kụ oghiran bọ ịlo ẹphomoghian.

Obadaya 1:10

“Ụtuan dị nyina ẹkaaghi ruutu, ẹze bumor phọ anyina oḍighi bọ ẹemara ẹemara phọ ạJekob, kiphiemi ni inyina osiphiom umugholoor kꞌagee-pọ.

Zẹkaraya 12:3

Kụ ọlo mem dị amem mọ kẹteeny bọ, mị kạsighe Jeruselem aḍighi ịdipho aḍighiigh dị ẹemor — tọrotoro eelhe lọ ọghi ophoophe koḍighima ni ịyaar. Oomo areelhe aḅirini phọ kọḅophoghan ni kụ ozuom nyọdi ẹgham.

Igbiighi 24:14

ẠBelam ạḅeni Bẹlak mọ, “Nyịidipho, mị rakeel kꞌayoor. Kụ tụtu mị rạḍua, mị kạḅeni nyịna ịdi awe Ịzirel koḍighi we phọ ạna, ḍio-pọ.”

Igbiighi 24:9

Eelhe phọ Ịzirel ẹkigh ịdipho ạnam-dịka; Ẹmina eḅoorian ịdipho ẹya ạnam-dịka. Ạnhian kụ katue ạpam nyọdi apoophe? Ạḍiseph ẹrolonaan tọrobo oye lọ ạseph nyịna. Itulughian ẹrolonaan oye lọ arulughi nyịna.”

Dutoronomi 30:8

Kụ iḅula ẹnaghanan ghan ẹḍogh Ọmoogh-we phọ, eeko ghan oomo iilogh phọ ịphen mị ạlogh bọ ịngo bọ inyina rodon.

Dutoronomi 7:15

Ọmoogh-we phọ kaporogh ni oomo ạreezegh loor anyina ạsighe, kụ rꞌeniin ịkaraph ạreezegh phọ Ijipt ịpe nyina elegheri bọ ni dị kiḍighi inyina ílho. Ọdi kạsighe aseenaan bụphe ịlogh bọ inyina ḍien.