Dutoronomi 30:5 - Ạḍinya Iigbia

⁵ Kụ Ọmoogh-we Ẹnaan phọ anyina ịsighe inyina asiemi ẹpe ade phọ ạḍiphe ạburude phọ anyina ọmoogh bọ, kụ nyina ẹmoogh, kụ ọdi iḍighi inyina iiḅi kụ nyina ẹmaraghian epu bụrude phọ anyina.

Dutoronomi 30:5 Iomraidhean Croise

Ạsuor 119:68

Pọ eeghe ịdi nạ ạnighe — rꞌọnma ighirigiir. Ụtughemi ịmi ịtooghi phọ ạna.

Jerimaya 29:14

Ii, mị ạḅem, nyina kịmiin ni ịmi, kụ mị kịsighe inyina aḅulemi ẹpe ade phọ anyina. Mị kiikpomoghi inyina tọrobo eelhe, rꞌạtorobo ekpisi lọ mị ịwalalami inyina, kụ mị iḅulemi inyina sịphe ade phọ nyina ẹrol bọ kụ mị ịsighe bọ inyina ạghimom iiruen arikpisi phọ. Mị Ọmoogh-we phọ kụ mạḅem.’

Jerimaya 30:3

loor esi dị amem retu ni dị mị kaḅulemi weye phọ ạmi, Ịzirel rꞌaJuda. Mị kaḅulemi ni bịdi sịphe ade phọ mị ạngo bọ bụrude ạburude phọ ạbidi kụ bịdi ọḅile ọmoogh. Mị, Ọmoogh-we phọ, kụ mạḅem.”

Jerimaya 33:9

AJeruselem kaḍighi zin iboh, eghuan rꞌoobagaam esi ạmi; kụ tọrobo eelhe sịen aḅirini phọ kekiilaan kụ epiigha mem dị bịdi ọnaghan ịlo igey ạraraar dị mị aḍighinaan weye aJeruselem rꞌedughom mọ mị aruomaan bọ ẹmha phọ.”

Izikiel 36:11

Mị kaḍighi ịdi awe rꞌạsinam kẹbugh ḍita. Aḍita anyina kẹbugh epu ịpe ẹrol ghan bọ ḅịle nyina kẹmar ịbadi ạnmuny. Mị kaḍighi ịdi nyina kẹtol sịphe ịdipho nyina ẹrol ghan bọ mem dị meten, ḅịle mị kịngo inyina edughom apuemi mem dị meten, kụ nyina egbi olegheri mọ mị kụ Ọmoogh-we phọ.

Izikiel 36:37

Ọmoogh-we dị ạmoogh oomo ịikpo ạḅem, “Mị kạḅile ni ạngo ọgel awe Ịzirel phọ ụlhom ịmi ọloghonaan ạḍighaagh, kụ mị kạbughe ḍita ạbidi ịdipho aḍita iyool-ịga.

Igbiighi 10:29

Kụ aMozis ạḅeni Hobab ọony phọ aJetro ọlo ạMidia phọ ọde ạnir phọ ọdi mọ, “Yoor mọnyaaghian ọghi esi phọ Ọmoogh-we phọ kịngo bọ iyoor. Ọdi maguanaan ọngo Ịzirel eboom ẹeḍiom. Tue rụdaph iyoor. Yoor kodi ni ẹelha phọ ọngo aani nyịna.”

Dutoronomi 13:17

Esi oomo ạraraar phọ ịpe mosu bọ ọkaraph ọnhu kopiemi bọ, kụ́miin rꞌeniin ịyaar ḍịghaagh anyina, ọbo Ọmoogh-we phọ kakiton esi ạghelhe phọ ọdi, iḍeenaan inyina ọnma ighirigiir. Ọdi kạmoogh ni igbiririph esi anyina, ịseph inyina, ạbughe ọophi ẹmaria phọ anyina, ịdipho dị aghunya bọ ạngo bụrude phọ anyina,

Dutoronomi 7:13

Ọdi kịphomoghian ni inyina ịseph inyina, ịbughe inyina, ạḅile ạbughe ọophi anyina, ạbughe eḍien ịsiphe ade phọ, ịizupha phọ anyina, avain phọ anyina rꞌạmunum mọ, ạbughe sịnam rꞌiyool-ịga phọ anyina ẹpe ade phọ dị aghunya bọ ạngo bụrude phọ anyina, ọngo anyina.