Dutoronomi 30:6 - Ạḍinya Iigbia

⁶ Kụ Ọmoogh-we Ẹnaan phọ anyina aḍunogh iloghi phọ anyina rꞌiloghi ạnmuny phọ anyina, ọbo nyina ẹphomoghian Ọmoogh-we Ẹnaan phọ anyina rꞌoomo iloghi phọ anyina rꞌoomo aruwaloor phọ anyina, ọbo ẹrol ebia.

Dutoronomi 30:6 Iomraidhean Croise

Ẹḍua 20:6

Kụ ọnma ighirigiir kạtolonaan ni sịmuunir ạbulo ụphomoghian ịmi kụ ooko ghan iilogh phọ ạmi.

Jerimaya 24:7

Mị kạngo ni bịdi ḍịḅeeraan olegheriom mọ mị kụ Ọmoogh-we phọ kụ bịdi ogbi oḍighi awe ạmi, kụ mị aḍighi Ẹnaan ạbidi, loor esi dị bịdi kotighelom ni esi ạmi rꞌoomo ologhi phọ ạbidi.

Jerimaya 32:39

Eniin ẹephua kụ ẹdi mị kạngo bịdi: ọngo ạmi eghuan oomo amem, ịlo kẹnighenaan bịdi rꞌạnmuny ạnmuny ạbidi.

Jerimaya 4:4

Ịmaar eeko ịyo phọ nyina eghiran bọ rꞌạmi Ọmoogh-we phọ anyina, ẹḅile ẹḅogh siloor anyina ịngo ịmi, nyina aweye aJuda rꞌaJeruselem. Eḍighi ịyaar dị nyina ímeera, ọghagh ologhi phọ ạmi kaamor ịdipho ạnian loor esi ịkaraph phọ nyina meḍighi bọ. Ọghagh ologhi phọ kaamor ri, kụ oye ólho dị katue aḍime.”

Lịvitikos 18:5

Kụ iḍighi, ịtuugh iilogh phọ ạmi rꞌịtooghi phọ ạmi eeko ghan. Oye lọ ạtuugh ịphen phọ kụ ạdaph kạpel li ghuḍum ọdi. Mị kụ Ọmoogh-we phọ.”

Matiu 22:37

Kụ ạJizos mọ, “‘Pọmoghian Ọmoogh-we Ẹnaan phọ ạna, rꞌoomo ologhi ạna, rꞌoomo uwaloor ạna, rꞌoomo ịitughian ạna.’

Bụo aRom 11:26

Ịduon kụ ịdi kọpel bọ oomo aweye phọ Ịzirel otene. Ịdipho ọge bọ pạ ạḍinya iigbia phọ mọ, “Ọpelia phọ kamite Zạyon. Sịphe ẹemara phọ ạJekob, ọdi kạsighe ni oomo elegheri Ẹnaan.

Bụo aRom 8:28

Yira olegheri ni mọ Ẹnaan rẹlogh ghan ni ḍịghaagh mọ oomo ạraraar ẹnighenaan bụphe ọphomoghian bọ nyọdi, bụphe ọdi ạatughian bọ kụ ạmagh.

1 Bụo ạKorint 8:3

Kụ Ẹnaan rẹloghoma ghan ni oye lọ ạphomoghian nyọdi.

2 Bụo ạKorint 5:17

Oye phọ raḍighi ghan omoom, mem lọ ọdi mạḅophan aKraist. Igbaany phọ meten, imoom meru.

Dutoronomi 10:16

Kụ iḍighi kụ iḍuna yogh iloghi phọ anyina ẹwile oḅom ẹmhu,

Dutoronomi 11:1

“Kụ iḍighi, ịpomoghian Ọmoogh-we Ẹnaan phọ anyina, eeko ghan ịpe ọdi ịḅeni bọ inyina, ịtooghi phọ ọdi, ịiruen phọ ọdi, rꞌiilogh phọ ọdi, oomo amem.

Dutoronomi 6:5

Ịpomoghian Ọmoogh-we Ẹnaan phọ anyina rꞌoomo iloghi phọ anyina, rꞌoomo uwaloor phọ anyina, rꞌoomo ịnyaam mọ anyina.

Bụo ạKolosi 2:11

Mem mọ nyina emeeraam bọ Kraist, Ẹnaan ịngo ni inyina elegh olegheriom mọ nyina awe ọno. Iḍun kụ elegh phọ Ẹnaan eseenaan bọ bụo aJu phọ. Ịpe anyina ị́moogh ịyaar oḍighinom aḍizu phọ. Eḍighi ghụn dị aKraist mamurion ịkaraph ạruuphua phọ anyina aroph.

Jems 1:12

Iboh kꞌẸnaan edianaan ni oye lọ ạmerenyan ịiḅaghami; kozu ni nyọdi eghoony aghuḍum mọ ẹpe Ẹnaan eguanaan bọ bụphe ọphomoghian bọ nyọdi.

Jems 2:5

Iiḅi asiya ạmi, ịnaghan. Ẹnaan ị́saḅar ḍịen rukulom aḅirini phọ ọphon mọ ọtuan omeeraam mọ ạbidi oḍighi rạalha, ọḅile oliom aani erua ọmar phọ dị aguanaan bọ oomo ạbuphe ọphomoghian bọ nyọdi?

1 Jọn 4:7

Iiḅi asiya, oniin ạphomoghian ghan nyoniin, ịdi eḍighi bọ Ẹnaan phọ azin ẹphomoghian! Kụ oye lọ ạmoogh ẹphomoghian, pọ mọmar ọḅile ọmar, alegheri Ẹnaan.